पाच हजार ची लाच घेताना शिक्षण विभागातील महिला लेखाधिकाऱ्यासह एकजण अँन्टी करप्शनच्या जाळ्यात

 

सेवा पुस्तकावर सहाव्या व सातव्या वेतन आयोगानुसार वेतन निश्चितीची पडताळणी करण्यासाठी 5 हजार रुपयांची लाच घेताना पुणे शिक्षण विभागातील महिला वरिष्ठ लेखाधिकाऱ्यासह कनिष्ठ लेखाधिकाऱ्याला पुणे लाचलुचपत प्रतिबंधक विभागाने  रंगेहाथ पकडले.   

ही कारवाई सोमवारी दि.20 फेब्रुवारीला केली. याप्रकरणी पुणे एसीबीने लष्कर पोलीस ठाण्यात  गुन्हा ही दाखल केला आहे.

वरिष्ठ लेखाधिकारी प्रमिला गिरी(वय-38), कनिष्ठ लेखाधिकारी अनिल श्रीधर लोंढे (वय-57) असे लाच घेताना रंगेहाथ पकडण्यात आलेल्या दोन लाचखोर अधिकाऱ्यांची नावे आहे. याबाबत एका शिक्षकाने पुणे एसीबीकडे  तक्रार केली आहे.

तक्रारदार हे शिक्षक असून त्यांच्या सेवा पुस्तकावर सहाव्या  व सातव्या वेतन आयोगानुसार  वेतन निश्चितीची पडताळणी करुन देण्यासाठी वरिष्ठ लेखाधिकारी प्रमिला गिरी यांनी 6 हजार रुपये लाचेची मागणी केली. तक्रारदार यांना लाच देणे मान्य नसल्याने त्यांनी पुणे एसीबीकडे तक्रार केली.

एसीबीच्या पथकाने पडताळणी केली असात प्रमिला गिरी यांनी तक्रारदार यांच्याकडे सहा हजार रुपये लाचेची मागणी केली.
तर कनिष्ठ लेखाधिकारी अनिल लोंढे यांनी लाचेच्या मागणीला मदत केल्याचे निष्पन्न झाले.
यावरून पथकाने सोमवारी सापळा रचला.
प्रमिला गिरी यांच्यासाठी तक्रारदार यांच्याकडून पाच हजार रुपये लाच घेताना अनिल लोंढे यांना रंगेहाथ पकडण्यात आले.

नवोदय विद्यालय मेगाभरती #jobs

 नवोदय विद्यालय समिती लवकरच देशभरातील 8 वी उत्तीर्ण तरुणांसाठी 23000 शिपाई पदांसाठी भरती प्रक्रिया सुरू करणार आहे. 

 मीडिया रिपोर्ट्सनुसार, नवोदय विद्यालय अंतर्गत रिक्त पदे भरण्यासाठी 8वी पास उमेदवारांची लेखी परीक्षा न करता निवड केली जाईल.  या पदासाठी पात्र आणि इच्छुक उमेदवार विभागाच्या अधिकृत वेबसाइटला भेट देऊन ऑनलाइन फॉर्म भरू शकतात.  नवोदय विद्यालयातील शिपाई पदावर नियुक्ती मिळविणाऱ्या उमेदवारांना विभागामार्फत सातव्या वेतनश्रेणीनुसार दरमहा वेतन दिले जाईल.  एनव्हीएस शिपाई भारतीशी संबंधित तपशीलवार माहिती खाली पाहिली जाऊ शकते.

ऑनलाइन फॉर्म - या पदासाठी पात्र आणि इच्छुक पुरुष  / महिला उमेदवार अधिसूचना प्रसिद्ध झाल्यानंतर नवोदय विद्यालय समितीच्या अधिकृत वेबसाइट navodaya.gov.in वर जाऊन ऑनलाइन अर्ज भरू शकतात.  अर्ज प्रक्रियेच्या तपशीलवार माहितीसाठी खाली दिलेल्या सूचनांचे अनुसरण करा

 ▸ प्रथम विभागीय जाहिरात पहा. ▸ नंतर ऑनलाइन फॉर्मच्या लिंकवर क्लिक करा. ▸ नाव, वय, शैक्षणिक पात्रता आणि इतर महत्त्वाची माहिती यांसारखे संपूर्ण तपशील प्रविष्ट करा. ▸ त्यानंतर विभागाद्वारे विहित पद्धतीने अर्जाचे शुल्क भरा ▸ वर क्लिक करा. सबमिट बटण. ▸ आता तुमचा फॉर्म यशस्वीरित्या सबमिट केला गेला आहे. ▸ भविष्यातील संदर्भासाठी अर्जाची प्रिंट आउट घ्या.

संस्थेचे नाव-

 नवोदय विद्यालय समिती

 पदाचे नाव -शिपाई 

एकूण रिक्त जागा - 23000 (अपेक्षित पदे) 

पगार रु.5200 - 20200 /-

भरती प्रक्रिया -गुणवत्ता यादी 

अर्ज प्रक्रिया -ऑनलाइन 

जिल्हा परिषदेची अशी ही एक शाळा.... नक्कीच पहा

 *🚩गुणवत्ता अंती हेची ध्येय....* 

*सर्वांगिण विकासाला तेची साह्य...😊🚩*

*दुर्गम डोंगर भागातील अशी शाळा की देशाचा अमृत महोत्सवी स्वातंत्र्य दिन साजरा होऊन ही अद्याप रस्ते व पाणी सुविधा नसलेली वाडी....*

    *परिस्थीसे कभी हारना नही है,*

*होसलो की दमपर आपनेआप ही*

*आखीर चट्टानोसे जीत जाना है...*

*शाळेच्या विद्यार्थ्यांनी करोनाच्या छायेतून निघत जी उत्तुंग झेप घेत गवसणी घेतली व ते आज कुठल्याही क्षेत्रात निपूण ठरत आहे. याचे समाधान हे दिखाव्याच्या खेळापेक्षा कितीतरी पटीने आनंदी करून जाणारा आहे...*

*आज विद्यार्थ्यांनी ऐकलेले गीत  पटकन पाठ करत एक वेगळाच हुरुप दाखवला. इंग्रजी वाचनातील गती व गणितांच्या आकडेमोडाची तेजी यासह गीतगायन नृत्य अविष्कार व विविध उपक्रमातील आमच्या चिमण पाखरांची भरारी थक्क करून जाते....कुठल्याही विकत घेतलेल्या आदर्शापेक्षा हा अविष्कार जग जिंकून देतो😊*

   *प्रकाशसिंग राजपूत व दिलीप आढे.*

     *सहशिक्षक*

*जि.प.प्रा.शा.मुरुमखेडावाडी*

महाराष्ट्राचे आराध्य दैवत श्री छत्रपती शिवाजी महाराज यांना समर्पित गीत

 माझे मित्र तसेच डिजिटल समूहाचे सदस्य यांनी खास शिवजयंती निमित्त तयार केलेले हे गीत मित्रांनो जास्तीत जास्त शेअर करा....

 

गायक /गीतकार - प्रताप गिते

महाराष्ट्राचे आराध्य दैवत श्री छत्रपती शिवाजी महाराज यांना समर्पित 

इतिहासाच्या पानोपानी

आवडल्यास नक्की स्टेटस ठेवा

ISRO तर्फे आता विद्यार्थ्यांसाठी मोफत ऑनलाइन अभ्यासक्रम

 

भारतीय अंतराळ संशोधन संस्थेने इस्रोने होतकरू शालेय विद्यार्थ्यांसाठी एक आनंदाची बातमी दिली आहे. ISRO आता विद्यार्थ्यांसाठी मोफत ऑनलाइन अभ्यासक्रम उपलब्ध करून देणार आहे.

इयत्ता 8 वी पर्यंतच्या ज्या विद्यार्थ्यांना रिमोट सेन्सिंग आणि जिओ-इन्फॉर्मेशन सायन्स शिकण्याची इच्छा आहे आणि विज्ञान आणि गणिताची मूलभूत माहिती आहे, असे विद्यार्थी या अभ्यासक्रमासाठी अर्ज करू शकतात. इस्रोच्या स्पेस क्युरिऑसिटी उपक्रमाचा एक भाग म्हणून हा अभ्यासक्रम दिला जातो. त्याचप्रमाणे NCERT च्या अभ्यासक्रमानुसार रिमोट सेन्सिंग तंत्रज्ञानाच्या मूलभूत गोष्टी विद्यार्थ्यांना शिकवल्या जातील. इस्रोच्या विविध केंद्रातील शास्त्रज्ञ आणि प्राध्यापक हे वर्ग घेणार आहेत.

शालेय माध्यमिक आणि उच्च माध्यमिक विद्यार्थ्यांना माहितीपूर्ण व्याख्यानांच्या माध्यमातून रिमोट सेन्सिंग तंत्रज्ञान आणि पृथ्वी आणि त्याच्या पर्यावरणाच्या अभ्यासासाठी त्याचा वापर याची माहिती देणे हे या अभ्यासक्रमाचे उद्दीष्ट आहे.

विद्यार्थ्यांना सहज अवगत होईल ISRO Free online  Education अशी सोपी भाषा चित्र आणि अॅनिमेशनचा वापर या अभ्यासक्रमात केला जाणार आहे यात रिमोट सेन्सिंग, इलेक्ट्रोमॅग्नेटिक रेडिएशन  जिओ स्टेशनरी आणि सूर्य-समकालिक उपग्रह रिमोट सेन्सरचे प्रकार आणि मल्टीस्पेक्ट्रल स्कैनर या सारख्या विषयांचा समावेश असेल,

असा करा अर्ज – (ISRO Free online Education)

इच्छुक विद्यार्थ्यांनी अर्ज करण्यासाठी या https://jigyasa.iirs.gov.in/login अधिकृत वेबसाईटला भेट द्यायची आहे. इथे विद्यार्थ्यांनी तुम्हाला विचारलेली काही महत्वाचे तपशील भरायची आहेत.

विद्यार्थ्यांनी तुम्हाला विचारलेली काही महत्वाचे तपशील भरायची आहेत विद्यार्थ्यांना वैयक्तिक माहितीबरोबरच शाळेचा तपशीलही विचारले (ISRO Free online  Education) जातील. तुमची निवड झाल्यानंतर अभ्यासक्रम सुरू होण्याची तारीख आणि अभ्यासक्रम तुम्हाला ईमेलद्वारे कळवण्यात येईल.

सातव्या आयोगाचे फरकाचे हप्ते मिळणार

 आज दि १४ फेब्रुवारी च्या पत्रानूसार फेब्रुवारी २०२३ च्या वेतन व सातवा वेतन आयोगाचा राहीलेला पहिला, दुसरा हप्ता तसेच तिस-या हप्त्यासाठी पुरेशी तरतूद उपलब्ध असल्याने त्यानुसार माहे फेब्रुवारी २०२३ चे वेतन देयकामध्ये लेखाशीर्ष  ची देयके ऑनलाईन महागाई भत्त्यासह व सातव्या वेतन आयोगाचा पहिला दुसरा व तिसरा हप्ता काढण्यात यावा असे निर्देश देण्यात आलेले आहे. 

लेखाशीर्षामध्ये दि. १०/०२/२०२३ रोजीच्या बैठकीतील आढाव्यानुसार सातव्या वेतन आयोगाचे हप्ते अनलाइन काढणे पर्याप्त तरतूदीअभावी शक्य नसल्याने फक्त फेब्रुवारी २०२३ नियमित वेतन देयक व महागाई भत्त्याच्या फरकासह प्राधान्याने सर्व कर्मचा-यांचे नियमित वेतन काढण्यात यावे असे पत्रात नमूद केलेले आहे.

संपूर्ण मराठवाडयातील संवर्ग १ ची तपासणी होणार

 जिल्हा अंतर्गत बदलीसाठी सोयीचे ठिकाण मिळावं म्हणून बीड जिल्ह्यातील काही शिक्षकांनी दिव्यांग व गंभीर आजारी असल्याचे प्रमाणपत्र मिळवून त्याचा फायदा घेतल्याचा प्रकार समोर आला होता. त्यामुळे बीड जिल्ह्यातील या घटनेची विभागीय आयुक्त कार्यालयाने गंभीर दखल घेतली असून बीडच्या धर्तीवर कार्यवाही करण्याच्या अनुषंगाने विभागातील सर्वच जिल्हा परिषद यांना पत्र पाठवण्यात आले आहे. 

ज्यात संवर्ग 1 मधून बदली वा सूट मिळविलेल्या गुरुजींची वैद्यकीय तपासणी व प्रमाणपत्रांची पडताळणी करण्याचे आदेश देण्यात आले आहे. त्यामुळे मराठवाड्याच्या शिक्षण क्षेत्रात खळबळ उडाली आहे. 

बीड जिल्हा परिषद मुख्य कार्यकारी अधिकारी यांनी संवर्ग 1 मधून बदली झालेले तसेच सूट मिळविलेल्या गुरुजींची स्वतंत्र पथकाच्या माध्यमातून वैद्यकीय तपासणी करण्यात आली. एवढेच नाही तर प्रमाणपत्रांची पडताळणीही करण्यात आली. यातून तब्बल 70 हून अधिक शिक्षक दोषी ठरविण्यात आले आहेत. 

यानंतर त्यांच्याविरुद्ध निलंबनाची कारवाई करण्यात आली. एवढेच नाही तर विभागीय चौकशीही प्रस्तावित केली आहे.

 दरम्यान बीडच्या धर्तीवर संवर्ग 1 मधील शिक्षकांची  वैद्यकीय तपासणी करण्यात यावी. तसेच त्यांच्या प्रमाणपत्रांचीही पडताळणी करावी, असे आदेश औरंगाबाद विभागीय आयुक्त कार्यालयाने काढले आहेत. संबंधित कार्यवाहीअंती जे कोणी दोषी आढळून येतील, त्यांच्याविरुद्ध तत्काळ कारवाई करून अहवाल सादर करावा, असेही नमूद केले आहे.

पंजाबचे शिक्षक अशैक्षणिक कामे करणार नाहीत

 

पंजाबचे शिक्षक  शिकवण्याशिवाय दुसरे कोणतेही काम करणार नसल्याची घोषणा पंजाबचे  मुख्यमंत्री  भगवंत मान यांनी केली आहे.

निवडणूक आयोगानं  नुकतीच पंजाब शासनाकडे जनगणनेसाठी 68 हजार शिक्षकांची मागणी केली होती. पण या कामासाठी  शिक्षक दिले तर विद्यार्थ्यांना शिकवणार कोण? असा सवाल मुख्यमंत्री  यांनी उपस्थित करत  जनगणनेच्या कामाला शिक्षकांना लावण्यास नकार दिले. राज्यात शिक्षकांची दिली जाणारी शिक्षणबाह्य कामे बंद करावी ही मान यांची प्रमुख मागणी आहे.

महाराष्ट्रात  अशैक्षणिक कामांचा बोजा....

अनेकदा शिक्षकांना शाळेबाहेरील अशैक्षणिक कामे दिली जातात. 

 शिक्षकांना जनगणना, निवडणूक मतदार नोंदणी यासारखी 150 हून अधिक प्रकारची कामे करावी लागतात. त्यामुळं शिक्षकांवरील अतिरीक्त कामाचा ताण कमी करावी अशी मागणी शिक्षक संघटनांकडून अनेकदा  करण्यात आलेली आहे. 

शिक्षक आणि त्यांना दिली जाणारी अशैक्षणिक कामे हा अनेक वर्षांपासून चर्चेत असलेला विषय आहे. राज्य शासनाकडून शिक्षकांवर अशी कामे लादली जातात. शिक्षक संघटना त्यास विरोध करतात. अशैक्षणिक कामांवर बहिष्कार टाकतात, काही वेळा शासन निर्णय बदलते किंवा काही वेळा सक्तीने अशी कामे शिक्षकांना करावीच लागतात. शिक्षकांवर शालाबाह्य कामांचा भार नेहमीच अधिक असल्याचे दिसून येते.

शिक्षकांना अशैक्षणिक कामे दिली जाणार नाहीत, असे परिपत्रकही शासनाने 2013 मध्ये काढले होते. त्यावेळी शिक्षकांनी सुटकेचा नि:श्वास टाकला होता. 

किमान यापुढे तरी विद्यार्थ्यांना शाळेत वेळ देता येईल आणि मुलांचा विकास होऊ शकेल, अशी अपेक्षा व्यक्त होत होती. मात्र, शासनाचा हा निर्णय फार काळ टिकला नाही. काही दिवसांतच निर्णय बदलत शिक्षकांना अशैक्षणिक कामे करावीच लागतील असे परिपत्रक काढण्यात आले. शिक्षकांना जनगणना, आपत्ती निवारण, निवडणूक, सर्वेक्षण अशी विविध अशैक्षणिक कामे करणेही भाग पडते. शिक्षकांना देण्यात येणाऱ्या कामांमध्ये शिष्यवृत्ती योजनांचे तपशील लिहणे, लसीकरण मोहिम राबवणे, सरकारी खात्यातील विभागांना मदत करणे यासारखी कामांचाही समावेश आहे.

बदली अपडेट

बदली अपडेट महत्त्वाचे ....

  *संवर्ग ०४ मधील शिक्षकाना कळविण्यात येते की , संवर्ग ०४ मधील  फेरी ०१ मधील विस्थापित शिक्षकाना फेरी २ मध्ये अर्ज करण्यासाठी १ दिवस वाढवून देण्यात आलेला असून  आपले बदली अर्ज ऑनलाइन करुन घ्यावेत.

*आता दि १२-०२-२०२३  रोजी रात्री ठीक १२:०० वाजता बदली पोर्टल बंद होत आहे .*

*आपण आपला अर्ज ऑनलाइन केला असेल आणि जर आपणास आपला अर्ज चुकला आहे असे वाटत असेल किंवा पसंतीक्रमामध्ये बदल करायचा असेल तर आपला ऑनलाइन केलेला अर्ज विड्रॉ करुन परत पसंतीक्रम अद्ययावत करुन आपला अर्ज सबमिट करु शकता.

  *जर आपण अर्ज केला नाही तर आपली बदली याच फेरीमध्ये  रॅंडम राउंड ने दुर्गम क्षेत्रातील रिक्त पदावर होवु शकते याची गंभिर्याने नोंद घ्यावी.*

                

डिजिटल द्विभाषिक परिपाठ

 *

डिजिटल स्कूल समूह महाराष्ट्र 

डिजिटल द्विभाषिक परिपाठ ...

 *चला सोपा करूया परिपाठ*

*दिवस 48 वा*

*संकल्पना व लेखक*

*सौ रोहिणी पिंपरखेडकर-विद्यासागर*

मोबाईल नंबर 9130958046

💐💐💐💐💐💐💐💐💐💐💐💐💐💐

आजचे पंचांग

तारीख - १०फेब्रुवारी २०२३

वार- शुक्रवार

तिथी-माघ कृष्ण ४ शके १९४४

अयन-उत्तरायण

ऋतू - शिशिर ऋतू

मुस्लिम धर्मियांचा महिना " रज्जब" 

पारशी महिना शेहरेवार

Today's almanac

 Date - 10 February 2023

 Friday

 Tithi-Magh krushna 4

 Shaka 1944 

 Ayana-Uttarayana

 Ritu - Shishir Ritu(Autumn season)

"Rajjab" month of Muslims 

Parsi month Shehrewar

💐💐💐💐💐💐💐💐💐💐💐💐💐💐

सूर्योदय 7.00

सूर्यास्त  6.26

दिवस कालावधी 11 तास 25 मि.29से.

चंद्र अस्त:-9.46

चंद्र उदय:-22.17

प्रदीपन. 84.8%

चंद्राचे पृथ्वीपासूनचे अंतर396,845  km

Sunrise 7.00Am

 Sunset 6.26Pm

 Day duration 11 hrs 25 min 29sec.

Moonset:-9.46

 Moon rise:-22.17

Illumination 84.8%

Distance between moon and earth 396,845  km.

 

🌞🌙🌞🌙🌞🌙🌞🌙🌞🌙🌞🌙🌞🌙

 सुविचार

जो माणूस कष्टाला लाजत नाही त्याला यशस्वी होण्यापासून कोणीही रोखू शकत नाही.

Good Thought

No one can stop a man who is not ashamed of hard work from succeeding.

💐💐💐💐💐💐💐💐💐💐💐💐💐💐

दिनविशेष

१९२१: महात्मा गांधी यांनी काशी विद्यापीठाची स्थापना केली.

१९३१: भारताची राजधानी कोलकात्याहुन नवी दिल्ली येथे हलवली.

१९४८: पुणे विद्यापीठाची स्थापना

२००९: आजच्या दिवशी पंडित भीमसेन जोशी यांना भारतरत्न पुरस्काराने सन्मानित करण्यात आले.

special day

 1921: Mahatma Gandhi founded Kashi University.

 1931: Capital of India shifted from Kolkata to New Delhi.

 1948: Pune University established

 2009: On this day Pandit Bhimsen Joshi was awarded the Bharat Ratna Award.

💐💐💐💐💐💐💐💐💐💐💐💐💐💐

आजची म्हण व अर्थ

आईजीच्या जिवावर बाईजी उदार दुसऱ्याचा पैसा दान करून स्वतः चा बडेजाव दाखविणे.

Proverb with its meaning

A bird in the hand is worth two in the bush

Meaning: What you have is better than what you might get

Example: I think I’ll sell my car at the offered price instead of waiting for something higher. After all, a bird in hand is worth two in the bush.

💐💐💐💐💐💐💐💐💐💐💐💐💐💐

कोडे

काळा घोडा पांढरी स्वारी, एक उतरवला तर दुसऱ्याची पाळी.

उत्तर: तवा आणि पोळी

माझा भाऊ मोठा शैतान, बसतो नाकावर पकडून कान. ओळख पाहू कोण?

उत्तर: चष्मा

Riddles

I shave every day, but my beard stays the same. What am I?

Answer: A barber

💐💐💐💐💐💐💐💐💐💐💐💐💐💐

सामान्य ज्ञान

1 महाराष्ट्राला लाभलेल्या अरबी समुद्र किनाऱ्याची लांबी किती आहे?

उत्तर : 720 किमी

2  महाराष्ट्राची राजधानी कोणती आहे?

उत्तर : मुंबई

3 महाराष्ट्राची उपराजधानी कोणती आहे?

उत्तर : नागपूर

4 महाराष्ट्रातील सर्वांत उंच शिखर कोणते आहे?

उत्तर : कळसुबाई (1646 मी.)

5 महाराष्ट्राचा भारतात क्षेत्रफळाच्या दृष्टीने कितवा क्रमांक लागतो?

उत्तर : तिसरा

general knowledge

 1 What is the length of Arabian sea coast enjoyed by Maharashtra?

 Answer : 720 km

 2 Which is the capital of Maharashtra?

 Answer: Mumbai

 3 Which is the vice-capital of Maharashtra?

 Answer: Nagpur

 4 Which is the highest peak in Maharashtra?

 Answer : Kalsubai (1646 m.)

 5 What is the number of Maharashtra in terms of area in India?

 Answer: Third

💐💐💐💐💐💐💐💐💐💐💐💐💐💐

बोधकथा

घामाचा पैसा

धन्नाशेटचा मुलगा राम अगदीच आळशी. घरांत गडगंज संपत्ती. एकुलता एक लाडाचा. काम कधी करावंच लागलं नाही. आता २१ वर्षाचा झाला. शेठजींना काळजी पडली. याचे कसे होणार साठलेला पैसा किती दिवस पुरेल. दुसरे दिवशी त्यांनी मुलाला बोलावले व म्हणाले हे बघ आज तू सकाळीच बाहेर जा. काहींतरी काम करून पैसे मिळवुन आण तरच तुला जेवायला मिळेल' मुलाला काहीच कळेना. तो बहिणीकडे गेला तिने त्याला एक रूपया दिला. शेठजींनी तो विहीरीत फेकून दिला. दुसर्‍या दिवशी आईकडून घेतला तिसर्‍या दिवशी मात्र कोणीही पैसे द्यायचे नाहीत हे उमजल्यावर स्वारी घराबाहेर पडली स्वारी घराबाहेर काम शोधायला निघाली. पण काय काम करणार ? बारा वाजे पर्यंत हिंडला. काम मिळेना. पोटात कावळे कोकलायला लागले. स्टेशनवरून एक जड बॅग घेऊन येणारा माणूस दिसला त्याला हमाल हवा होता. हा धावत पुढे गेला. 'साहेब, इकडे आणा'. ती बॅग त्याने डोक्यावर उचलली. घामाघूम झाला. साहेबांनी आठ आणे हातावर ठेवले. घरी आला. शेठजींच्या हातावर आठ आणे ठेवले. दोन दिवसाप्रमाणेच शेठजींनी ते विहीरीत फेकले हा चवताळून उठला. 'बाबा अहो तेवढे आठ आणे मिळवायला मला किती वणवण करावी लागली आणि तुम्ही ते फेकून दिलेत ?' शेठजींनी त्याला जवळ घेतले. पाठीवरून हात फिरवला, 'बाळा आता मला काहीं काळजी नाहीं कारण खर्‍या कष्टाची किंमत तुला आज कळली. दोन दिवस ह्याच्या दुप्पट रक्कम फेकली पण तुला राग आला नव्हता कारण त्या मागे कष्ट नव्हते.' स्वकष्टाची कमाई तीच खरी कमाई.

💐💐💐💐💐💐💐💐💐💐💐💐💐💐

English words

Maths vocabulary

Addition ऍडिशन  बेरीज

Substraction सबट्रॅक्शन वजाबाकी

Multiplication मल्टिप्लिकेशन गुणाकार

Division डिव्हिजन भागाकार

Product  प्रॉडक्ट गुणाकाराचे उत्तर

💐💐💐💐💐💐💐💐💐💐💐💐💐💐