सातव्या आयोगाचे फरकाचे हप्ते मिळणार

 आज दि १४ फेब्रुवारी च्या पत्रानूसार फेब्रुवारी २०२३ च्या वेतन व सातवा वेतन आयोगाचा राहीलेला पहिला, दुसरा हप्ता तसेच तिस-या हप्त्यासाठी पुरेशी तरतूद उपलब्ध असल्याने त्यानुसार माहे फेब्रुवारी २०२३ चे वेतन देयकामध्ये लेखाशीर्ष  ची देयके ऑनलाईन महागाई भत्त्यासह व सातव्या वेतन आयोगाचा पहिला दुसरा व तिसरा हप्ता काढण्यात यावा असे निर्देश देण्यात आलेले आहे. 

लेखाशीर्षामध्ये दि. १०/०२/२०२३ रोजीच्या बैठकीतील आढाव्यानुसार सातव्या वेतन आयोगाचे हप्ते अनलाइन काढणे पर्याप्त तरतूदीअभावी शक्य नसल्याने फक्त फेब्रुवारी २०२३ नियमित वेतन देयक व महागाई भत्त्याच्या फरकासह प्राधान्याने सर्व कर्मचा-यांचे नियमित वेतन काढण्यात यावे असे पत्रात नमूद केलेले आहे.

संपूर्ण मराठवाडयातील संवर्ग १ ची तपासणी होणार

 जिल्हा अंतर्गत बदलीसाठी सोयीचे ठिकाण मिळावं म्हणून बीड जिल्ह्यातील काही शिक्षकांनी दिव्यांग व गंभीर आजारी असल्याचे प्रमाणपत्र मिळवून त्याचा फायदा घेतल्याचा प्रकार समोर आला होता. त्यामुळे बीड जिल्ह्यातील या घटनेची विभागीय आयुक्त कार्यालयाने गंभीर दखल घेतली असून बीडच्या धर्तीवर कार्यवाही करण्याच्या अनुषंगाने विभागातील सर्वच जिल्हा परिषद यांना पत्र पाठवण्यात आले आहे. 

ज्यात संवर्ग 1 मधून बदली वा सूट मिळविलेल्या गुरुजींची वैद्यकीय तपासणी व प्रमाणपत्रांची पडताळणी करण्याचे आदेश देण्यात आले आहे. त्यामुळे मराठवाड्याच्या शिक्षण क्षेत्रात खळबळ उडाली आहे. 

बीड जिल्हा परिषद मुख्य कार्यकारी अधिकारी यांनी संवर्ग 1 मधून बदली झालेले तसेच सूट मिळविलेल्या गुरुजींची स्वतंत्र पथकाच्या माध्यमातून वैद्यकीय तपासणी करण्यात आली. एवढेच नाही तर प्रमाणपत्रांची पडताळणीही करण्यात आली. यातून तब्बल 70 हून अधिक शिक्षक दोषी ठरविण्यात आले आहेत. 

यानंतर त्यांच्याविरुद्ध निलंबनाची कारवाई करण्यात आली. एवढेच नाही तर विभागीय चौकशीही प्रस्तावित केली आहे.

 दरम्यान बीडच्या धर्तीवर संवर्ग 1 मधील शिक्षकांची  वैद्यकीय तपासणी करण्यात यावी. तसेच त्यांच्या प्रमाणपत्रांचीही पडताळणी करावी, असे आदेश औरंगाबाद विभागीय आयुक्त कार्यालयाने काढले आहेत. संबंधित कार्यवाहीअंती जे कोणी दोषी आढळून येतील, त्यांच्याविरुद्ध तत्काळ कारवाई करून अहवाल सादर करावा, असेही नमूद केले आहे.

पंजाबचे शिक्षक अशैक्षणिक कामे करणार नाहीत

 

पंजाबचे शिक्षक  शिकवण्याशिवाय दुसरे कोणतेही काम करणार नसल्याची घोषणा पंजाबचे  मुख्यमंत्री  भगवंत मान यांनी केली आहे.

निवडणूक आयोगानं  नुकतीच पंजाब शासनाकडे जनगणनेसाठी 68 हजार शिक्षकांची मागणी केली होती. पण या कामासाठी  शिक्षक दिले तर विद्यार्थ्यांना शिकवणार कोण? असा सवाल मुख्यमंत्री  यांनी उपस्थित करत  जनगणनेच्या कामाला शिक्षकांना लावण्यास नकार दिले. राज्यात शिक्षकांची दिली जाणारी शिक्षणबाह्य कामे बंद करावी ही मान यांची प्रमुख मागणी आहे.

महाराष्ट्रात  अशैक्षणिक कामांचा बोजा....

अनेकदा शिक्षकांना शाळेबाहेरील अशैक्षणिक कामे दिली जातात. 

 शिक्षकांना जनगणना, निवडणूक मतदार नोंदणी यासारखी 150 हून अधिक प्रकारची कामे करावी लागतात. त्यामुळं शिक्षकांवरील अतिरीक्त कामाचा ताण कमी करावी अशी मागणी शिक्षक संघटनांकडून अनेकदा  करण्यात आलेली आहे. 

शिक्षक आणि त्यांना दिली जाणारी अशैक्षणिक कामे हा अनेक वर्षांपासून चर्चेत असलेला विषय आहे. राज्य शासनाकडून शिक्षकांवर अशी कामे लादली जातात. शिक्षक संघटना त्यास विरोध करतात. अशैक्षणिक कामांवर बहिष्कार टाकतात, काही वेळा शासन निर्णय बदलते किंवा काही वेळा सक्तीने अशी कामे शिक्षकांना करावीच लागतात. शिक्षकांवर शालाबाह्य कामांचा भार नेहमीच अधिक असल्याचे दिसून येते.

शिक्षकांना अशैक्षणिक कामे दिली जाणार नाहीत, असे परिपत्रकही शासनाने 2013 मध्ये काढले होते. त्यावेळी शिक्षकांनी सुटकेचा नि:श्वास टाकला होता. 

किमान यापुढे तरी विद्यार्थ्यांना शाळेत वेळ देता येईल आणि मुलांचा विकास होऊ शकेल, अशी अपेक्षा व्यक्त होत होती. मात्र, शासनाचा हा निर्णय फार काळ टिकला नाही. काही दिवसांतच निर्णय बदलत शिक्षकांना अशैक्षणिक कामे करावीच लागतील असे परिपत्रक काढण्यात आले. शिक्षकांना जनगणना, आपत्ती निवारण, निवडणूक, सर्वेक्षण अशी विविध अशैक्षणिक कामे करणेही भाग पडते. शिक्षकांना देण्यात येणाऱ्या कामांमध्ये शिष्यवृत्ती योजनांचे तपशील लिहणे, लसीकरण मोहिम राबवणे, सरकारी खात्यातील विभागांना मदत करणे यासारखी कामांचाही समावेश आहे.

बदली अपडेट

बदली अपडेट महत्त्वाचे ....

  *संवर्ग ०४ मधील शिक्षकाना कळविण्यात येते की , संवर्ग ०४ मधील  फेरी ०१ मधील विस्थापित शिक्षकाना फेरी २ मध्ये अर्ज करण्यासाठी १ दिवस वाढवून देण्यात आलेला असून  आपले बदली अर्ज ऑनलाइन करुन घ्यावेत.

*आता दि १२-०२-२०२३  रोजी रात्री ठीक १२:०० वाजता बदली पोर्टल बंद होत आहे .*

*आपण आपला अर्ज ऑनलाइन केला असेल आणि जर आपणास आपला अर्ज चुकला आहे असे वाटत असेल किंवा पसंतीक्रमामध्ये बदल करायचा असेल तर आपला ऑनलाइन केलेला अर्ज विड्रॉ करुन परत पसंतीक्रम अद्ययावत करुन आपला अर्ज सबमिट करु शकता.

  *जर आपण अर्ज केला नाही तर आपली बदली याच फेरीमध्ये  रॅंडम राउंड ने दुर्गम क्षेत्रातील रिक्त पदावर होवु शकते याची गंभिर्याने नोंद घ्यावी.*

                

डिजिटल द्विभाषिक परिपाठ

 *

डिजिटल स्कूल समूह महाराष्ट्र 

डिजिटल द्विभाषिक परिपाठ ...

 *चला सोपा करूया परिपाठ*

*दिवस 48 वा*

*संकल्पना व लेखक*

*सौ रोहिणी पिंपरखेडकर-विद्यासागर*

मोबाईल नंबर 9130958046

💐💐💐💐💐💐💐💐💐💐💐💐💐💐

आजचे पंचांग

तारीख - १०फेब्रुवारी २०२३

वार- शुक्रवार

तिथी-माघ कृष्ण ४ शके १९४४

अयन-उत्तरायण

ऋतू - शिशिर ऋतू

मुस्लिम धर्मियांचा महिना " रज्जब" 

पारशी महिना शेहरेवार

Today's almanac

 Date - 10 February 2023

 Friday

 Tithi-Magh krushna 4

 Shaka 1944 

 Ayana-Uttarayana

 Ritu - Shishir Ritu(Autumn season)

"Rajjab" month of Muslims 

Parsi month Shehrewar

💐💐💐💐💐💐💐💐💐💐💐💐💐💐

सूर्योदय 7.00

सूर्यास्त  6.26

दिवस कालावधी 11 तास 25 मि.29से.

चंद्र अस्त:-9.46

चंद्र उदय:-22.17

प्रदीपन. 84.8%

चंद्राचे पृथ्वीपासूनचे अंतर396,845  km

Sunrise 7.00Am

 Sunset 6.26Pm

 Day duration 11 hrs 25 min 29sec.

Moonset:-9.46

 Moon rise:-22.17

Illumination 84.8%

Distance between moon and earth 396,845  km.

 

🌞🌙🌞🌙🌞🌙🌞🌙🌞🌙🌞🌙🌞🌙

 सुविचार

जो माणूस कष्टाला लाजत नाही त्याला यशस्वी होण्यापासून कोणीही रोखू शकत नाही.

Good Thought

No one can stop a man who is not ashamed of hard work from succeeding.

💐💐💐💐💐💐💐💐💐💐💐💐💐💐

दिनविशेष

१९२१: महात्मा गांधी यांनी काशी विद्यापीठाची स्थापना केली.

१९३१: भारताची राजधानी कोलकात्याहुन नवी दिल्ली येथे हलवली.

१९४८: पुणे विद्यापीठाची स्थापना

२००९: आजच्या दिवशी पंडित भीमसेन जोशी यांना भारतरत्न पुरस्काराने सन्मानित करण्यात आले.

special day

 1921: Mahatma Gandhi founded Kashi University.

 1931: Capital of India shifted from Kolkata to New Delhi.

 1948: Pune University established

 2009: On this day Pandit Bhimsen Joshi was awarded the Bharat Ratna Award.

💐💐💐💐💐💐💐💐💐💐💐💐💐💐

आजची म्हण व अर्थ

आईजीच्या जिवावर बाईजी उदार दुसऱ्याचा पैसा दान करून स्वतः चा बडेजाव दाखविणे.

Proverb with its meaning

A bird in the hand is worth two in the bush

Meaning: What you have is better than what you might get

Example: I think I’ll sell my car at the offered price instead of waiting for something higher. After all, a bird in hand is worth two in the bush.

💐💐💐💐💐💐💐💐💐💐💐💐💐💐

कोडे

काळा घोडा पांढरी स्वारी, एक उतरवला तर दुसऱ्याची पाळी.

उत्तर: तवा आणि पोळी

माझा भाऊ मोठा शैतान, बसतो नाकावर पकडून कान. ओळख पाहू कोण?

उत्तर: चष्मा

Riddles

I shave every day, but my beard stays the same. What am I?

Answer: A barber

💐💐💐💐💐💐💐💐💐💐💐💐💐💐

सामान्य ज्ञान

1 महाराष्ट्राला लाभलेल्या अरबी समुद्र किनाऱ्याची लांबी किती आहे?

उत्तर : 720 किमी

2  महाराष्ट्राची राजधानी कोणती आहे?

उत्तर : मुंबई

3 महाराष्ट्राची उपराजधानी कोणती आहे?

उत्तर : नागपूर

4 महाराष्ट्रातील सर्वांत उंच शिखर कोणते आहे?

उत्तर : कळसुबाई (1646 मी.)

5 महाराष्ट्राचा भारतात क्षेत्रफळाच्या दृष्टीने कितवा क्रमांक लागतो?

उत्तर : तिसरा

general knowledge

 1 What is the length of Arabian sea coast enjoyed by Maharashtra?

 Answer : 720 km

 2 Which is the capital of Maharashtra?

 Answer: Mumbai

 3 Which is the vice-capital of Maharashtra?

 Answer: Nagpur

 4 Which is the highest peak in Maharashtra?

 Answer : Kalsubai (1646 m.)

 5 What is the number of Maharashtra in terms of area in India?

 Answer: Third

💐💐💐💐💐💐💐💐💐💐💐💐💐💐

बोधकथा

घामाचा पैसा

धन्नाशेटचा मुलगा राम अगदीच आळशी. घरांत गडगंज संपत्ती. एकुलता एक लाडाचा. काम कधी करावंच लागलं नाही. आता २१ वर्षाचा झाला. शेठजींना काळजी पडली. याचे कसे होणार साठलेला पैसा किती दिवस पुरेल. दुसरे दिवशी त्यांनी मुलाला बोलावले व म्हणाले हे बघ आज तू सकाळीच बाहेर जा. काहींतरी काम करून पैसे मिळवुन आण तरच तुला जेवायला मिळेल' मुलाला काहीच कळेना. तो बहिणीकडे गेला तिने त्याला एक रूपया दिला. शेठजींनी तो विहीरीत फेकून दिला. दुसर्‍या दिवशी आईकडून घेतला तिसर्‍या दिवशी मात्र कोणीही पैसे द्यायचे नाहीत हे उमजल्यावर स्वारी घराबाहेर पडली स्वारी घराबाहेर काम शोधायला निघाली. पण काय काम करणार ? बारा वाजे पर्यंत हिंडला. काम मिळेना. पोटात कावळे कोकलायला लागले. स्टेशनवरून एक जड बॅग घेऊन येणारा माणूस दिसला त्याला हमाल हवा होता. हा धावत पुढे गेला. 'साहेब, इकडे आणा'. ती बॅग त्याने डोक्यावर उचलली. घामाघूम झाला. साहेबांनी आठ आणे हातावर ठेवले. घरी आला. शेठजींच्या हातावर आठ आणे ठेवले. दोन दिवसाप्रमाणेच शेठजींनी ते विहीरीत फेकले हा चवताळून उठला. 'बाबा अहो तेवढे आठ आणे मिळवायला मला किती वणवण करावी लागली आणि तुम्ही ते फेकून दिलेत ?' शेठजींनी त्याला जवळ घेतले. पाठीवरून हात फिरवला, 'बाळा आता मला काहीं काळजी नाहीं कारण खर्‍या कष्टाची किंमत तुला आज कळली. दोन दिवस ह्याच्या दुप्पट रक्कम फेकली पण तुला राग आला नव्हता कारण त्या मागे कष्ट नव्हते.' स्वकष्टाची कमाई तीच खरी कमाई.

💐💐💐💐💐💐💐💐💐💐💐💐💐💐

English words

Maths vocabulary

Addition ऍडिशन  बेरीज

Substraction सबट्रॅक्शन वजाबाकी

Multiplication मल्टिप्लिकेशन गुणाकार

Division डिव्हिजन भागाकार

Product  प्रॉडक्ट गुणाकाराचे उत्तर

💐💐💐💐💐💐💐💐💐💐💐💐💐💐

कमी पटसंख्येच्या शाळेवर निवृत्त शिक्षक

' :*एक लक्षवेधी बाब....*

नुकतेच महाराष्ट्र राज्यात दहा आणि वीस पेक्षा कमी पटसंख्या असलेल्या असणाऱ्या शाळेवर आता निवृत्त झालेल्या शिक्षकांना मानधनावर नियुक्त करण्यात येणार आहे.

आज महाराष्ट्रात ही 

जी परिस्थिती आलेली आहे ही लहान शाळेसाठी फार चिंता निर्माण करणारी बाब आहे.

  आपण प्रगत महाराष्ट्र घडवण्यासाठी आज सर्वांची जबाबदारी खूप मोठी झालेली आहे .अनेक डी.एड बी.एड.धारक तरूण  बेरोजगार असताना त्यांना प्राधान्य देण्याऐवजी निवृत्त झालेल्या पेन्शन धारक असलेल्या शिक्षकांना मानधनावर घेऊन नक्कीच या तरुणांचे  भविष्य  अंधारात लोटण्याचं काम झालेलं दिसून येत आहे .

या नवतरुणांना आज रोजगाराची गरज आहे .यांना शिक्षण सेवक म्हणून मानधनावर जर घेतल्यास यांच्या उज्वल भविष्यासाठी हा एक महत्त्वाचा पैलू ठरणार आहे.

 निवृत्त झालेल्या शिक्षकांना  त्या अवघड ठिकाणी जाणे येणे शक्य होणार आहे का? वयाची मर्यादा पाहता त्यांच्याकडून हे काम करणे शक्य होणार नाही .असेच काही जाणवत आहे .

नवनियुक्त शिक्षकांना जर शिक्षण सेवक या मानधनावर नियुक्ती देण्यात आली कित्येक पट चांगल्या प्रकारे ते काम करू शकतील.

 निश्चितच या बाबींचा विचार होणे फार महत्त्वाचा आहे सर्व संघटनांनी आणि शिक्षणप्रेमी सर्व लोकांनी या बाबीकडे विशेष लक्ष देणे महत्त्वाचे झालेले आहे.

  *प्रकाशसिंग राजपूत*

      समूहनिर्माता 

*📺डिजिटल स्कूल समूह महाराष्ट्र*🖥️

शापोआ मानधनात वाढ

 राज्य शासनाने स्वयंपाकी तथा मदतनीस यांच्या मानधनात भरघोस वाढ केली असून यापुढे एप्रिल पासून त्यांना माहे अडीच हजार रुपयांचे मानधन प्राप्त होणार आहे.

 यापूर्वीचे मानधन पंधराशे रुपये इतके होते यामध्ये नऊशे रुपये केंद्र शासन तर सहाशे रुपये राज्य शासन वाटा उचलत होते.

 यानंतर आता एप्रिल 2023 पासूनचे पंचवीसशे रुपये मानधन प्रत्येकी स्वयंपाकी तथा मदतनीस यांना प्राप्त होणार आहे एक आनंदाची बातमी शालेय पोषण आहार तयार करणाऱ्या कर्मचाऱ्यांसाठी म्हणता येणार आहे.

बदली प्रक्रियेत पतीपत्नीबाबत महत्त्वाचे

 पती-पत्नी एकत्रिकरणांतर्गत ज्या ठिकाणी दोन जागा रिक्त असतील अशा ठिकाणी अन्यथा ३० कि.मी. परिसरात दोन जागा रिक्त असतील अशा ठिकाणी शक्यतो त्यांची बदली केली जाईल.

जर दोघे पती पत्नी जिल्हा परिषदेमध्ये शिक्षक असतील तर एकत्रिकरण झाल्यानंतर त्या दोघांना एक एकक म्हणून विचारात घ्यावयाचे आहे.

 यापैकी एकाची पण दहा वर्षे सलग सेवा झाली असल्यास दोघांना बदलीस पात्र धरण्यात येईल" असे नमूद आहे. तथापि, म.ना.से (सेवेच्या सर्वसाधारण शर्ती) नियम १९८१, नियम ९(५६) मधील विहीत "बदली व्याख्येस अनुसरुन ज्या पती पत्नींची टप्पा क्र.५ मध्ये One Unit मधून बदली झालेली आहे, तथापि, त्यापैकी एकाच्या शाळेमध्ये बदल झालेला नाही (त्याच शाळेतील अन्य रिक्त / बदलीपात्र पदावर बदली झालेली आहे) अशा शिक्षकांचा त्या शाळेवरील वास्तव सेवा ज्येष्ठतेचा दिनांक हा त्या शाळेवरील प्रथमतः रुजू झाल्याचा

दिनांकच ग्राह्य धरण्यात यावा. तथापि, अशा शिक्षकांना सन २०२२-२३ च्या बदली प्रक्रियेमधील टप्पा क्र.५ च्या पुढील बदली प्रक्रियेमधून वगळण्यात यावे.

संपूर्ण आदेश पहा....

नवोदय फाॕर्म मुदतवाढ

 मित्रांनो नवोदय परीक्षेचा फॉर्म भरण्यासाठी तारीख आता पुन्हा आठ दिवसांनी वाढवून देण्यात आलेली आहे.

 पूर्वीच ८ फेब्रुवारी ही तारीख देण्यात आलेली होती. ती आता परत नव्याने वाढवून 15 फेब्रुवारी 2023 पर्यंत वाढवून देण्यात आलेली आहे .

साइटवर येणाऱ्या अनेक अडचणी पाहता शिक्षकांना किंवा पालकांना फॉर्म भरताना अनेक अडचणी येत होत्या. फॉर्म रिफ्रेश होऊन जायचा पूर्ण माहिती भरल्यानंतर भरलेली माहिती ही रिफ्रेश होऊन जायची आणि पुन्हा नव्याने ती माहिती भरून दोन-तीन वेळेस प्रयत्न केल्यानंतरच फॉर्म सबमिट होत होता.

 तर ही अडचण  पाहता नव्याने शिक्षकांसाठी आणि पालकांसाठी वेळ वाढवून देण्यात आलेली आहे. ज्यामुळे ज्या मुलांचे फॉर्म भरायचे बाकी होते त्या मुलांचे फॉर्म भरण्याची काम आता लवकरच लवकर पूर्ण करता येणार आहे. फक्त यामध्ये आता वर सर्टिफिकेट चा पुरावा हा आधार नसेल तर पालकांनी आता मुलांचा बर्थ सर्टिफिकेट चा पुरावा सुद्धा पहिल्यांदा लॉगिन पेजवर भरावा लागणार आहे.

Vinsys तर्फे महत्त्वाचा संदेश

 *बदली अंतिम यादी संवर्ग 4*

*बदली पोर्टल 2022*

दि.07/02/2023

*वेळ 3.28 AM*

*विन्सिस सॉफ्टवेअर कंपनी कडून प्राप्त मेसेज*

👇👇👇👇

*NOTE*

We have completed all the list generation of PDF and Alignment and Corrections with Right Labels 

Logins have been Enabled for all EO and CEO Once you download confirm we will open teacher logins

आम्ही पीडीएफची सर्व सूची निर्मिती पूर्ण केली आहे आणि उजव्या लेबलसह संरेखन आणि सुधारणा पूर्ण केल्या आहेत

 सर्व EO आणि CEO साठी लॉगिन सक्षम केले गेले आहेत एकदा तुम्ही पुष्टी डाउनलोड केल्यानंतर आम्ही शिक्षक लॉगिन उघडू

आपणांस यादीतील udise नुसार कोणती शाळा मिळाली ते पहाण्यासाठी....👇