डिजिटल स्कूल समूह महाराष्ट्रच्या या वेबसाईटला अवश्य Follow करा....पोस्टवर काॕमेंट अवश्य करा....धन्यवाद

जिल्हातंर्गत टप्पा क्र ३

 जिल्हाअंतर्गत बदली मधील टप्पा क्रमांक तीन बदली अधिकार प्राप्त शिक्षकांच्या बदल्या याबाबत मार्गदर्शनपर व्हिडिओ दिलेला आहे. अपडेट राहण्यासाठी डिजिटल समूह वेबसाईटला भेट देत रहा....



प्रोफेसर ऑफ प्रॅक्टिस' या पदाला राज्य सरकारनची मान्यता

 उच्च शिक्षणात औद्योगिक क्षेत्राच्या गरजा ओळखून नियमित शिक्षणात व्यवसाय शिक्षण अंतर्भूत करण्यासाठी उपयुक्त ठरणाऱ्या 'प्रोफेसर ऑफ प्रॅक्टिस' या पदाला राज्य सरकारने मान्यता दिली आहे. त्यामुळे राज्यातील शिक्षण संस्थांमध्ये विद्यापीठ अनुदान आयोगाच्या या धोरणाची अंमलबजावणीचा मार्ग मोकळा झाला आहे.



आयोगाने राष्ट्रीय शैक्षणिक धोरण २०२० मधील शिफारशीच्या अनुषंगाने 'प्रोफेसर ऑफ प्रॅक्टिस'संदर्भात दिलेल्या मार्गदर्शक सूचनानुसार उच्च शिक्षण संचालनालयाच्या अखत्यारितील शासकीय संस्थांमधील प्राध्यापकांच्या मंजूर पदांच्या १० टक्क्यांच्या प्रमाणात 'प्रोफेसर ऑफ प्रॅक्टिस' यांची नियुक्ती करण्यास मान्यता देण्याचा निर्णय सरकारने घेतला आहे.

 त्यानुसार, अभियांत्रिकी, विज्ञान, तंत्रज्ञान, समाजशास्त्र, साहित्य, ग्रामीण विकास, सेंद्रिय शेती, न्यायिक व्यवसाय, प्रसारमाध्यम, उद्योग आदी क्षेत्रात किमान पंधरा वर्षाचा अनुभव असलेल्या व्यक्तीची प्रोफेसर ऑफ प्रॅक्टिस पदासाठी नियुक्ती करता येणार आहे.


बदली अर्ज भरण्यापुर्वी ही माहिती पहा....

या पदासाठी संस्थेद्वारे वृत्तपत्रात जाहिरात देऊन निवड प्रक्रिया राबवली जाईल. संस्थेतील दोन वरिष्ठ प्राध्यापक आणि संस्थेबाहेरील एक तज्ज्ञ यांची समिती निवडीसाठी शिफारस करेल. त्यानंतर संस्थेतील प्रशासकीय परिषद, कार्यकारी परिषद किंवा वैधानिक समिती निवडीबाबत निर्णय घेईल. नियुक्त प्राध्यापकाला तिसऱ्या आणि अंतिम वर्षाच्या विद्यार्थ्यांना किमान एक विषय शिकविणे बंधनकारक राहणार आहे. या नियुक्त प्राध्यापकांचा कार्यकाळ सुरवातीला एक वर्षासाठी राहील. त्यानंतर मूल्यमापनाद्वारे जास्तीत जास्त तीन वर्षांसाठी मुदतवाढ देता येईल, असे स्पष्ट धोरणात स्पष्ट केले आहे.

या पदावर कार्यरत असणाऱ्या प्राध्यापकांची नियुक्ती संस्थांनी स्वत:च्या निधीतून, मानधन तत्त्वावर किंवा उद्योगांकडून प्रायोजित निधीतून अशा प्रकारातून करावी लागणार आहे. यासाठी शासनाकडून कोणत्याही प्रकारचा निधी उपलब्ध करून दिला जाणार नसल्याचे उच्च व तंत्र शिक्षण विभागाने अध्यादेशात स्पष्ट केले आहे.

अहमदनगर मध्ये शिक्षकावर प्राणघातक हल्ला

 *प्राथमिक शिक्षकावर प्राणघातक हल्ला*                                                     **********जि प प्राथमिक शाळा धारवाडी ता अकोले येथील कार्यरत शिक्षक श्री-नजन भाऊसाहेब यांच्यावर गावातील एका माथेफिरूने बियरच्या रिकाम्या बाटलीने डोक्यात प्राणघातक हल्ला केला.सदर शिक्षक रक्तबंबाळ अवस्थेत पंचायत समिती अकोले येथे काल संध्याकाळी आले. त्यांना तात्काळ विस्तार अधिकारी जालिंदर खताळ व बाळासाहेब दोरगे यांनी पोलिस स्टेशनमध्ये फिर्याद देण्यासाठी आणले. त्यानंतर खताळ साहेबांनी संघटनेच्या पदाधिकाऱ्यांशी संपर्क साधला व तात्काळ पोलिस स्टेशनमध्ये राजेंद्र सदगीर, आण्णासाहेब आभाळे, बाळासाहेब आरोटे, नितिन नेहे, मारूती बांगर, बाळासाहेब गंभिरे,बाळु बेणके,भांडकोळी सर आदि पदाधिकारी पोलिस स्टेशनमध्ये उपस्थित झाले. पोलिस निरीक्षक मिथुन घुगे साहेब यांच्याशी चर्चा करुन तात्काळ आरोपीला 353 कलमान्वये अटक करावी अशी मागणी केली. त्यांनी ती तात्काळ मान्य केली.🤝 🤝🤝🤝🤝🤝🤝🤝🤝       

                                     त्यानंतर अकोले तालुका पंचायत समितीचे गटशिक्षणाधिकारी अरविंद कुमावत साहेब हेही गुन्हा दाखल करण्यासाठी रितसर शिक्षण विभागाचे परवानगीपत्र घेऊन उपस्थित झाले. नंतर सरांना  अकोले ग्रामीण रुग्णालयात नेऊन उपचार करून मेडीकल रिपोर्ट तयार करुन घेतला.नंतर पोलिस स्टेशनमध्ये रात्री दहा वाजेपर्यंत फिर्याद दाखल करण्याचे काम चालू होते.353 कलमाअंतर्गत सदर इसमावर गुन्हा दाखल केला असुन पोलिस सकाळी अटक करण्यासाठी पोलिस पथक धारवाडी येथे रवाना झाले. सदर घटनेचा अकोले तालुक्यातील प्राथमिक शिक्षकांच्या वतिने निषेध करण्यात येत आहे*

पेरिस्कोप.... दप्तरमुक्त शनिवार

 *दप्तर मुक्त शनिवार एक दिवस नवचैतन्याचा....*


पेरिस्कोप

विज्ञानाची गोडी लहानपणी लागावी तसेच शास्त्रज्ञ ओळख व नाविण्यपुर्ण अशा अनेक कृती शाळेत आयोजित करण्यात येतात. सन २०२२ चा अखेरचा शनिवार आनंददायी व ज्ञानवर्धक ठरला तो पेरिस्कोप च्या निर्मितीतून ... 




औरंगाबाद तालुक्यातील जिल्हा परिषद प्राथमिक शाळा मुरूमखेडावाडी ही सतत नाविन्यपूर्ण उपक्रमासाठी अग्रक्रमी आहे.

 यामध्ये शनिवार दप्तर मुक्त शाळांमध्ये अनेक नावीन्यपूर्ण प्रयोग शाळेमध्ये घेतल्या जातात. मुलांना तंत्रज्ञानाची आवड लहानपणी लागावी यासाठी रोबोटिक्स कार निर्मिती, ड्रोन फ्लाईंग प्रात्यक्षिक , रोबोट प्रात्यक्षिक याचबरोबर  मातीकामात मूर्ती निर्मिती यामध्ये साच्यांचा वापर करून मूर्ती तयार करण्याचे कौशल्य विद्यार्थ्यांना  आत्मसात करून दिल्या जात आहे . 

याचबरोबर मैदानी खेळाची विद्यार्थ्यांना आवड लागावी यासाठी कबड्डी खो-खो यासारख्या खेळांचा समावेश शनिवारच्या दिवसांमध्ये केला जात आहे. पुस्तकांचे वाचन , ज्ञानरचनावादी साहित्याचा वापर तसेच  याचबरोबर शाळेमध्ये *"आमचा नॉलेज झोन"* या अंतर्गत ऑलम्पिक मेडल विजेते परमवीर चक्र विजेते तसेच शास्त्रज्ञाची माहिती पुस्तकाच्या स्वरूपात, पोस्टर स्वरूपात  शालेय परिसरामध्ये करून देण्यात आलेली आहे . 

मुरूमखेडावाडी शाळा ही डोंगर भागात असून शाळेचा परिसर  सुंदर  बनतो तो शाळेच्या  ७५० पेक्षा जास्त झाडांनी, हिरवाईने नटलेली ही शाळा असून या परिसरातच विद्यार्थ्यांना या नॉलेज झोनचा व इतर उपक्रमांचा फायदा मिळत आहे. एक नाविन्यपूर्ण उपक्रमाची साथ सोबतच तंत्रज्ञानाची गोडी मुलांना लागत आहे .

शाळेतील शिक्षक प्रकाशसिंग राजपूत यांनी वेळोवेळी नवीन नवीन उपक्रम राबवत सहकारी शिक्षक दिलीप आढे यांचेही सहकार्य मिळवित शाळेमध्ये उपक्रम राबवलेले आहे .

शाळेतील पालक सभा ही शाळेच्या विकासापासूनच शाळेच्या प्रत्येक गोष्टीमध्ये सहभागी असते सन २०१८ पासूनचा पालक सभेचा सहभाग शाळेच्या एकूणच वाढलेल्या प्रगतीमध्ये दिसून येत आहे.

करमाड केंद्राचे केंद्रप्रमुख श्री बनकरसाहेब व सोनुने सर यांचे मार्गदर्शन नियमित असून या उपक्रमांना शिक्षणविस्तार अधिकारी श्री रमेश ठाकूर तथा गटशिक्षणाधिकारी थावरे मॕडम यांच्या नियमित शुभेच्छा व पाठबल लाभत आहे बरोबरच शिक्षणाधिकारी श्रीमती जयश्री चव्हाणमॕडम यांच्या गेल्या २ वर्षात दोन भेटीही झालेल्या असून त्यांनी ही DFC उपक्रमाचे कौतुक केलेले आहे.

नविन गीत तळपता ज्वाला

 


🚩🚩 *तळपता ज्वाला*....🔥🔥


https://youtu.be/gxU0l_OgD7s


*छत्रपती संभाजी महाराज यांच्यावर लिहिलेले हे शौर्यगीत कृपया जास्तीत जास्त शेअर करा....*



*विशेष आभार.*


*खा.डाॕ. अमोलजी कोल्हेसाहेब*


*गीतगायन व संगीत*

*सुभाष शिंदे*


*गीतलेखन*

*प्रकाशसिंग राजपूत*

📲 9960878457 



https://youtu.be/gxU0l_OgD7s

संवर्ग 2 चे फॉर्म भरणे

 जिल्हातंर्गत बदली प्रक्रियेतला टप्पा क्र २ पती पत्नी एकत्रीकरण अंतर्गत फाॕर्म भरण्यासाठी vinsys तर्फे हा मार्गदर्शक व्हिडीओ टिम डिजिटल च्या वतीने मी प्रकाशसिंग राजपूत घेऊन आलो आहे. 




प्रजासत्ताक दिनासाठी भाषणे | republic day speech |

 प्रजासत्ताक दिन भाषणे  

डिजिटल स्कूल समूह महाराष्ट्र करिता मी प्रकाशसिंग राजपूत आज खास विद्यार्थ्यांना उपयुक्त ठरतील अशी सोपी भाषणे आणली आहेत.

निश्चितच त्यांच्या वकृत्वास चालना देण्यासाठी हा छोटासा प्रयत्न....




भाषण फाईल डाऊनलोड करा 👇


https://drive.google.com/file/d/1C2aTN9Iul54c6oynhqF9ktKbmziByfRQ/view?usp=drivesdk

बदली फाॕर्म withdrawal बाबत

*बदली पोर्टल 2022*

*पोर्टलवर form withdrawal सुविधा उपलब्ध*


✳️ *Form Withdrawal सुविधा*


➡️ *दिनांक 21 डिसेंबर ला ज्या विशेष संवर्ग-1 च्या शिक्षकांनी प्राधान्यक्रम सबमिट केलेत त्यांना एक ईमेल प्राप्त झाला असेल*. *त्या ईमेल मध्ये आपण पोर्टलवर नोंदवलेला प्राधान्यक्रम उलट सुलट असल्याचे दिसून येत आहे म्हणजेच प्राप्त झालेल्या ई-मेल मधील pdf मध्ये प्रिंटिंग समस्या दिसून येत आहे पोर्टलवरील त्यांचा फॉर्म योग्य आहे परंतु pdf मधील प्रिंटिंग समस्येमुळे आपले समाधान होत नाही व आपणास प्राप्त होणारी pdf ही योग्य असणे आवश्यक आहे*

➡️ *शिक्षक, पोर्टलमध्ये लॉग इन करून याची शहानिशा करू शकतात आणि तुमचा प्राधान्यक्रम योग्य आहे की नाही ते पुन्हा तपासू शकतात*. 


➡️ *तरीसुद्धा आपले समाधान होत नसेल किंवा आपल्या प्राधान्यक्रमामध्ये काही चुका झाल्या असल्यास  आपण आपला फार्म त्याखाली विथड्रॉल (Withdrawal)या tab वर क्लिक करून आपला फॉर्म मागे घेऊ शकता* *व पुन्हा प्राधान्यक्रम भरून फॉर्म सबमिट करू शकता तशी सुविधा पोर्टलवर देण्यात आलेली आहे*


✳️ *बदली पोर्टल अपडेट*


➡️ *जिल्हातंर्गत बदली पोर्टलवर सध्या दिनांक 21 डिसेंबर 2022 ते 24 डिसेंबर 2022 दरम्यान विशेष संवर्ग भाग एक मध्ये येणाऱ्या शिक्षकांच्या बदली अर्ज संदर्भात शाळांचा प्राधान्यक्रम देण्याची प्रक्रिया सुरू आहे.*


➡️ *विशेष संवर्ग भाग एकच्या शिक्षकांनी ज्या शिक्षकांना बदली नको होती अशा शिक्षकांनी पोर्टलवर नकार नोंदवलेला आहे नकार नोंदवलेल्या शिक्षकांना पोर्टलवर कोणतेही प्रकारची नोंद करण्याची गरज नाही*


➡️ *परंतु ज्या विशेष संवर्ग भाग एकच्या बदली पात्र नसलेल्या शिक्षकांनी बदलीसाठी होकार दर्शविलेला आहे अशा शिक्षकांना पोर्टलवर एकही सोयीची शाळा नसेल तरीसुद्धा कमीत कमी एक शाळेचा प्राधान्यक्रम भरून आपला फॉर्म सबमिट करावा*


➡️ *कारण  अगोदरच संवर्ग एक मधून अर्ज भरण्यासाठी होकार किंवा नकार दर्शवण्यासाठी संधी मिळाली होती त्या संधीतून आपण होकार दर्शवल्यामुळे आपल्याला आता आपल्या शाळेवरून दुसऱ्या शाळेवर जाण्यासाठी दुसऱ्या शाळांचा प्राधान्यक्रम देणे आवश्यक आहे.*


➡️ *त्यामुळे आहे त्या शाळेवरून आपणास बदली नको असेल तर आपणास न मिळणाऱ्या शाळेचा एक प्राधान्यक्रम भरून फॉर्म सबमिट करावा*


अवघड क्षेत्रातील खडतर प्रवास 



➡️ *असे केल्याने आपणाकडे फॉर्म भरण्याचा प्रूफ राहील*


➡️ *परंतु आपण फॉर्म सबमिट न केल्यास इतर कोणत्याही प्रकारची गैरसोय होऊ नये म्हणून किंवा जर आपणास  सर्वसाधारण क्षेत्रातील एकूण सेवा दहा वर्ष व एका शाळेवर तीन वर्ष सेवा झालेली असेल तर आपण सर्वात शेवटच्या राऊंडमध्ये अवघड क्षेत्रातील शाळा रिक्त राहिल्यास तेथे आपले नाव यादी देण्याची किंवा आपली बदली होण्याची शक्यता आहे.*


➡️ *तसेच आपण अर्ज भरून बदलीसाठी संधी घेतल्यामुळे व पोर्टलमध्ये आपली नोंद संवर्ग एक मधील शिक्षक अशी झाल्यामुळे शेवटच्या राऊंडमध्ये अवघड क्षेत्रातील शाळा मिळण्याचे टळेल.* 


✳️ *विशेष संवर्ग भाग 1 मधील बदली पात्र शिक्षकांकरिता*


➡️ *विशेष संवर्ग भाग एक मधील शिक्षक जर बदली पात्र असतील तर त्यांची बदली ही निश्चित होईल*


➡️ *बदली पात्र शिक्षकांची बदली होत असल्यामुळे त्यांनाही याच राऊंड मध्ये बदलीने शाळा मिळणे अत्यावश्यक आहे* 


➡️ *कारण या राऊंडमध्ये आपणास शाळा न मिळाल्यास आपण विस्थापित राऊंडमध्ये जावे लागेल व गैरसोईच्या शाळा घ्याव्या लागतील*


➡️ *संवर्ग एक मधील बदली पात्र शिक्षकांना याच राऊंडमध्ये शाळा मिळण्याकरिता आपणास संवर्ग एक च्या यादीचा (Cadre 1 list) व बदली मात्र यादीचा (Eligible List) योग्य तो अभ्यास करणे गरजेचे आहे*


➡️ *संवर्ग एकच्या शिक्षकांना बदली पात्र शिक्षकांच्या शाळा ह्या त्यांच्या व्याख्येतील प्राधान्य क्रमानुसार मिळणार असल्या मुळे संवर्ग एक च्या यादीतील  (Cadre 1 list) आपला प्राधान्यक्रम व बदली पात्र यादीतील (Eligible List) उपलब्ध जागा यांचा समन्वय साधून आपण प्पसंतीक्रम भरावा जेणेकरून आपणास याच राऊंडमध्ये शाळा मिळेल*


*वरील माहिती आपल्या माहितीसाठी आहे. वरील प्रत्येक मुद्द्याशी आपण सहमत असालच असे नाही त्यामुळे आपण फॉर्म भरताना शासन निर्णयाचा व तज्ञ व्यक्तींचा सल्ला घ्यावा*

*सस्नेह धन्यवाद*

🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

बदली अर्ज भरण्यासाठी उपयुक्त माहिती

 *संवर्ग-1  मधील शिक्षकांनी फॉर्म भरताना घ्यावयाची काळजी*



➡️ *21/12/2022 ते 24/12/2022*

*वरील चार दिवसांच्या कालावधीमध्ये संवर्ग-1 शिक्षक प्राधान्यक्रम भरू शकतात.*

➡️ *विशेष संवर्ग भाग एकचे शिक्षक खालील लिंकला क्लिक करून आपला मोबाईल नंबर व मोबाईल नंबर वर येणारा ओटीपी व कॅपच्या टाकून पोर्टल लॉगिन करू शकता*


https://ott.mahardd.in/


➡️ *विशेष संवर्ग-1 मधील शिक्षकाला बदली करायची असेल तर त्यांना किमान 1 शाळेचा प्राधान्यक्रम द्यावा लागेल आणि जास्तीत जास्त 30 शाळांचा प्राधान्यक्रम देऊ शकतात.* 


➡️ *जर संवर्ग 1 ज्या शिक्षकांनी  कोणताही प्राधान्यक्रम दिला नाही तर त्यांना फॉर्म सबमिट करता येणार नाही*


➡️ *संवर्ग-1 साठी पसंतीक्रम अनिवार्य नाही जर त्यांनी पसंतीक्रम भरला नाही तर त्यांची संवर्ग-1 मध्ये बदली होणार नाही,*


*तरीसुद्धा बदलीसाठी होकार दिल्यानंतरही बदली नको असेल तर आपल्या प्राधान्यक्रमामध्ये आपल्याला न मिळणारे एक गाव प्राधान्यक्रम टाकून सबमिट केल्यास निश्चितच आपली बदली होणार नाही* 


➡️ *विशेष संवर्ग भाग मधील येणारे शिक्षक  जर बदली पात्र शिक्षक यादीमध्ये असतील व त्यांनी बदलीसाठी होकार दिलेला असेल तर त्यांची बदली निश्चित होईल म्हणजेच ते आहेत त्या शाळेवर राहणार नाही*


*त्यामुळे विशेष संवर्ग भाग एकच्या शिक्षकांचे नाव जर बदली पात्र यादीमध्ये येत असेल तर त्यांची बदली निश्चित होईल त्यामुळे त्यांनी पसंती क्रम भरताना जास्तीत जास्त शाळांचा पसंती क्रम भरावा जेणेकरून यास बदली प्रक्रियेमध्ये आपणास शाळा मिळेल अन्यथा आपण विस्थापित होऊ शकता*


➡️ *विशेष संवर्ग भाग एक मधील शिक्षक जर बदली पात्र शिक्षक असतील आणि त्यांना संवर्ग एक च्या बदली प्रक्रियेमध्ये शाळा मिळत नसते तर त्यांना शाळेवर पाच वर्ष व त्या क्षेत्रामध्ये दहा वर्ष झाल्यामुळे ते बदली पात्र आहेत त्यामुळे ते बदली पात्रच्या बदली प्रक्रियेमध्ये बदली अर्ज भरू शकतात*


➡️ *शिक्षक आपला प्राधान्यक्रम जतन (Save) करू शकतात परंतु सबमिट करण्यास विसरू नका अन्यथा तुमचा फॉर्म बदली प्रणालीद्वारे विचारात घेतला जाणार नाही.* 


➡️ *एकदा तुम्ही फॉर्म सबमिट केल्यानंतर फॉर्ममध्ये कोणताही बदल शक्य होणार नाही.* 


➡️ *संवर्ग-1 चे शिक्षक फक्त बदली पात्र शिक्षकांच्या जागा मागू शकतात त्यामुळे बदली पात्र यादीचा अभ्यास करून प्राधान्यक्रम भरवा* 


➡️ *संवर्ग-1 शिक्षक बदलीसाठी सध्या ज्या शाळेत आहे ती शाळा पसंतिक्रमात निवडू शकत नाहीत.* 


➡️ *विशेष संवर्ग भाग एक शिक्षकांनी यापूर्वीच पोर्टलवर बदली प्रक्रियेमधून सूट मिळवलेली असेल अर्थातच त्यांना बदली नको असेल असे नोंदवलेले आहे अशा शिक्षकांना या प्रक्रियेमध्ये कोणत्याही प्रकारची पोर्टलवर नोंद करण्याची गरज नाही*


➡️ *विशेष संवर्ग भाग एकच्या शिक्षकांना दिनांक 21 डिसेंबर 2022 ते 24 डिसेंबर 2022 अर्ज करण्याची सुविधा उपलब्ध करून दिलेली आहे वेळ गेल्यानंतर कोणतेही परिस्थितीत शिक्षक आपला प्राधान्यक्रम बदलू किंवा सबमिट करू शकणार नाही*


➡️ *संवर्ग-1 फॉर्म सबमिट करण्यापूर्वी शिक्षकांनी त्यांच्या पसंती क्रमाची पडताळणी करावी आणि त्यांनी भरलेला प्राधान्यक्रम योग्य असल्याची खात्री करावी.* 


➡️ *शिक्षकांना प्राधान्यक्रम भरण्यासाठी 4 दिवसांचा अवधी असेल आणि त्यामुळे शेवटच्या क्षणी होणारी अडचण टाळण्यासाठी तुम्ही शेवटच्या दिवसापर्यंत उशीर करू नये,  आम्ही सर्व शिक्षकांना विनंती करतो की त्यांनी त्यांचे प्राधान्यक्रम वेळेत भरावेत.* 


➡️ *पोर्टल वर वापरला जाणारा ओटीपी ईमेलवर आणि तसेच शिक्षकांच्या मोबाइलवर पाठवले जातात, जर तुमचा ओटीपी तुमच्या इनबॉक्समध्ये दिसत नसेल तर तुमचा जंक ईमेल तपासायला विसरू नका.* 


➡️ *तुमची  बदली तुमच्या हातात आहे योग्य वेळ द्या आणि संपूर्ण प्रक्रिया समजून घ्या आणि त्यानंतरच तुमची प्राधान्यक्रम सबमिट करा घाईघाईने पुढे जाऊ नका आणि नंतर चुकांसाठी पश्चात्ताप करू नका. विशेष संवर्ग भाग एकच्या शिक्षकांनी पसंती क्रम भरताना विशेष संवर्ग भाग एकच्या यादीमधील आपला असलेला क्रमांक व बदलीपात्र यादीमध्ये उपलब्ध असलेल्या शाळा यांचा समन्वय साधून प्राधान्यक्रम भरावा जेणेकरून आपणास बदलीने शाळा मिळेल*




  

बदली वेळापत्रक सुधारित

 जिल्हा परिषद प्राथमिक शिक्षकांच्या जिल्हांतर्गत बदल्यांबाबत दि 20/12/2022 चे पत्र  निर्गमीत करण्यात आले आहे. 

 प्रशासकीय कारणास्तव विशेष संवर्ग भाग-१ व २ च्या शिक्षकांच्या अर्जाची तपासणी करणे शक्य झालेले नाही. त्यामुळे संदर्भाधीन दिनांक २८.११.२०२२ च्या वेळापत्रकामध्ये अंशतः सुधारणा करुन शिक्षकांच्या बदल्यांबाबत सुधारित वेळापत्रक निश्चित करण्यात  आलेले  आहे.

राज्यातील जिल्हा परिषद प्राथमिक शिक्षकांच्या ऑनलाईन संगणकीय प्रणालीद्वारे करावयाच्या जिल्हांतर्गत बदल्यांबाबतचे सुधारित वेळापत्रक पुढीलप्रमाणे निश्चित करण्यात आलेले आहे.