७ व्या वेतन आयोगाचा लाभ सन २०१६नंतर वरिष्ठ वेतनक्षेणी लागु होणाऱ्या शिक्षकांना मिळावा याबाबत सरचिटणीस यांना महत्त्वाचे पत्र ...
प्रति,
सरचिटणीस,
शालेय शिक्षण व क्रीडा विभाग,
मंत्रालय,
मुंबई- ४०० ०३२
दि. २३/०३/२०२३
संदर्भ :- महाराष्ट्र राज्य राजपत्र, असाधारण भाग IV -B दिनांक 03 मार्च २०२३,
शालेय शिक्षण व क्रीडा विभाग, मंत्रालय, मुंबई, अधिसूचना, दि. ३ मार्च २०२३ शासन निर्णय शालेय शिक्षण व क्रीडा विभाग दि. २२/०२/२०१९ नुसार विषय:- वरील संदर्भाने प्राथमिक शिक्षक पदाबाबत हरकती नोंदवण्याबाबत
7 व्या वेतन आयोगाच्या प्राथमिक शिक्षक (HSC, Ded) संरचनेमध्ये १ जानेवारी २०१६ नंतर वरिष्ठ श्रेणी / चटोपाध्याय (Senior acale) लागू होत करतांना प्राथमिक शिक्षकांचे वेतन निश्चिती करतांना नुकसान होत असल्याबाबत हरकत नोंदवण्या बाबत.
सर,
उपरोक्त विषयी विनंतीपूर्वक निवेदन सादर करतो की, महाराष्ट्र
शासनाने बक्षी समितीने सादर केलेल्या शिफारशीनुसार व दि ०३/०३/२०२३ रोजी प्रसिद्ध झालेल्या राजपत्रानुसार प्राथमिक शिक्षक (HSC, D ed.) यांना 12 वर्ष सलग पदोन्नती न घेता एकाच वेतनश्रेणीत सेवा केल्याने सदरील कर्मचाऱ्यांस वरिष्ठ वेतनश्रेणी (senior scale) प्रदान करण्यात येवून मूळ वेतनात वाढ करण्यात येते. 6 व्या वेतन आयोगामध्ये प्राथमिक शिक्षकाला ही चटोपाध्याय वेतनश्रेणी / वरिष्ठ वेतनश्रेणी (seniour scale) देतांना असुधारीत वेतनश्रेणी PB1 ( 5200-20200) Grade Pay 2800 सुधारित वेतन श्रेणी PB2 (9300-34800) Grade Pay 4200 या वेतनश्रेणीत वेतन निश्चिती करण्यात येत होती. यामुळे प्राथमिक शिक्षकाचे मुळवेतन PB1 ते PB2 मध्ये जाताना GP च्या वाढीमुळे 1400 रुपयांनी वाढत होते. डिसें 15 च्या अनुषंगाने महागाई भत्ता (DA) 142% व घरभाडे भत्ता (HRA) 10% विचारात घेतल्यास एकूण वेतनात 3528 रु ची वाढ 6 व्या वेतन आयोगात होत होती. परंतू दिनांक 14 मार्च 2023 च्या शासन राजपत्रानुसार व शासन निर्णय शालेय शिक्षण व क्रीडा विभाग दि. २२/०२/२०१९ नुसार प्राथमिक शिक्षकांची 12 वर्षा नंतर मिळणारी चटोपाध्याय वेतनश्रेणी/ वरिष्ठ वेतनश्रेणी (senior scale) ही 7 व्या वेतन आयोगात म्हणजेच दि ०१/०१/२०१६ नंतर वरिष्ठ वेतन श्रेणी लागू होतांना S10 हा मेट्रिक्स सेल मधून S13 या मेट्रिक्स सेल मध्ये मुळवेतन (Basic) स्थानांतरित करण्यात येत आहे. त्यामुळे मूळ वेतनात कोणत्याही प्रकारची वरिष्ठ वेतनश्रेणी म्हणून अपेक्षित असलेली वाढ होतांना दिसून येत नाही फक्त S10 मेट्रिक्स सेल मधील मुळवेतनाचा आकडा हा S13 त तंतोतंत न जुळल्याने अपघाताने 700 किंवा 600 रु ची नगण्य वाढ दिसते. ही मुळवेतनातील वाढ ही वरिष्ठ वेतनश्रेणी ची नसून S10 मधील मुळवेतन S13 या मेट्रिक्स टेबल मध्ये शोधतांना मिळालेली वाढ आहे. 7 व्या वेतन आयोगात वार्षिक वेतनवाढ ही सुमारे 1200 रु ची आहे, त्या तुलनेत 12 वर्षानंतरची वाढ ही 700 रु कशी असू शकते?
6 व्या वेतन आयोगात वरिष्ठ वेतनश्रेणीत मुळवेतन PB1 ते PB2 असे स्थानांतर होत असतांना 2800 रु grade pay मुळवेतनात वाढत होते, 7 व्या आयोगात ही वाढ 600/700 ची कशी असेल?
31 डिसेंबर 2015 ला 12 वर्ष पूर्ण होणाऱ्या प्राथमिक शिक्षकाचा ग्रेड पे 2800 हुन हा 4200 रु झाल्याने 1 जाने 2016 ला 7 वा वेतन आयोगात 2.57 ने मुळवेतनास गुणतांना त्याची 1400 रु ची वरिष्ठ वेतनश्रेणी वाढ देखील 2.57 पट होते, त्यामुळे सदरील शिक्षकाची S13 मधील वेतन निश्चिती उच्च स्तरावर (level वर) होते. तर 01 जाने 2016 नंतर वरिष्ठ वेतनश्रेणी घेणाऱ्या शिक्षकाची मुळवेतना तील वाढ 12 वर्ष पूर्ण होणाऱ्या दिनांकास 1400 रु च्या 2.57 पट होत नाही. व त्यांची वेतन निश्चिती त्यांच्यापेक्षा 1 वर्ष सेवाज्येष्ठ असणाऱ्या शिक्षकांपेक्षा 3 स्तर (level) निम्न असणाऱ्या मुळवेतनावर होते.
ही 7 व्या वेतन आयोगातील त्रुटी असून या त्रुटींमुळे 6 व्या वेतन आयोगात 31 डिसेंबर 2015 ला वरिष्ठ वेतनश्रेणी प्राप्त शिक्षक व 2 जाने 2016 ला वरिष्ठ वेतनश्रेणी प्राप्त शिक्षक यांच्यात 1 वेतनवाढी ची तफावत असणे अपेक्षित असतांना तब्बल 3 वेतनवाढी ची तफावत निर्माण झाली आहे.
उदाहरणांसह वेतन निश्चिती. फरक खालीलप्रमाणे
| सहावा वेतन- वरिष्ठ वेतनश्रेणी लाभ
| वरिष्ठ वेतनश्रेणी पूर्वीचे मुळवेतन=१५६८०
सातवा वेतन वरिष्ठ वेतनश्रेणीलाभ
वरिष्ठ वेतनश्रेणी पूर्वीचे मुळवेतन = ४०४०० (१५६८०४२. ५० ने गुणून S-10 मध्ये
निश्चिती)
| वरिष्ठ वेतनश्रेणी नंतरचे
| मुळवेतन = १७०८०
वरिष्ठ वेतनश्रेणी नंतरचे
| मुळवेतन = ४११०० (४०४०० ही रक्कम S-13 मध्ये ४११०० निश्चिती) | वरील मूळवेतनात वाढ १४००रु. म्हणजेच वरील मूळवेतनात वाढ ७००रु. म्हणजेच ८.९२% इतकी.
१.६८% इतकी.
असे नुकसान ०१ जानेवारी २०१६ नंतर वरिष्ठ वेतनश्रेणी लागणाऱ्या सर्व प्राथमिक शिक्षकांचे होणार आहे.
.jpeg)
