आंतरजिल्हा बदलीबाबत...

 सन २०१७ ते २०२२ या कालावधीमध्ये संगणकीय प्रणालीद्वारे ऑनलाईन पध्दतीने आंतरजिल्हा बदली झालेल्या व अद्याप मूळ जिल्हा परिषदेने कार्यमुक्त न केलेल्या शिक्षकांना कार्यमुक्त करणेबाबत...

दि.०१.०४.२०२३ ते दि. १५.०४.२०२३ पर्यंत शिक्षकांच्या कार्यमुक्तीचे प्रशासकीय आदेश निर्गमित करावेत व कोणत्याही परिस्थितीत दि. १६.०४.२०२३ ते दि.३०.०४.२०२३ या कालावधीत अशा शिक्षकांना प्रत्यक्ष कार्यमुक्त करण्याबाबतची कार्यवाही करावी असे आदेशात म्हटलेले आहे.  

मराठी राजभाषा दिननिमित्त

राजभाषा दिनानिमित्त माझी काव्यरचना....

अल्बम ऐकण्यासाठी चित्रावर क्लिक करा व नंतर गाण्याच्या नावावर...  

 

*विषय - मायमराठी*

*शिर्षक- माय ही या श्वासाची...*

माय ही या श्वासाची,

शब्द हीचे आहे मधुर ,

स्वर बनुनी उमटतात,

श्रोते होतात अधीर,

बोलीभाषेची हीच जडण,

अहिरणी,वऱ्हाडी वा मालवणी,

नटवून हीस चढवितात साज,

घडतात हीचीच कास धरुनी,

शब्दाचा अखंड हीचा भंडार,

ग्रंथ बनुनी होते साठवण ,

या महाराष्ट्राचा आहे,

भाषा म्हणून तुच प्राण,

बांधणी हिची स्वर व्यंजनाची,

 शब्द नी शब्द हीचा खास,

सह्याद्रीच्या सावलीत,

घडवते स्वराज्याचा इतिहास ,

बनून ओळख या मातीची,

बनली जननी या महाराष्ट्राची,

विणला आहे हिच्यात आपलेपणा,

ही भाषा आहे स्पष्टपणाची,

गंध हीचा मज फुलवितो,

करतो वंदन मनातून ,

माय मराठीची आम्ही लेकरं,

उमटले भाव कंठातून ....

*प्रकाशसिंग राजपूत*

  *🚩 छ.संभाजीनगर🚩*

📲 9960878457

बिहार राज्य करणार 3 लाखांहून अधिक शिक्षक भरती!

 बिहार राज्य करणार 3 लाखांहून अधिक शिक्षक भरती!

बिहारचे शिक्षणमंत्री चंद्रशेखर यांनी शिक्षण (education department)  विभागात ३ लाख शिक्षकांच्या नियुक्तीला मंजुरी दिली  आहे. सातव्या टप्प्यासाठी शिक्षकांच्या नियुक्तीचा मार्ग मोकळा झाला आहे.

शिक्षणमंत्र्यांनी ट्विटमध्ये लिहिले की, मी सातव्या टप्प्यातील शिक्षक नियोजन नियमावलीवर स्वाक्षरी केली आहे, आता ती कॅबिनेटकडे जाईल. 2023 मध्ये शिक्षण विभागात 3 लाखांहून अधिक नोकऱ्या (teacher jobs) उपलब्ध होतील. महाआघाडी सरकारने दिलेल्या 10 लाख नोकऱ्यांच्या आश्वासनावर आम्ही ठाम आहोत आणि ते पूर्ण करू.

बिहारमधील शिक्षकांच्या (teachers) पुनर्स्थापनेसाठी उमेदवार गेल्या अनेक महिन्यांपासून आंदोलन करत आहेत. सातव्या टप्प्यातील शिक्षकांच्या पुनर्स्थापनेची मागणी ते सातत्याने करत आहेत. या सगळ्यात शुक्रवारी शिक्षणमंत्र्यांनी ट्विट करून माहिती दिली. आघाडी सरकारने दिलेल्या नोकऱ्यांच्या आश्वासनावर आम्ही उभे आहोत आणि ते पूर्ण करू, असेही ते म्हणाले. बिहारचे मुख्यमंत्री नितीश कुमार यांनी 15 ऑगस्ट 2022 रोजी राज्यात 20 लाख भरतीबद्दल बोलले होते. या 20 लाखांपैकी साडेतीन लाख भरती शिक्षण विभागात होणार असल्याचे शिक्षणमंत्री चंद्रशेखर यांनी सांगितले होते. दुसरीकडे, आंदोलक उमेदवारांनी सांगितले की, गेल्या ३ वर्षांपासून ७ व्या टप्प्यातील शिक्षक पुनर्स्थापना रखडली आहे. त्यांना तोंडी घोषणा करण्याऐवजी अधिकृत अधिसूचना आवश्यक आहे.

नवा अभ्यासक्रम २०२५ सालापासूनच.

 MPSC विद्यार्थ्यांच्या लढ्याला यश

एमपीएससीची तयारी करणाऱ्या विद्यार्थ्यांच्या आंदोलनाला अखेर यश आले आहे. एमपीएससीने आपला नवा अभ्यासक्रम २०२५ सालापासून लागू करण्याचा निर्णय घेतला आहे.

राज्यसेवा मुख्य परीक्षेच्या वर्णनात्मक स्वरूपाच्या परीक्षेसंदर्भातील उमेदवारांची मागणी, कायदा व सुव्यवस्थेची निर्माण झालेली परिस्थिती व उमेदवारांना तयारीसाठी द्यावयाचा अतिरिक्त कालावधी विचारात घेऊन सुधारित परीक्षा योजना व अभ्यासक्रम २०२५ पासून लागू करण्यात येत आहे असे ट्विट महाराष्ट्र लोकसेवा आयोगाने केले आहे. यंदाच्या वर्षापासूनच नवीन शैक्षणिक अभ्यासक्रमानुसार एमपीएससीच्या परीक्षा घेण्यात येणार होत्या. परंतु विद्यार्थ्यांनी त्याला तीव्र आक्षेप घेतला होता. हा आक्षेप विद्यार्थ्यांनी व्यक्तही करून दाखवला पण त्याला यश आले नाही.

अखेर या विद्यार्थ्यांनी सोमवारपासून पुण्यात बालगंधर्व चौकात ठिय्या आंदोलन सुरू केले होते. यासंदर्भांत विद्यार्थ्यांनी मुख्यमंत्री, उपमुख्यमंत्री यांच्याशी संपर्क साधला होता. राष्ट्रवादीचे ज्येष्ठ नेते शरद पवार यांची भेट घेतली होती. गुरुवारी अखेर या विद्यार्थ्यांना न्याय मिळाला .

अखेर MPSC विद्यार्थ्यांच्या लढ्याला यश

मुख्यमंत्री एकनाथ शिंदे यांच्या उपस्थितीत आयोग, विद्यार्थी प्रतिनिधींची बैठक होणार होती. परंतु ती रद्द झाली. त्यानंतर बैठक न घेता आयोगाने आज विद्यार्थ्यांच्या बाजुने निर्णय दिला. या निर्णयाची माहिती ट्विट करून दिली. यासंदर्भात बोलताना मुख्यमंत्री एकनाथ शिंदे म्हणाले, जी काही परिस्थिती निर्माण झाली होती. त्याबाबत आयोगासोबत चर्चा केली होती.

अवघड शाळेवर कोणते शिक्षक ठरले पात्र

MPSC च्या अभ्यासक्रमात कोणते मोठे बदल करण्यात आले आहेत?

• आता MPSCची परीक्षा ही वर्णनात्मक असेल आणि यात एकूण 9 पेपर असतील.

• त्यातील भाषा पेपर एक मराठी, भाषा पेपर दोन इंग्रजी हे पेपर प्रत्येकी 300 गुणांचे असतील तर मराठी किंवा इंग्रजी माध्यम निबंध, सामान्य अध्ययन 1, सामान्य अध्ययन 2, सामान्य अध्ययन 3, सामान्य अध्ययन 4, वैकल्पिक विषय पेपर क्रमांक एक, वैकल्पिक विषय पेपर क्रमांक दोन हे एकूण सात विषय प्रत्येकी 250 गुणांसाठी असतील.

• • याशिवाय मुलाखतीसाठी 275गुण असतील. त्यामुळे एकूण गुण 2 हजार 25 असतील.

  • सामान्य अध्ययन एक, सामान्य अध्ययन दोन, सामान्य अध्ययन तीन या पेपरसाठी आंतरराष्ट्रीय, राष्ट्रीय आणि राज्याशी संबंधित विषयांचा अभ्यासक्रमात समावेश असेल तर सामान्य अध्ययन चार हा पेपर उमेदवारांची नैतिकता, चारित्र्य आणि योग्यता या विषयावर राहील.

  • सोबतच एकूण 24 विषयांतून उमेदवारांना 1 वैकल्पिक विषय निवडता येईल.

अवघड शाळेवर बदलीस कोण पात्र ठरले?

 अवघड क्षेत्रासाठी  पात्र शिक्षक  कोण ठरले?*

  जिल्ह्यातील एकुण सेवाजेष्ठता ग्राह्य धरुन 

१) खो बसला आहे परंतु  त्याना दोनही फेरीमध्ये शाळा मिळाली नाही आणि त्या  जिल्ह्यामध्ये अवघड क्षेत्र आहे त्यांचे नाव यादीमध्ये आले 

२) बदली पात्र आसताना प्रशासकीय अर्ज केला होता परंतु खो बसला नाही आणि पसंतीक्रमांतील शाळा मिळाली नाही  आणि त्या जिल्ह्यामध्ये अवघड क्षेत्र असेल व त्यांच्या पदाची  अवघड मध्ये जागा रिक्त आसेल त्यांचे नाव यादीमध्ये आले 

३) ५३ + आहेत परंतु त्यानी ऑनलाइन ला *बदलीतुन सुट  नको*  असा पर्याय  दिला होता (म्हणजे बदली हवी असा पर्याय दिला होता ) म्हणुन  त्यांचे नाव यादीमध्ये आले 

३) ५३ + आहेत परंतु त्यानी ऑनलाइन ला बदलीसाठी बदली तुन सुट हवी असा पर्याय दिला नाही म्हणजे  नकार दिला नाही त्यांचे नाव यादीमध्ये आले 

४) इतर एकुण सेवाजेस्ठ शिक्षक त्यांचे नाव यादीमध्ये आले

पाच हजार ची लाच घेताना शिक्षण विभागातील महिला लेखाधिकाऱ्यासह एकजण अँन्टी करप्शनच्या जाळ्यात

 

सेवा पुस्तकावर सहाव्या व सातव्या वेतन आयोगानुसार वेतन निश्चितीची पडताळणी करण्यासाठी 5 हजार रुपयांची लाच घेताना पुणे शिक्षण विभागातील महिला वरिष्ठ लेखाधिकाऱ्यासह कनिष्ठ लेखाधिकाऱ्याला पुणे लाचलुचपत प्रतिबंधक विभागाने  रंगेहाथ पकडले.   

ही कारवाई सोमवारी दि.20 फेब्रुवारीला केली. याप्रकरणी पुणे एसीबीने लष्कर पोलीस ठाण्यात  गुन्हा ही दाखल केला आहे.

वरिष्ठ लेखाधिकारी प्रमिला गिरी(वय-38), कनिष्ठ लेखाधिकारी अनिल श्रीधर लोंढे (वय-57) असे लाच घेताना रंगेहाथ पकडण्यात आलेल्या दोन लाचखोर अधिकाऱ्यांची नावे आहे. याबाबत एका शिक्षकाने पुणे एसीबीकडे  तक्रार केली आहे.

तक्रारदार हे शिक्षक असून त्यांच्या सेवा पुस्तकावर सहाव्या  व सातव्या वेतन आयोगानुसार  वेतन निश्चितीची पडताळणी करुन देण्यासाठी वरिष्ठ लेखाधिकारी प्रमिला गिरी यांनी 6 हजार रुपये लाचेची मागणी केली. तक्रारदार यांना लाच देणे मान्य नसल्याने त्यांनी पुणे एसीबीकडे तक्रार केली.

एसीबीच्या पथकाने पडताळणी केली असात प्रमिला गिरी यांनी तक्रारदार यांच्याकडे सहा हजार रुपये लाचेची मागणी केली.
तर कनिष्ठ लेखाधिकारी अनिल लोंढे यांनी लाचेच्या मागणीला मदत केल्याचे निष्पन्न झाले.
यावरून पथकाने सोमवारी सापळा रचला.
प्रमिला गिरी यांच्यासाठी तक्रारदार यांच्याकडून पाच हजार रुपये लाच घेताना अनिल लोंढे यांना रंगेहाथ पकडण्यात आले.

नवोदय विद्यालय मेगाभरती #jobs

 नवोदय विद्यालय समिती लवकरच देशभरातील 8 वी उत्तीर्ण तरुणांसाठी 23000 शिपाई पदांसाठी भरती प्रक्रिया सुरू करणार आहे. 

 मीडिया रिपोर्ट्सनुसार, नवोदय विद्यालय अंतर्गत रिक्त पदे भरण्यासाठी 8वी पास उमेदवारांची लेखी परीक्षा न करता निवड केली जाईल.  या पदासाठी पात्र आणि इच्छुक उमेदवार विभागाच्या अधिकृत वेबसाइटला भेट देऊन ऑनलाइन फॉर्म भरू शकतात.  नवोदय विद्यालयातील शिपाई पदावर नियुक्ती मिळविणाऱ्या उमेदवारांना विभागामार्फत सातव्या वेतनश्रेणीनुसार दरमहा वेतन दिले जाईल.  एनव्हीएस शिपाई भारतीशी संबंधित तपशीलवार माहिती खाली पाहिली जाऊ शकते.

ऑनलाइन फॉर्म - या पदासाठी पात्र आणि इच्छुक पुरुष  / महिला उमेदवार अधिसूचना प्रसिद्ध झाल्यानंतर नवोदय विद्यालय समितीच्या अधिकृत वेबसाइट navodaya.gov.in वर जाऊन ऑनलाइन अर्ज भरू शकतात.  अर्ज प्रक्रियेच्या तपशीलवार माहितीसाठी खाली दिलेल्या सूचनांचे अनुसरण करा

 ▸ प्रथम विभागीय जाहिरात पहा. ▸ नंतर ऑनलाइन फॉर्मच्या लिंकवर क्लिक करा. ▸ नाव, वय, शैक्षणिक पात्रता आणि इतर महत्त्वाची माहिती यांसारखे संपूर्ण तपशील प्रविष्ट करा. ▸ त्यानंतर विभागाद्वारे विहित पद्धतीने अर्जाचे शुल्क भरा ▸ वर क्लिक करा. सबमिट बटण. ▸ आता तुमचा फॉर्म यशस्वीरित्या सबमिट केला गेला आहे. ▸ भविष्यातील संदर्भासाठी अर्जाची प्रिंट आउट घ्या.

संस्थेचे नाव-

 नवोदय विद्यालय समिती

 पदाचे नाव -शिपाई 

एकूण रिक्त जागा - 23000 (अपेक्षित पदे) 

पगार रु.5200 - 20200 /-

भरती प्रक्रिया -गुणवत्ता यादी 

अर्ज प्रक्रिया -ऑनलाइन 

जिल्हा परिषदेची अशी ही एक शाळा.... नक्कीच पहा

 *🚩गुणवत्ता अंती हेची ध्येय....* 

*सर्वांगिण विकासाला तेची साह्य...😊🚩*

*दुर्गम डोंगर भागातील अशी शाळा की देशाचा अमृत महोत्सवी स्वातंत्र्य दिन साजरा होऊन ही अद्याप रस्ते व पाणी सुविधा नसलेली वाडी....*

    *परिस्थीसे कभी हारना नही है,*

*होसलो की दमपर आपनेआप ही*

*आखीर चट्टानोसे जीत जाना है...*

*शाळेच्या विद्यार्थ्यांनी करोनाच्या छायेतून निघत जी उत्तुंग झेप घेत गवसणी घेतली व ते आज कुठल्याही क्षेत्रात निपूण ठरत आहे. याचे समाधान हे दिखाव्याच्या खेळापेक्षा कितीतरी पटीने आनंदी करून जाणारा आहे...*

*आज विद्यार्थ्यांनी ऐकलेले गीत  पटकन पाठ करत एक वेगळाच हुरुप दाखवला. इंग्रजी वाचनातील गती व गणितांच्या आकडेमोडाची तेजी यासह गीतगायन नृत्य अविष्कार व विविध उपक्रमातील आमच्या चिमण पाखरांची भरारी थक्क करून जाते....कुठल्याही विकत घेतलेल्या आदर्शापेक्षा हा अविष्कार जग जिंकून देतो😊*

   *प्रकाशसिंग राजपूत व दिलीप आढे.*

     *सहशिक्षक*

*जि.प.प्रा.शा.मुरुमखेडावाडी*

महाराष्ट्राचे आराध्य दैवत श्री छत्रपती शिवाजी महाराज यांना समर्पित गीत

 माझे मित्र तसेच डिजिटल समूहाचे सदस्य यांनी खास शिवजयंती निमित्त तयार केलेले हे गीत मित्रांनो जास्तीत जास्त शेअर करा....

 

गायक /गीतकार - प्रताप गिते

महाराष्ट्राचे आराध्य दैवत श्री छत्रपती शिवाजी महाराज यांना समर्पित 

इतिहासाच्या पानोपानी

आवडल्यास नक्की स्टेटस ठेवा

ISRO तर्फे आता विद्यार्थ्यांसाठी मोफत ऑनलाइन अभ्यासक्रम

 

भारतीय अंतराळ संशोधन संस्थेने इस्रोने होतकरू शालेय विद्यार्थ्यांसाठी एक आनंदाची बातमी दिली आहे. ISRO आता विद्यार्थ्यांसाठी मोफत ऑनलाइन अभ्यासक्रम उपलब्ध करून देणार आहे.

इयत्ता 8 वी पर्यंतच्या ज्या विद्यार्थ्यांना रिमोट सेन्सिंग आणि जिओ-इन्फॉर्मेशन सायन्स शिकण्याची इच्छा आहे आणि विज्ञान आणि गणिताची मूलभूत माहिती आहे, असे विद्यार्थी या अभ्यासक्रमासाठी अर्ज करू शकतात. इस्रोच्या स्पेस क्युरिऑसिटी उपक्रमाचा एक भाग म्हणून हा अभ्यासक्रम दिला जातो. त्याचप्रमाणे NCERT च्या अभ्यासक्रमानुसार रिमोट सेन्सिंग तंत्रज्ञानाच्या मूलभूत गोष्टी विद्यार्थ्यांना शिकवल्या जातील. इस्रोच्या विविध केंद्रातील शास्त्रज्ञ आणि प्राध्यापक हे वर्ग घेणार आहेत.

शालेय माध्यमिक आणि उच्च माध्यमिक विद्यार्थ्यांना माहितीपूर्ण व्याख्यानांच्या माध्यमातून रिमोट सेन्सिंग तंत्रज्ञान आणि पृथ्वी आणि त्याच्या पर्यावरणाच्या अभ्यासासाठी त्याचा वापर याची माहिती देणे हे या अभ्यासक्रमाचे उद्दीष्ट आहे.

विद्यार्थ्यांना सहज अवगत होईल ISRO Free online  Education अशी सोपी भाषा चित्र आणि अॅनिमेशनचा वापर या अभ्यासक्रमात केला जाणार आहे यात रिमोट सेन्सिंग, इलेक्ट्रोमॅग्नेटिक रेडिएशन  जिओ स्टेशनरी आणि सूर्य-समकालिक उपग्रह रिमोट सेन्सरचे प्रकार आणि मल्टीस्पेक्ट्रल स्कैनर या सारख्या विषयांचा समावेश असेल,

असा करा अर्ज – (ISRO Free online Education)

इच्छुक विद्यार्थ्यांनी अर्ज करण्यासाठी या https://jigyasa.iirs.gov.in/login अधिकृत वेबसाईटला भेट द्यायची आहे. इथे विद्यार्थ्यांनी तुम्हाला विचारलेली काही महत्वाचे तपशील भरायची आहेत.

विद्यार्थ्यांनी तुम्हाला विचारलेली काही महत्वाचे तपशील भरायची आहेत विद्यार्थ्यांना वैयक्तिक माहितीबरोबरच शाळेचा तपशीलही विचारले (ISRO Free online  Education) जातील. तुमची निवड झाल्यानंतर अभ्यासक्रम सुरू होण्याची तारीख आणि अभ्यासक्रम तुम्हाला ईमेलद्वारे कळवण्यात येईल.