मराठी राजभाषा दिननिमित्त ~ Educational news and updates|शैक्षणिक बातमी|शालेय शिक्षण|

राजभाषा दिनानिमित्त माझी काव्यरचना....

*विषय - मायमराठी*

*शिर्षक- माय ही या श्वासाची...*

माय ही या श्वासाची,

शब्द हीचे आहे मधुर ,

स्वर बनुनी उमटतात,

श्रोते होतात अधीर,

बोलीभाषेची हीच जडण,

अहिरणी,वऱ्हाडी वा मालवणी,

नटवून हीस चढवितात साज,

घडतात हीचीच कास धरुनी,

शब्दाचा अखंड हीचा भंडार,

ग्रंथ बनुनी होते साठवण ,

या महाराष्ट्राचा आहे,

भाषा म्हणून तुच प्राण,

बांधणी हिची स्वर व्यंजनाची,

शब्द नी शब्द हीचा खास,

सह्याद्रीच्या सावलीत,

घडवते स्वराज्याचा इतिहास ,

बनून ओळख या मातीची,

बनली जननी या महाराष्ट्राची,

विणला आहे हिच्यात आपलेपणा,

ही भाषा आहे स्पष्टपणाची,

गंध हीचा मज फुलवितो,

करतो वंदन मनातून ,

माय मराठीची आम्ही लेकरं,

उमटले भाव कंठातून ....

*प्रकाशसिंग राजपूत*

*🚩 छ.संभाजीनगर🚩*

📲 9960878457