विशेष संवर्ग भाग 1 मधील शिक्षकांना पसंतीक्रम भरण्याची सुविधा 12 जुलै पासून सुरू | teachers-online-transfer | ottmahardd

विशेष संवर्ग भाग 1 मधील  शिक्षकांना पसंतीक्रम भरण्याची सुविधा 12 जुलै पासून सुरू*

अपडेटसाठी चॕनलला सब्सक्राईब करा...

माहिती लेखन 

*संजय नागे दर्यापूर*

*9767397707* 

 *दि. 11 जुलै  2025*                                           

✳️ *संवर्ग 1 च्या शिक्षकांनी प्राधान्यक्रम कसा भरावा.*

✳️  *संवर्ग एकच्या शिक्षकांनी फॉर्म भरताना खालील मुद्द्यांचा विचार करावा*

✳️  *आज सर्व जिल्ह्यांच्या जिल्हा निहाय रिक्त पदांच्या याद्या संध्याकाळी पोर्टलवर अपलोड करण्यात येतील याद्या अपलोड होताच प्रकाशित करण्यात येतील*

✳️  *संवर्ग एकच्या शिक्षकांना प्राधान्यक्रम भरण्याची सुविधा दिनांक 12 जुलै 2025  ते  15 जुलै  2025 या दरम्यान उपलब्ध करून देण्यात येणार आहे*

✳️ *संवर्ग एकच्या शिक्षकांना फक्त बदली पात्र शिक्षकांच्या जागा पोर्टलवर प्राधान्यक्रम भरण्याकरिता दिसतील* 

✳️ *संवर्ग भाग एकच्या शिक्षकांनी प्राधान्यक्रम भरताना कमीत कमी एक शाळा व जास्तीत जास्त 30 शाळा भरणे अनिवार्य आहे*

✳️ *जर आपण बदली पात्र नसाल तर आपण कितीही पर्याय भरले तरी चालतील कारण आपण बदली पात्र नसल्यामुळे आपण भरलेल्या प्राधान्यक्रमातील शाळा न मिळाल्यास आपली पूर्वीची शाळा कायम राहील*

✳️ *परंतु आपण बदली पात्र शिक्षक अथवा अवघड क्षेत्रातील रिक्त पदे भरण्यात येणार आहेत या यादीमध्ये येत असाल तर निश्चितच जास्तीत जास्त पर्याय भरण्याचा प्रयत्न करावा जेणेकरून आपण दिलेल्या प्राधान्यक्रमातील शाळा आपल्याला मिळेल अन्यथा वरील टप्प्यांमध्ये बदली होऊ शकते यापुढे कोणतेही संवर्गाला मुदतवाढ मिळणार नाही* 

✳️ *पोर्टलवर प्राधान्यक्रम भरण्याची सुविधा उपलब्ध झाल्यानंतर खालील लिंक वर आपला मोबाईल क्रमांक टाकून आपण पोर्टलवर पोर्टल सुरू झाल्यानंतर प्राधान्यक्रम भरू शकता*

✳️ *विशेष संवर्ग भाग एकच्या शिक्षकांनी मोबाईल वरून प्राधान्यक्रम कसा भरावा*

https://ott.mahardd.in/

*➡️ Open होणाऱ्या पेजवर आपला मोबाईल नंबर टाईप करा व Send OTP ऑप्शन वर क्लिक करा*

*➡️ आपल्या मोबाईल नंबर वर OTP आला असेल तो टाकून लॉगिन करा*

*➡️ लॉगिन केल्यानंतर सर्वप्रथम पोर्टलची भाषा मराठी करून घ्यावी त्याकरिता पेजवरील 'मराठी' या टॅब वर क्लिक करा आपल्या पोर्टलची भाषा मराठी होईल*

➡️ *स्क्रीनवर आलेले declaration  स्विकारून डाव्या मेनूतील Intra district वर क्लिक करावे*

➡️ *त्यातील application form वर क्लिक करावे*

➡️ *त्यानंतर तुम्हाला स्क्रीनवर application type  व action असे दोन ऑप्शन दिसतील*

➡️ *Cadre 1 च्या समोर view application चा tab दिसेल application tab वर क्लिक केले की*

➡️ *Cadre 1 application form *स्क्रीनवर दिसेल त्यावर* 

*शिक्षकाचे नाव* 

*आडनाव* 

*शाळेचा यु डायस नंबर* 

*शिक्षकाचा शालार्थ आयडी* 

*ही माहिती आपणास दिसेल यामध्ये आपण कोणताही बदल करू शकणार नाही*

➡️ *त्याखाली मला बदलीतून सूट हवी आहे असा प्रश्न दिसेल व* *त्याखाली आपला संवर्ग एक मधील प्रकार दिसेल*

*वरील सर्व ही माहिती आपण पूर्वीच पोर्टलवर अपडेट केल्यामुळे ती या स्थितीत read only mode मध्ये असेल ती माहिती बदलता येणार नाही*

➡️ *त्याखाली आपणास प्राधान्यक्रम निवडण्याबाबत पर्याय निवडा अशी सूचना दिसेल*

*पर्याय निवडण्यासाठी add preferences या टॅब वर क्लिक केल्यानंतर*

➡️ *खालील लाल रंगाच्या रकान्यामध्ये आपणास कमीत कमी एक व जास्तीत जास्त 30 प्राधान्यक्रम निवडण्यासंदर्भात सूचना दिसेल*

➡️ *याचाच अर्थ विशेष संवर्ग भाग एकच्या शिक्षकांना कमीत कमी एक प्राधान्यक्रम निवडणे आवश्यक आहे व जास्तीत जास्त 30 प्राधान्यक्रम आपण निवडू शकता*

➡️ *प्राधान्यक्रम भरतांना त्याखालील drop down मधून तालुका निवडावा व त्याखालील drop down  मधून शाळा निवडावी*

➡️ *शाळा निवडल्यानंतर आपणास त्या शाळेमधील* 

*किती मंजूर पदे*

*किती कार्यरत पदे*

*शाळेतील रिक्त पदे*  

*समानीकरणाअंतर्गत ठेवलेली पदे* 

*बदली पात्र शिक्षकांची पदे*

*ह्या सर्व संख्या दिसतील*

➡️ *Add tab  वर क्लिक केली की आपण निवडलेली शाळा आपल्या प्राधान्य क्रमामध्ये ऍड केली जाईल*

➡️ *आपल्या प्राधान्यक्रमामध्ये प्रत्येक शाळा ऍड करताना add  केलेली शाळा save करणे अनिवार्य आहे*

➡️ *या ठिकाणी संवर्ग भाग एकच्या शिक्षकांना फक्त बदली पात्र शिक्षकांच्या जागा दाखवल्या जातील याचाच अर्थ आपणास फक्त बदली पात्र शिक्षकांच्या जागा प्राधान्यक्रमांमध्ये दाखवल्या जातील*

➡️ *Add केलेली प्रत्येक शाळा save या  tab वर  क्लिक करून  save करावी*

 ➡️ *आपण निवडलेला पर्याय जर आपणास नको असेल तर × या चिन्हावर क्लिक करून  do you want to remove selected School हा pop up दिसेल त्याखाली yes वर क्लिक केले की निवडलेली शाळा पर्यायातून delete केली जाईल*

➡️ *अशा पद्धतीने प्रत्येक शाळा जोडताना add preferences  वर क्लिक करून शाळा जोडावी प्रत्येक शाळा जोडल्यानंतर save  करावी*

➡️ *अशा पद्धतीने आपणास आवश्यक तेवढ्या शाळा प्राधान्यक्रमात भरल्यानंतर आपल्याला आपला application form submit करणे आवश्यक आहे त्याकरिता त्याखालील submit tab वर क्लिक करून आपला फॉर्म submit करावा आपण फॉर्म submit न केल्यास आपल्या प्राधान्यक्रमाचा विचार केला जाणार नाही*

➡️ *यानंतर आपल्या लॉगिन केलेल्या मोबाईल नंबर वर पुन्हा एक ओटीपी येईल तो ओटीपी सबमिट केल्यानंतर आपला प्राधान्यक्रम भरण्याची प्रक्रिया पूर्ण होईल*

➡️ *स़वर्ग एकच्या शिक्षकांना दिनांक 11 जुलै 2025 ते 14 जुलै 2025 प्राधान्यक्रम भरण्याकरिता सुविधा दिलेली आहे त्यानंतर लगेच 15 जुलैला संवर्ग एक च्या बदली झालेल्या शिक्षकांची यादी पोर्टलवर प्रकाशित करण्यात येईल व लगेच त्यानंतर दोन दिवसांनी संवर्ग दोन ला प्राधान्यक्रम भरण्याची सुविधा सुरू करण्यात आली*

➡️ *वरील माहिती ही फक्त मार्गदर्शनपर आहे प्राधान्यक्रम भरताना शासन आदेशाचा अभ्यास करून निर्णय घ्यावा*

*बदली प्रक्रिये संदर्भात कोणताही संभ्रम किंवा अडचण येत असल्यास वरील नंबर वर कॉल करू शकता*

*अखिल महाराष्ट्र प्राथमिक शिक्षक संघ अमरावती मार्गदर्शन समूह*

*धन्यवाद*

Read More

वैयक्तिक अडचणींकरिता या वेळापत्रकामध्ये बदल करणे शक्य नाही ग्राम विकास विभागाचे आदेश |online-teachers-transfer

 शिक्षक संवर्ग ऑनलाईन बदली प्रक्रिया सन २०२५

जिल्हा स्तरावर तांत्रिक बाबींसाठी एक कार्यक्रम अधिकारी नेमून अशा अधिकाऱ्यावर सर्व तांत्रिक अडचणी दूर करण्याची जबाबदारी देण्यात आली आहे.

२. तसेच दि.१८.०६.२०२४ रोजीच्या शासन निर्णयातील अ.क्र.२.४.४ नुसार बदली प्रक्रियेमध्ये समाविष्ठ शिक्षकांचे वैयक्तिक प्रोफाईल पडताळणी व दुरूस्ती बदली प्रक्रिया सुरू होण्यापूर्वी अंतिम करण्यात येईल, बदली प्रक्रिया सुरू झाल्यानंतर शिक्षकांच्या वैयक्तिक प्रोफाईलमध्ये कोणतीही दुरूस्ती करण्यात येणार नाही, अशी तरतुद आहे. ही तरतुद शासनाच्या संदर्भ क्र.३ येथील दि.०७.११.२०२४ रोजीच्या पत्रान्वये जिल्हांतर्गत बदलीकरिता घोषित केलेल्या वेळापत्रकामधील सूचनांद्वारे सर्व मुख्य कार्यकारी अधिकारी, जिल्हा परिषद यांच्या निदर्शनास आणण्यात आलेली आहे.

तथापि, बदली पोर्टलवर बदलीपात्र शिक्षकांच्या याद्या प्रसिद्ध झाल्यानंतर देखील विविध न्यायालयीन प्रकरणांच्या अनुषंगाने जिल्हा परिषद, छ. संभाजीनगर, धुळे, जळगांव व अहिल्यानगर यांच्याकडून बदली अधिकारप्राप्त शिक्षकांच्या यादयांमध्ये दुरूस्ती करण्यासाठी शासनास विनंती करण्यात आली होती.

   

३. तसेच सद्यस्थितीत जिल्हा परिषद, नांदेड यांनी विशेष संवर्ग १ व २ मध्ये बदली पोर्टलवर दुबार अर्ज सादर करण्याकरिता टॅब उपलब्ध करून देण्याची विनंती केली आहे. याबाबत अनेक जिल्हा परिषदांकडून देखील दुरध्वनीद्वारे विचारणा करण्यात आली आहे. तसेच विविध लोकप्रतिनिधींमार्फत पत्रव्यवहार करण्यात येत आहे.

४. जिल्हांतर्गत बदली प्रक्रिया ही दि.१८.०६.२०२४ रोजीच्या शासन निर्णयातील तरतुदीनुसार संगणकीय प्रणालीद्वारे ऑनलाईन पद्धतीने या शासन निर्णयामध्ये नमूद विविध टप्प्यांनुसार राबविण्यात येते. त्यामुळे संगणकीय प्रणालीमध्ये एक टप्पा पूर्ण करून दुसऱ्या टप्प्यामध्ये जात असताना पुन्हा आधीच्या टप्यावरील कार्यवाहीमध्ये बदल करता येणे शक्य नाही. जिल्हांतर्गत बदली प्रक्रिया राबविण्याकरिता वेळापत्रकानुसार सुमारे पाच महिन्यांचा कालावधी आवश्यक आहे. त्यानुसार वेळापत्रक विहित करण्यात आले आहे. त्यामुळे बदली प्रक्रियेमध्ये प्रोफाईल अपडेट करणे, बदलीस होकार/नकार दर्शविणे, बदलीकरिता पसंतीक्रम भरणे ही कार्यवाही अचूकपणे करण्याची जबाबदारी संबंधित शिक्षकांची आहे. तसेच ही कार्यवाही याकरिता विहित केलेल्या वेळापत्रकानुसार पूर्ण करण्याची जबाबदारी सर्व जिल्हा परिषदांची आहे. वैयक्तिक अडचणींकरिता या वेळापत्रकामध्ये बदल करणे शक्य नाही. त्यामुळे बदली पोर्टलबाबत विविध तांत्रिक मुद्दयांबाबत येणाऱ्या अडचणींबाबत सातत्याने शासन स्तरावर पत्रव्यवहार न करता जिल्हा परिषदांनी आपल्या नोडल अधिकाऱ्यांमार्फत मे. विन्सीस आय.टी. सर्व्हिसेस प्रा.लि., पुणे यांच्याशी संपर्क करून विहित मुदतीत समन्वयाने तपासून सोडविणे आवश्यक आहे.

५. जिल्हांतर्गत बदली प्रक्रिया राबविताना उपरोक्त दिलेल्या सूचनांचे पालन करण्याची आपणांस विनंती आहे. असे पत्रात म्हटलेले आहे.

Read More

गेल्या 20 वर्षांपासून नदी पोहून शाळेत येत आहे त्यांनी 20 वर्षात कधीच एकही दिवस शाळा चुकवलेली नाही | school-teacher-news

 दररोज सकाळी एक माणूस पाण्यात उतरत असतो – त्याच्या हातात प्लास्टिकची एक पिशवी असते, ज्यात कपडे, जेवणाचा डबा आणि पुस्तकं असतात. तो कोणी मोठा जलतरणपटू नाही, पण त्याचं ध्येय मात्र जगावेगळं आहे. केरळच्या मल्लपूरम जिल्ह्यातल्या पदिंजट्टुमुरी गावात राहणारे अब्दुल मलिक नावाचे हे शिक्षक गेली तब्बल २० वर्षं एका नदीतून पोहत शाळेत जात आहेत.

अब्दुल मलिक हे प्राथमिक शाळेत गणिताचे शिक्षक आहेत. त्यांच्या घरापासून शाळेचं अंतर फारसं नाही, पण दररोज बसने जायचं झाल्यास तीन तास लागतात आणि तेही प्रवास खडतर आणि अस्वस्थ करणारा असतो. म्हणून त्यांनी एक वेगळा मार्ग निवडला – कडलुंडी नदी पार करत पोहून शाळेत जाण्याचा.

पाण्यात पोहताना ते एका टायर ट्यूबचा वापर करतात आणि त्यामुळंच त्यांना "ट्यूब मास्टर" म्हणून ओळख मिळाली. आजवर त्यांनी एकही दिवस शाळा चुकवलेली नाही. त्यांचं शिस्तबद्ध जीवन आणि शिक्षणासाठी असलेली निष्ठा विद्यार्थ्यांमध्ये एक आदर्श निर्माण करतं. इतकंच नाही, तर त्यांनी त्यांच्या विद्यार्थ्यांना पोहणं शिकवणंही सुरू केलं आहे.

अब्दुल मलिक हे केवळ शिक्षक नाहीत, तर पर्यावरणप्रेमी नागरिकही आहेत. नदीचं प्रदूषण वाढू नये म्हणून ते नियमितपणे विद्यार्थ्यांसह नदी स्वच्छ ठेवण्यासाठी उपक्रम राबवतात. पाण्यातील प्लास्टिक, कचरा ते स्वतः गोळा करून नदीचे संरक्षण करतात.

त्यांची ही संघर्षमय आणि प्रेरणादायी कथा संपूर्ण देशभर चर्चेचा विषय बनली आहे. ग्रामीण भागातील शिक्षकांनी कोणत्या अडचणींना तोंड द्यावं लागतं, याचं हे एक सजीव उदाहरण आहे. अब्दुल मलिक यांनी परिस्थितीवर मात करत समाजासमोर एक नवा आदर्श निर्माण केला आहे – जो शिक्षण, पर्यावरण आणि समर्पण या तिन्ही गोष्टींचं जिवंत प्रतीक आहे.

Read More

ॲजिओप्लाॕस्टी संदर्भात राज्यात विषमता |anjioplasty-teachersonline-transfer-mahardd|

ग्रामविकास विभागामार्फत जिल्हा परिषद शिक्षकांची ऑनलाइन बदली प्रक्रिया सुरू करण्यात आली आहे.

 शासन निर्णयानुसार, ही प्रक्रिया ३१ मे रोजीच पूर्ण होणे आवश्यक होते. मात्र, यंदा ही प्रक्रिया लांबली. आता १६ जूनपासून नवीन शैक्षणिक सत्र सुरू झाले असताना बदली प्रक्रियेला आता कुठे गती आली आहे. मागील महिन्यात जिल्हा परिषद शिक्षकांनी बदली पोर्टलवर आपले 'प्रोफाइल' अद्ययावत केले. 

आता त्यातील संवर्ग एक आणि संवर्ग दोनमधील शिक्षकांच्या कागदपत्रांची पडताळणी केली जात आहे.  संवर्ग एकमध्ये प्रामुख्याने दिव्यांग शिक्षक, गंभीर आजाराने ग्रस्त

असलेले शिक्षक, तसेच वयाची ५३ वर्षे उलटलेल्या शिक्षकांचा समावेश होतो.

ॲजिओप्लाॕस्टी संदर्भात राज्यात विषमता

नुकतेच सांगली जिल्हा परिषदेने संवर्ग १ अंतर्गत वंचित राहिलेल्या ॲजिओप्लाॕस्टी  झालेल्या शिक्षकांना विशेष प्रक्रिया राबवित बदली होण्यासाठी आदेश निर्गमीत केलेले असतांना मात्र मराठवाडयातील अनेक जिल्ह्यात ॲजिओप्लाॕस्टीला संवर्ग १ पासून वंचित ठेवण्यात आलेले आहे. याबाबतीत अनेकदा ग्रामविकास विभागाशी पाठपुरावा करूनही एक राज्य एक बदली धोरण असतांना ही झालेली विषमता गंभीर म्हणावी लागेल. व ॲजिओप्लाॕस्टी झालेल्या शिक्षकांकडून तीव्र निषेध याबाबतीत होत आहे.

आपल्या जिल्ह्यात ॲजिओप्लाॕस्टी ला संवर्ग १ लाभ दिला की नाही काॕमेंट करा...

Read More

प्रशिक्षणसाठी घाईघाईने जाणाऱ्या 30 शिक्षकांच्या वाहनाचा अपघात|educational-news-shaikashnikbatmi-teachersjob|

 टँकरची बसला धडक, 30 शिक्षक जखमी, गॅस गळतीनंतर आगीचा भडका; मुंबई - गोवा महामार्गावर चिपळूणमध्ये भीषण अपघात...

मुंबई-गोवा महामार्गावर चिपळूणहून रत्नागिरीकडे येणारी खासगी बस एलपीजी टँकरच्या जोरदार धडकेने 30 फूट खोल दरीत कोसळली. यात बसमधील 30 शिक्षक आणि चालक असे 31 जण जखमी झाले असून त्यातील सात जणांची प्रकृती गंभीर आहे.

रत्नागिरीजवळील निवळी-बावनदी घाटात रविवारी सकाळी हा भीषण अपघात घडला. अपघातग्रस्त टँकरमधून गॅसगळती झाल्याने आगीचा भडका उडाला. त्यात दोन घरे खाक झाली तर दोन वाहनेही जळाली. अपघातानंतर महामार्ग 9 तास ठप्प होता. वाहने पर्यायी मार्गाने वळवण्यात आली. दरम्यान, खबरदारी म्हणून पोलिसांनी लगतचा परिसर रिकामा केला.

शिक्षक प्रशिक्षणासाठी बसने रत्नागिरीत येत होते. सकाळी आठच्या सुमारास बावनदी येथील रस्त्यावर बसला मागून भरधाव येणाऱया टँकरने धडक दिली. त्यात बसचालकाचे नियंत्रण सुटल्याने बस 30 फूट खोल दरीत कोसळली, तर टँकर पलटी झाला. एलपीजी टँकर जयगड येथून मुंबईकडे चालला होता. बावनदीच्या अलीकडील उतारावर चालकाचे नियंत्रण सुटले आणि समोरून जाणाऱ्या खासगी बसला टँकर धडकला. खासगी बसमधून प्रवास करणारे 15 शिक्षक आणि 16 शिक्षिका असे एकूण 31 जण अपघातात जखमी झाले. त्यातील सात जणांना गंभीर दुखापत झाली आहे. जखमींवर जिल्हा शासकीय रुग्णालयात उपचार सुरू असून दोन जखमी महिला प्रवाशांना अतिदक्षता विभागात ठेवण्यात आले आहे.

पाली, संगमेश्वरमार्गे वळवली वाहतूक 

एलपीजी टँकर रस्त्यावर पलटी झाल्यानंतर गॅस गळती होऊन परिसरात आग लागली. त्यात काही झाडे व रिकामी घरे जळाली. गॅस गळतीचे वृत्त समजताच अग्निशमन दल आणि पोलीस घटनास्थळी दाखल झाले. जिल्हा पोलीस अधीक्षक नितीन बगाटे यांनी स्वतः हजर राहून संपूर्ण परिस्थितीवर नियंत्रण ठेवले. यादरम्यान सुरक्षेच्या कारणास्तव मुंबई-गोवा महामार्गावरील वाहतूक बंद ठेवली होती. येथील वाहतूक पाली आणि संगमेश्वरमार्गे वळवण्यात आली.

जखमींची नावे

अमोल कोतवाल, राजेश यादव, धर्मेंद्र देरुगडे, दिलीप डोंगरे, संकेत जागुष्टे, कमल महाडिक, विराज सावंत, निशिकांत वानरकर, मंदा खाडे, वृषाली यादव, श्वेता चव्हाण, स्मिता पाटील, जयश्री गावडे, मीना घाडगे, नेहा मेस्त्री, मनीषा कांबळे, प्रियांका जाधव, रुपाली भुवड, उषा खुडे, नीता बांद्रे, हर्षाली पाकळे, सुलक्षणा पाटील, मालिनी चव्हाण आणि मिता शिरकर अशी जखमींची नावे आहेत.

प्रशिक्षण मधील सक्ती   ; शिक्षक संघटनेचा आरोप

प्रशिक्षणाला वेळेपूर्वी हजर राहण्यासाठी घाईने येणाऱया शिक्षकांच्या गाडीला निवळी बावनदी येथे अपघात झाला. या अपघाताला शिक्षण विभाग जबाबदार आहे. प्रशिक्षणास हजर राहण्यास पाच मिनिटे उशीर झाला तरी शिक्षकांना प्रशिक्षणातून बाहेर काढले जाते. प्रशिक्षण तालुकास्तरावर घेण्यास प्रशासनाचा नकार होता. त्यामुळे प्रशिक्षणाला लवकर पोहोचण्यासाठी शिक्षकांना खासगी बसने प्रवास करणे भाग पडले, असा आरोप कोकण विभागीय शिक्षक लोकशाही आघाडी व रत्नागिरी जिल्हा अध्यापक संघाचे अध्यक्ष सागर पाटील यांनी केला.

रखडलेल्या महामार्गावर चाकरमान्यांची रखडपट्टी, माणगावात वाहनांच्या रांगा 

उन्हाळी सुट्टीनिमित्त कोकणात गेलेले चाकरमानी येत्या 16 जूनपासून मुलांच्या शाळा सुरू होणार असल्याने मुंबईत परतत आहेत. या परतीच्या प्रवासात मुंबई-गोवा महामार्गाच्या रखडलेल्या कामामुळे चाकरमान्यांची जागोजागी रखडपट्टी होत आहे. महाड ते वडखळदरम्यान महामार्गाचे बरेचसे काम अर्धवट स्थितीत पडले आहे. कोलाड येथील पुलाचे काम मागील काही वर्षांपासून रडतखडत सुरू आहे. त्यामुळे या परिसरात शनिवारपासून मोठय़ा प्रमाणावर वाहतूककोंडी होत आहे. रविवारीही वाहतूककोंडीचा मनस्ताप वाहनचालकांना सोसावा लागला.

महामार्गाच्या जागोजागी रखडलेल्या कामांमुळे चाकरमान्यांचा कोकण ते मुंबई प्रवासातील वेळ चार ते पाच तासांनी वाढला आहे. मुंबई-गोवा महामार्गाचे काम 13 वर्षांपूर्वी सुरू करण्यात आले होते. अजूनही ते पूर्ण झालेले नाही.

शिक्षक बदली संवर्ग १ व २ बाबत महत्त्वाचे....

Read More

संवर्ग 1 व 2 बदली साठी नोंदणी प्रक्रिया|online-transfer-howtofillform|

 संवर्ग 1 व 2 बदली साठी नोंदणी  प्रक्रिया

*संवर्ग भाग 1 आणि संवर्ग भाग 2 च्या शिक्षकांनी फॉर्म भरण्याकरिता खालील लिंक ला क्लिक करा*

👇🏼

https://ott.mahardd.com/

*Open होणाऱ्या पेजवर आपला मोबाईल नंबर टाईप करा व Send OTP ऑप्शन वर क्लिक करा*

*आपल्या मोबाईल नंबर वर OTP आला असेल तो टाकून लॉगिन करा*

*मोबाईलच्या स्क्रीनच्या डावीकडे वरच्या कोपऱ्यात आडव्या तीन रेषा दिसतात. त्या तीन रेषांवर क्लिक केल्यानंतर आपल्यासमोर 8 ऑप्शन दिसतील.*

*त्यापैकी आपण Intra District (जिल्हाअतंर्गत) या टॅब वर क्लिक केल्यानंतर त्याखालील Application (अर्ज) हा टॅब दिसेल त्या टॅबला क्लिक करा*

*Open होणाऱ्या पेजवर आपणास* 

*1) संवर्ग भाग 1 अर्ज करा* 

(Apply Cadre 1)

*2) संवर्ग भाग 2 अर्ज करा* 

(Apply Cadre 2)

*असे दोन टॅब दिसतील*

*ज्या शिक्षकांना संवर्ग 1 मध्ये आपली नोंदणी करायची आहे त्यांनी 👉🏼संवर्ग भाग 1 अर्ज करा त्यावर क्लिक करा*

*अवघड क्षेत्रातील रिक्त पदे भरण्यासाठी , अवघड क्षेत्र राऊंड चालवला जाईल . असे disclaimer दिसेल त्या disclaimer च्या बाजूच्या बॉक्समध्ये टिक करा*

*त्याखाली आपणास आपले नाव ;आडनाव आपला शालार्थ आयडी व आपल्या शाळेचा यु डायस क्रमांक दिसेल* 

*त्याखाली आपणास "बदलीतून सूट हवी आहे काय" हा टॅब दिसेल त्या टॅब वर क्लिक करा*

*क्लिक केल्यानंतर त्याखाली Yes व No हे दोन ऑप्शन दिसतील*

*जर आपणास बदलीतून सूट घ्यायची आहे म्हणजेच बदली करायची नाही अशा शिक्षकांनी Yes वर क्लिक करावे आणि ज्या शिक्षकांना बदली करायची असेल त्यांनी No वर क्लिक करावे*

*(या ठिकाणी लक्षपूर्वक Yes आणि No ऑप्शन निवडा येथे चुका होऊ शकतात)*

*त्यानंतर विशेष संवर्ग भाग 1 प्रकार निवडा या टॅब वर  क्लिक करा त्यानंतर आपणास, "self" व  "Spouse" असे दोन ऑप्शन दिसतील जर आपण स्वतः व्याधीग्रस्त असाल तर "self "आणि जर आपला जोडीदार आजाराने व्याधीग्रस्त असेल तर "Spouse" निवडा आपण drop down मध्ये जाऊन आपला संवर्ग 1 मधील जो उपप्रकार असेल त्यावर क्लिक करा (self मध्ये एकूण1 ते 14 उपप्रकार असतील Spouse मध्ये 15 ते 20 उपप्रकार असतील)* 

*(Yes ऑप्शन आपण निवडले तर आपले नाव पुढील कोणत्याही यादीमध्ये येणार नाही आणि No ऑप्शन निवडल्यास जर आपल्याला आपल्या प्राधान्यक्रमातून शाळा न मिळाल्यास आपली बदली पुढील संवर्गातून होऊ शकते)*

*आपण भरलेले दोन्ही ऑप्शन पुन्हा चेक करा व त्यानंतर खालील Submit  या बटन वर क्लिक करून आपली माहिती Submit करा* 

*Submit वर क्लिक केल्याबरोबर आपल्याला ओटीपी मागितल्या जाईल तो ओटीपी टाका व त्यानंतर आपला फॉर्म सबमिट केल्या जाईल*

*अशाप्रकारे संवर्ग 1 चे शिक्षक आपला फॉर्म नोंदणी मोबाईल वरून करू शकतात*

Read More

ग्राम विकास विभागाचे विन्सीसला आदेश | teachers-transfer-ottmahardd-online|

कोर्ट निकालानुसार सन २०२५ च्या जिल्हांतर्गत बदलीमध्ये संवर्ग-३ मधून बदली अर्ज करण्यासाठी संधी उपलब्ध करुन देणेबाबत.... ग्राम विकास विभागाचे विन्सीस ला आदेश

मे. विन्सीस आयटी सर्व्हिसेस प्रा.लि., पुणे.

               

विषय :- रिट याचिका (स्टॅम्प) क्र. १६२१२/२०२५ व १६२२४ मध्ये मा. न्यायालयाने दि.३०.५.२०२५ रोजी व रिट याचिका (स्टॅम्प) क्र. १६२३६/२०२५ व १६२३५/२०२५ मध्ये दि.२.६.२०२५ दिलेल्या निकालानुसार सन २०२५ च्या जिल्हांतर्गत बदलीमध्ये संवर्ग-३ मधून बदली अर्ज करण्यासाठी संधी उपलब्ध करुन देणेबाबत.

           

संदर्भ :- शिक्षणाधिकारी (प्राथ), जि. प.छत्रपती संभाजीनगर यांचे पत्र क्र. जिपछसं/शिक्षण/प्रावि-२/२०२५/११३६, दि.२.६.२०२५.

महोदय,

उपरोक्त विषयाबाबत शिक्षणाधिकारी (प्राथ), जि. प.छत्रपती संभाजीनगर यांनी संदर्भाधिन पत्रान्वये केलेल्या विनंतीच्या अनुषंगाने आपणांस कळविण्यात येते की, मा. उच्च न्यायालय, औरंगाबाद येथे दाखल रिट याचिका (स्टॅम्प) क्र.१६२१२/२०२५ व १६२२४ मध्ये मा. न्यायालयाने दि.३०.५.२०२५ व रिट याचिका (स्टॅम्प) क्र. १६२३६/२०२५ व १६२३५/२०२५ मध्ये दि.२.६.२०२५ रोजी दिलेल्या न्याय-निर्णयानुसार याचिकाकर्त्या शिक्षकांना सन २०२५ च्या जिल्हांतर्गत बदल्यामध्ये संवर्ग-३ मधुन बदली अर्ज करण्यासाठी संधी उपलब्ध करुन देण्यात यावी, अशी आपणांस विनंती आहे. तसेच मा. न्यायालयाचा अवमान होणार नाही, याची दक्षता घेण्यात यावी. असे आदेशात स्पष्ट करण्यात आले आहे.

आदेश पहा.....

         

Read More

वेतनश्रेणी व इतर अनुषंगिक शिफारसी स्वीकृत करण्याबाबत शासन आदेश दिनांक २/६/२०२५|shashnnirnay-gr-vetantruti|

 वेतन त्रुटी निवारण समिती-२०२४ च्या अहवालामधील वेतनश्रेण्यांविषयक व आनुषंगिक शिफारशी स्वीकृत करण्याबाबत.     

प्राथमिक पदवीधर शिक्षकावरील अन्याय दूर                                     वेतन त्रुटी निवारण समिती -  2024 च्या अहवालातील वेतनश्रेणी व इतर अनुषंगिक शिफारसी स्वीकृत करण्याबाबत शासन आदेश दिनांक - २/६/२०२५

सातव्या केंद्रीय वेतन आयोगाच्या शिफारशीनुसार केंद्रीय कर्मचाऱ्यांच्या वेतन सुधारणेच्या अनुषंगाने राज्य शासकीय कर्मचाऱ्यांना उपरोक्त दि. ३० जानेवारी, २०१९ च्या शासन अधिसूचनेन्वये दि. १ जानेवारी, २०१६ पासून सुधारित वेतनश्रेणी विहित करण्यात आली आहे.

सातव्या वेतन आयोगानुसार सुधारीत वेतनश्रेणी लागू केल्यानंतर वेतननिश्चिती व सुधारीत वेतनश्रेणीच्या अनुषंगाने काही त्रुटी निदर्शनास आल्या. तसेच सातव्या वेतन आयोगात प्राथमिक शिक्षकांच्या वरिष्ठ वेतनश्रेणीबाबत निर्माण झालेल्या त्रुटीच्या अनुषंगाने राज्यातील अनेक शिक्षकांनी मा. उच्च न्यायालयाच्या मुंबई, औरंगाबाद व नागपूर खंडपीठात रिट याचिका दाखल केलेल्या आहेत. त्यापैकी औरंगाबाद उच्च न्यायालयात दाखल केलेल्या याचिका क्र. १३०३१/२०२२. १३०३२/२०२२, ११५१८/२०२२. ११५१९/२०२२, १७३५/२०२३, १३०३३/२०२२, १०४९५/२०२२, १०४९६/२०२२, १०४९७/ २०२२, ५०४९८/२०२२ यांची एकत्रित सुनावणी झाली. मा. न्यायालयाच्या आदेशानुसार, सातव्या वेतन आयोगातील वेतन त्रुटींबाबत विविध न्यायालयातील दाखल रिट याचिकांच्या अनुषंगाने तपासणी करुन शिफारशी करण्याकरीता वित्त विभाग शासन निर्णय क्रमांक वेपुर -११२३/प्र.क्र.१७/सेवा-९, दि. १६ मार्च, २०२४ च्या शासन निर्णयानुसार श्री. मुकेश खुल्लर,  सेवानिवृत्त अप्पर मुख्य सचिव, महाराष्ट्र शासन यांच्या अध्यक्षतेखाली वेतनत्रुटी निवारण समिती, २०२४ स्थापन करण्यात आली होती. अपर मुख्य सचिव (सेवा), सामान्य प्रशासन विभाग व अपर मुख्य सचिव (व्यय), वित्त विभाग हे या समितीचे सदस्य होते. समितीने आपला अहवाल शासनास दि.३१ डिसेंबर, २०२४ रोजी सादर केला आहे. सदर अहवालातील शिफारशींवर निर्णय घेण्याचे शासनाच्या विचाराधीन होते. त्यानुषंगाने सदर अहवाल मा. मंत्रीमंडळापुढे सादर करण्यात आला होता. मा. मंत्रीमंडळाने दिलेल्या मान्यतेनुसार पुढील प्रमाणे आदेश निर्गमित करण्यात येत आहे.

शासन निर्णय :-             

शासनाने वेतनत्रुटी निवारण समिती, २०२४ ने सादर केलेल्या अहवालातील शिफारशीं संदर्भात निर्णय घेतले आहेत. समितीच्या शिफारशी व त्यावर शासनाने घेतलेले निर्णय याबाबतचा तपशिल सोबतच्या जोडपत्र १ ते ३ मध्ये नमूद करण्यात आला आहे.

तसेच जोडपत्र १ मध्ये नमूद केलेले सुधारित वेतन स्तर दि. १ जानेवारी, २०१६ पासून काल्पनिकरित्या मंजूर करण्यात यावेत आणि प्रत्यक्ष आर्थिक लाभ दि.१ जून, २०२५ पासून देण्यात यावेत, मात्र दि. १ जानेवारी, २०१६ पासून दिनांक ३१ मे, २०२५ पर्यंत कुठल्याही संवर्गाला वरील शिफारशींमुळे थकबाकी अनुज्ञेय ठरणार नाही. तसेच जोडपत्र १ मध्ये नमूद संवर्गातील जे कर्मचारी दि. १ जानेवारी, २०१६ ते दि.३१ मे, २०२५ या कालावधीत सेवानिवृत्त झाले असतील, त्या कर्मचाऱ्यांची दि.१ जानेवारी, २०१६ पासून सुधारित वेतनसंरचनेत काल्पनिक वेतननिश्चिती करण्यात यावी. दि.१ जानेवारी, २०१६ ते संबंधित कर्मचाऱ्यांच्या सेवानिवृत्तीच्या दिनांकापर्यंतच्या कालावधीत अनुज्ञेय वेतनवाढी विचारात घेऊन निवृत्तिवेतन सुधारित करण्यात यावे. सुधारित निवृत्तिवेतनाचे प्रत्यक्ष लाभ दि.१ जून, २०२५ पासून देण्यात यावेत, त्यापूर्वीची थकबाकी अनुज्ञेय करण्यात येऊ नये.

सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक २०२५०६०२१६३८३८४१०५ असा आहे.

शासन आदेश डाऊनलोड करा...

         

Read More

महाराष्ट्र शिक्षण सेवा ब मधील अधिकाऱ्यांची विनंती बदली २०२५|gr-shashan-nirnay-officer-transfer-education|

 महाराष्ट्र शिक्षण सेवा (प्रशासन शाखा) गट-ब मधील अधिकाऱ्यांची विनंती बदली २०२५

उपशिक्षणाधिकारी व तत्सम
शालेय शिक्षण व क्रीडा विभाग

महाराष्ट्र शासकीय कर्मचाऱ्यांच्या बदल्यांचे विनियमन आणि शासकीय कर्तव्ये पार पाडताना होणाऱ्या विलंबास प्रतिबंध अधिनियम, २००५ हे दिनांक ०१ जुलै, २००६ पासून अंमलात आले आहेत. सदर अधिनियमातील कलम ४ (४) (दोन) व कलम ४ (५) मधील तरतुदीनुसार बदली करण्यास सक्षम असलेल्या प्राधिकाऱ्याच्या लगतनंतरच्या वरिष्ठ प्राधिकाऱ्याच्या पूर्व मान्यतेने खालील तक्त्यात नमूद अधिकाऱ्याची विनंतीवरुन बदलीने त्यांच्या नावासमोर स्तंभ क्रमांक ३ मध्ये दर्शविलेल्या पदावर पदस्थापना करण्यात आलेली  आहे.

Read More

शिक्षक प्रोफाइल दुरुस्तीसाठी दिनांक 27 व 28 मे 2025 या दोन दिवसाचा कालावधी दिलेला आहे.

बदली अपडेट 2025

आज दिनांक 27 मे 2025 रोजी बदली पोर्टलवर शिक्षणाधिकारी लॉगिन मध्ये शिक्षकांची माहिती अपलोड करणे व असलेली माहिती दुरुस्त करणे यासाठी 28 मे 2025 पर्यंत मुदत दिलेली आहे.

त्याबरोबरच गटशिक्षणाधिकारी लॉगिन वरून शिक्षकांची प्रोफाइल माहिती एक्सेप्ट करण्यासाठी देखील दिनांक 28 मे 2025 पर्यंत मुदत देण्यात आली आहे.

बदली पोर्टलवर दिनांक 24 मे 2025 रोजी बदली पात्र,  बदली अधिकार प्राप्त व अवघड क्षेत्रासाठी पात्र शिक्षकांच्या प्रसिद्ध करण्यासाठी मुदत देण्यात आली होती.

परंतु मुदतीत याद्या प्रसिद्ध केल्यानंतर त्यामध्ये अनेक चुका लक्षात आल्यामुळे आता त्या चुका दुरुस्त करण्यासाठी शिक्षकांच्या प्रोफाईल मधील माहिती दुरुस्त करण्यासाठी वेळ वाढवून दिला आहे.

अवघड क्षेत्रातील ज्या शाळा 2022 ला सुगम करण्यात आल्या अशा शिक्षकांना बदली अधिकार पात्र मधून एक संधी देण्याकरिता त्यांची पुरवणी यादी सुद्धा ज्या कार्यालयाची  अपलोड झालेली ती करण्याकरिता  गट शिक्षणाधिकारी यांच्या लॉगिन वरून करण्याकरिता लॉगिन उपलब्ध करून देण्यात आलेले आहे.

शिक्षक प्रोफाइल दुरुस्तीसाठी दिनांक 27 व 28 मे 2025 या दोन दिवसाचा कालावधी दिलेला आहे.

अर्थात दिनांक 28 मे 2025 पर्यंत हे काम पूर्ण झाल्यानंतर सर्व जिल्ह्यांच्या रिक्त पदांच्या व इतर याद्या पोर्टलवर पब्लिश होऊ शकतात.

बदली पोर्टल लिंक.    

https://ott.mahardd.com

 संचमान्यता सन 2023-24 व सन 2024-25 नुसार सर्व जिल्हा परिषदांनी रिक्त पदांची माहिती अद्ययावत करुन तयार ठेवावी. बदली प्रक्रिया करिता कोणती संच मान्यता घ्यावी याबद्दल अधिकृत सुचना दिलेली  नाही अधिकृत सूचना आरडीडी कडून प्राप्त झाल्यानंतर पोर्टल सुरु होताच सदर माहिती एक दिवसामध्ये भरुन पूर्ण करावी.*

मे.विन्सीस कडून बदलीपात्र शिक्षकांच्या याद्या प्रसिध्द करण्यात येतील व बदलीची पुढील प्रक्रिया सुरु होईल.

Read More

जिल्हा अंतर्गत बदली- अवघड क्षेत्र निकष बाबत महत्त्वपूर्ण|teachers-online-transfer|

 जिल्हा अंतर्गत बदली- अवघड क्षेत्र निकष बाबत महत्त्वपूर्ण.....

थेट ग्रामविकास स्तरावरून,

जिल्हा परिषद मधील कार्यरत शिक्षक जिल्हा अंतर्गत बदली प्रक्रिया 2025 अंतर्गत अवघड क्षेत्रातील काही बदल या ठिकाणी प्रामुख्याने सर्व शिक्षक बांधवांच्या निदर्शनास आणून देण्यात येत आहेत. राज्यातील अनेक जिल्ह्यातून शिक्षकांनी याबाबत विचारणा केली होती. करिता याबाबत ग्राम विकास स्तरावरून मार्गदर्शन घेऊन सदर पोस्ट च्या माध्यमातून ही माहिती देण्यात येत आहे.

 *➡️अवघड क्षेत्रातील बदली प्रक्रियेबाबत महत्वपूर्ण..*

👉 अवघड क्षेत्रातून बदली प्राप्त शिक्षक हा त्या अवघड क्षेत्रात एकूण सेवा तीन वर्ष किंवा त्यापेक्षा अधिक झालेली असेल हा निकष महत्त्वपूर्ण मानला आहे. 

👉 अवघड क्षेत्रात एकाच शाळेवर सलग तीन वर्ष सेवा असणे गरजेचे नसून अवघड क्षेत्रातील एकूण सेवा ही तीन वर्ष किंवा त्यापेक्षा जास्त असेल तर तो संबंधित शिक्षक बदली अधिकार प्राप्त ठरतो. आणि अशा सर्व शिक्षकांची ( जे अवघड मधून अवघड मध्ये बदली केलेले असतील त्यांची सुद्धा) नावे ही बदली अधिकार प्राप्त यादीमध्ये अंतर्भूत असणार आहे.

👉 ज्या शाळा 2022 पूर्वी अवघड क्षेत्रात होत्या आणि पुन्हा 2022 नंतर अवघड क्षेत्रात आलेल्या आहेत अशा शाळेवरील शिक्षकांना बदली अधिकार प्राप्त यादीमध्ये दाखविले जाणार आहे. 

👉 बदली अधिकार प्राप्त शिक्षकांच्या यादीमध्ये संबंधित शिक्षकाची एकूण जिल्ह्यातील सेवा जेष्ठता हा निकष विचारात घेण्यात आलेला असून अवघड क्षेत्रातील वास्तव सेवा हा निकष या यादीमध्ये विचारात घेण्यात आलेला नाही हे उल्लेखनीय .

👉 अवघड क्षेत्रातील वास्तव सेवा विचारत न घेण्यात आल्याने एकूण सेवा ही त्या जिल्ह्यातील  शिक्षकांची ग्राह्य धरण्यात आल्याने अवघड क्षेत्रातील वास्तव सेवा धारक शिक्षक हा बदली अधिकार प्राप्त यादीमध्ये ज्युनियर ठरला आहे. 

*➡️संवर्ग १ व २ बाबत महत्वपूर्ण ..*

शासन निर्णय नुसार अवघड क्षेत्रामध्ये एकूण सेवा तीन वर्ष किंवा त्यापेक्षा जास्त असेल तर तो संबंधित शिक्षक बदली अधिकार प्राप्त ठरतो.हा निकष संवर्ग एक अथवा दोन मधील शिक्षकांना देखील क्रमप्राप्त असल्याने संवर्ग एक व दोन मधील शिक्षकांना  देखील विनंती बदली करिता अवघड क्षेत्रामध्ये एकूण सेवा ही तीन वर्ष किंवा त्यापेक्षा जास्त असणे आवश्यक आहे.

👉 अवघड क्षेत्रामधील बदली प्रक्रिया करिता बदली पात्र व रिक्त पदे दाखविण्यात येणार असल्याचे स्पष्ट झाले आहे.

करिता अवघड क्षेत्रातील सर्व शिक्षक बांधवांच्या माहितीस्तव...

Read More

शिक्षणाधिकारी बदलीपात्र व अधिकारपात्र शिक्षक यादी प्रसिद्ध करणार|online-teacher-transfer-ottmahard-educational|

शिक्षणाधिकारी बदलीपात्र व अधिकारपात्र शिक्षक यादी  आज प्रसिद्ध करणार....

शिक्षक बदली पोर्टलवर वेळापत्रक अपडेट: शिक्षकांच्या प्रतिक्षेचा अंत

महाराष्ट्रातील शाळांमधील शिक्षकांसाठी महत्त्वाची बातमी आली आहे. शिक्षक बदली प्रक्रियेच्या अधिकृत पोर्टलवर नवीन वेळापत्रक प्रकाशित करण्यात आले आहे. राज्यातील हजारो शिक्षक गेल्या काही आठवड्यांपासून या वेळापत्रकाची वाट पाहत होते. शिक्षण विभागाने अखेर दिनांक 24 मे 2025 रोजी हे वेळापत्रक अपलोड केले असून, बदलीबाबत यादी संदर्भात  स्पष्ट करण्यात आले आहेत.     

शिक्षक बदली ही प्रक्रिया प्रत्येक शैक्षणिक वर्षाच्या सुरुवात होण्पापुर्वी पार पडते, जेणेकरून नवीन शैक्षणिक वर्षात शिक्षकांना नव्या ठिकाणी रुजू होता येईल. यंदाही हेच उद्दिष्ट ठेवून शिक्षण विभागाने प्रक्रिया गतिमान करण्याचा निर्णय घेतला आहे. यामध्ये राज्यातील प्राथमिक, माध्यमिक  शिक्षकांचा समावेश होतो. 

महत्त्वाचे बदल आणि सूचना: 

या वर्षी ऑनलाईन प्रणाली अधिक पारदर्शक करण्यासाठी नवीन सुधारणा करण्यात आल्या आहेत. विशेष म्हणजे, प्रत्येक टप्प्यानंतर शिक्षकांना SMS व ईमेलद्वारे सूचना पाठवण्यात येणार आहे. याशिवाय, vinsys हेल्पलाइन क्रमांकही जाहीर करण्यात आले आहेत जेणेकरून कोणतीही अडचण आल्यास शिक्षकांना त्वरित मदत मिळू शकेल.

शिक्षक संघटनांनी या वेळापत्रकाचे स्वागत केले असून, वेळेवर प्रक्रिया पार पडल्यास विद्यार्थ्यांचे शैक्षणिक नुकसान टळेल, असे मत व्यक्त केले आहे. काही संघटनांनी मात्र ग्रामीण भागातील शिक्षकांसाठी ऑनलाईन अर्ज प्रक्रिया सुलभ करण्याची मागणी केली आहे.

शेवटी, शिक्षकांनी वेळापत्रकानुसार आपली कागदपत्रे, अर्ज व पर्याय वेळेत सादर करणे आवश्यक आहे. कोणतीही विलंब किंवा चुकीची माहिती प्रक्रिया थांबवू शकते. त्यामुळे प्रत्येक शिक्षकाने सजग राहून ही प्रक्रिया पूर्ण करावी.

राज्य सरकारने यंदा शिक्षक बदल्यांसाठी वेळापत्रक वेळेवर जाहीर करून प्रक्रियेतील पारदर्शकतेचा एक सकारात्मक पाऊल टाकला आहे, असे म्हणायला हरकत नाही.

बदली संदर्भात मंत्रालय अपडेट पहा....

Read More

बदली अपडेट २०२५ - जिल्हा परिषद शिक्षकांच्या जिल्हा अंतर्गत बदल्या ग्रामविकास विभाग आज व्हिडिओ कॉन्फरन्स अपडेट

 बदली अपडेट २०२५ - जिल्हा परिषद शिक्षकांच्या जिल्हा अंतर्गत बदल्या ग्रामविकास विभाग आज व्हिडिओ कॉन्फरन्स अपडेट

 आंतरजिल्हा व जिल्हा अंतर्गत बदली बाबत महत्वपूर्ण..!

शिक्षकांच्या जिल्हाअंतर्गत व आंतर जिल्हा परिषद बाबत महत्त्वपूर्ण VC आज दिनांक 23 मे रोजी ग्राम विकास विभागाचे प्रधान सचिव यांचे प्रमुख उपस्थितीमध्ये पार पडली. या बैठकीतील प्रमुख मुद्दे खालील प्रमाणे..

 आपसी आंतर जिल्हा बदली शिक्षकांच्या सेवा जेष्ठतेबाबत दिनांक बदल करण्यासाठी 17 मे ही अंतिम दिनांक देण्यात आलेली होती. त्यामुळे शिक्षकांच्या प्रोफाईल मध्ये बदल झाला असल्याने पुन्हा बदली पात्र शिक्षकांच्या याद्या प्रसिद्ध करावी करण्यात येतील.

 यानंतर समान करण्याच्या जागा निश्चित करून शिक्षक रिक्त पदांच्या जागा पोर्टल वर अपलोड होतील.

यानंतर संवर्ग एक व दोन ची यादी पोर्टलला अपलोड केल्या जाईल. प्रत्यक्ष समृद्ध एक करिता फॉर्म भरण्याची सुविधा उपलब्ध होईल. 

मात्र , यात....

महत्त्वपूर्ण मुद्दा

                     

दोन्ही बदली प्रक्रिया ही नवीन संच मान्यते नुसार म्हणजेच 2024-25 ने होणार असल्याने ज्या जिल्ह्यांची संच मान्यता पूर्ण झालेली असेल त्याच जिल्ह्यांमध्ये बदली प्रक्रिया राबवण्यात येईल. 

 याबाबत संबंधित जिल्हा परिषदेच्या माननीय मुख्य कार्यकारी अधिकारी यांनी आपल्या जिल्हा परिषदेची संच मान्यता पूर्ण झाल्याचे ग्रामविकास विभागाला लेखी कळविणे बंधनकारक असल्याचे VC मध्ये स्पष्ट निर्देश देण्यात आले.

  दोन्ही बदली प्रक्रिया ही नवीन संच मान्यते नुसार म्हणजेच 2024-25 ने होणार असल्याने ज्या जिल्ह्यांची संच मान्यता पूर्ण झालेली असेल त्याच जिल्ह्यांमध्ये बदली प्रक्रिया राबवण्यात येईल. 

 याबाबत संबंधित जिल्हा परिषदेच्या माननीय मुख्य कार्यकारी अधिकारी यांनी आपल्या जिल्हा परिषदेची संच मान्यता पूर्ण झाल्याचे ग्रामविकास विभागाला लेखी कळविणे बंधनकारक असल्याचे VC मध्ये स्पष्ट निर्देश देण्यात आले.

ज्या जिल्हा परिषदे कडून संच मान्यता पूर्ण झाल्याचे कळविण्यात येईल, त्याच जिल्हा परिषदेमध्ये बदली प्रक्रिया होणार आहे.

 मात्र नवीन संचमान्यतेनुसार ज्या जिल्ह्यात शिक्षकांची पद अतिरिक्त असतील त्यांचे समायोजन न्यायालयीन प्रक्रियेमुळे आताच होणार नाही.

 या जिल्हा परिषदांची संचमान्यता पूर्ण असेल अशा जिल्हा परिषदांचा समावेश बदली पोर्टलवर करण्यात येणार असल्याचे स्पष्ट झालेले आहे. 

या संदर्भात लवकरच ग्राम विकास विभाग स्तरावरून स्पष्ट आदेश सर्व जिल्हा परिषदांना निर्गमित होणार आहेत.

सर्व शिक्षक बांधवांच्या माहितीस्तव...

Read More

शिक्षकांच्या जिल्हांतर्गत बदलीचे ऑनलाईन पोर्टलवर प्रोफाइल 4 दिवसात अपडेट करावी लागणार|teacher-transfer-ottmahard-online|

सेवाज्येष्ठता अनुज्ञेय करुन त्यानुसार शिक्षकांच्या जिल्हांतर्गत बदलीचे ऑनलाईन पोर्टलवर त्यांच्या कार्यरत जिल्ह्यातील रुजू दिनांकामध्ये आवश्यक ती सुधारणा करण्याबाबत आदेशीत केले आहे.

  मा. उच्च न्यायालय, औरंगाबाद येथे दाखल रिट याचिका क्र.५२०६/२०२५, ५२०७/२०२५ व ५२०८/२०२५ बाबत

                       

संदर्भ :- १. मा. उच्च न्यायालय, औरंगाबाद यांचे दि.०९.०५.२०२५ रोजीचे आदेश.

२. शासन पत्र क्र. बैठक-१४२५/प्र.क्र.७२/आस्था-१४, दि.२८.०३.२०२५

उपरोक्त विषयाबाबत मा. उच्च न्यायालय, औरंगाबाद येथे दाखल याचिका क्र. ५२०६/२०२५ व अन्य संलग्न याचिकांमध्ये मा. उच्च न्यायालयाने दि.०९.०५.२०२५ रोजी दिलेल्या आदेशाची प्रत सोबत जोडली आहे. तसेच संदर्भ क्र. २ येथील शासन समक्रमांक दि.२८.३.२०२५ रोजीच्या पत्रान्वये निर्गमित इतिवृत्तातील अनुक्रमांक ३ येथे दिलेले निर्देश रद्द करण्यात येत आहेत.

२. उपरोक्त न्यायनिर्णयाद्वारे मा. उच्च न्यायालय, औरंगाबाद यांनी आपसी आंतरजिल्हा बदलीने आलेल्या शिक्षकांना महाराष्ट्र जिल्हा परिषद जिल्हा सेवा (सेवा प्रवेश) नियम, १९६७ मधील नियम ६ (८) (२) नुसार सेवाज्येष्ठता अनुज्ञेय करुन त्यानुसार शिक्षकांच्या जिल्हांतर्गत बदलीचे ऑनलाईन पोर्टलवर त्यांच्या कार्यरत जिल्ह्यातील रुजू दिनांकामध्ये आवश्यक ती सुधारणा करण्याबाबत आदेशीत केले आहे. त्यानुसार आवश्यक ती कार्यवाही तात्काळ करुन त्यानुसार बदली पोर्टलवर या शिक्षकांचे प्रोफाईल अपडेट करण्याची कार्यवाही चार दिवसांमध्ये पूर्ण करण्याची सर्व मुख्यधिकारी जि. प. यांना विनंती करण्यात आलेली आहे.

प्रत माहितीस्तवः-           

१) मे. विन्सीस आयटी सर्व्हिसेस प्रा.लि., पुणे.

२) शिक्षणाधिकारी (प्राथमिक), जिल्हा परिषद (सर्व).

मूळ आदेश पहा...

Read More

बदली प्रक्रिया 2024- 25 चे वेळापत्रक|ottmaha-teacher-transfer-timetable|

शिक्षक जिल्हा अंतर्गत बदली प्रक्रिये बदली प्रक्रिया 2024- 25 चे वेळापत्रक 

 बदली प्रक्रिया 2024- 25 चे वेळापत्रक 

शिक्षकांची जिल्हाअंतर्गत बदली प्रक्रिया 2024- 25 या वर्षातील वेळापत्रक पुढील प्रमाणे असेल..

*बदली संवर्ग -१ :-* 

28 एप्रिल 2025 ते 3 मे 2025 

कालावधी एकूण सात दिवस

*बदली संवर्ग २ :-*

4 मे 2025 ते 9 मे 2019 

एकूण कालावधी सहा दिवस 

*बदली संवर्ग ३:-*

10 मे 2025 ते 15 मे 2025 

एकूण कालावधी सहा दिवस 

*बदली संवर्ग 4 :-*

16 मे 2025 ते 21 मे 2025 

एकूण कालावधी सहा दिवस 

*विस्थापित शिक्षकांची बदली प्रक्रिया राऊंड :-*

22 मे 2025 ते 27 मे 2025 

एकूण कालावधी सहा दिवस 

*अवघड क्षेत्रातील जागा भरणे:-*

28 मे 2025 ते 31 मे 2015 

एकूण कालावधी चार दिवस 

उपरोक्त वेळापत्रकाप्रमाणे जिल्हांतर्गत बदली प्रक्रिया राबविण्यात येणार असल्याची माहिती ग्राम विकास विभाग स्तरावर देण्यात आलेली आहे. अनेक शिक्षकांनी जिल्हांतर्गत बदली प्रक्रियेच्या वेळापत्रक  करिता सर्व शिक्षक बांधवांच्या माहितीस्तव जिल्हा अंतर्गत बदली प्रक्रियेचे वेळापत्रक देण्यात येत आहे.

Read More

शासकीय व स्थानिक स्वराज्य संस्थांच्या शाळा स्तरावरील विविध समित्यांचे एकत्रिकरण करणेबाबत...|शासन-निर्णय-gr-zpschool-educational-news|

 शासन निर्णयाव्दारे स्थापन केलेल्या समीत्यांचे विलीनीकरण खालील प्रमाणे करण्यात येत आहे.

शाळा व्यवस्थापन समिती

समाविष्ट/विलीन करावयाच्या समिती

१. माता पालक संघ

२. शालेय पोषण आहार योजना समिती

३. पालक शिक्षक संघ

४. नवभारत साक्षरता समिती

५. तंबाखू सनियंत्रण समिती

६. SQAAF स्वयं मूल्यांकन समिती

विद्यार्थी सुरक्षा व भौतिक सुविधा विकसन समिती

१. विद्यार्थी सुरक्षा समिती

२. तक्रार पेटी समिती

३. शाळा बांधकाम समिती

४. परिवहन समिती

५. शाळा व्यवस्थापन व विकास समिती

६. शाळाबाह्य विद्यार्थ्यांसाठी गावस्तर समिती

यापुढे शाळास्तरावर आवश्यक समित्या पुढीलप्रमाणे-

1) शाळा व्यवस्थापन समिती

2) सखी सावित्री समिती

3) महिला तक्रार निवारण समिती / अंतर्गत तक्रार समिती

4)  विद्यार्थी सुरक्षा व भौतिक सुविधा विकसन समिती

शाळा व्यवस्थापन समितीची कार्ये 

१. शाळेच्या कामकाजाचे सनियंत्रण करणे.

२. आर्थिक वर्ष संपण्यापूर्वी किमान तीन महिने अगोदर शालेय विकास आराखडा तयार करून त्याची शिफारस करणे.

३. त्या शाळेस शासनाकडून / स्थानिक प्राधिकरणाकडून किंवा अन्य कोणत्याही मार्गाने शाळेस प्राप्त होणा-या निधीच्या विनियोगावर देखरेख ठेवणे.

४. बालकांचे हक्क सर्वांना समजावून सांगणे व यासंदर्भातील पालक, शाळा, स्थानिक प्राधिकरण राज्य शासन यांच्या जबाबदा-यांबाबत माहिती देणे.

५. शिक्षकांच्या कर्तव्यांचा पाठपुरावा करणे व त्यांच्या समस्यांचे निराकरण करणे

६. बालकांची १०० टक्के उपस्थिती सातत्याने राहील यासाठी दक्षता घेणे.

७. शाळेतील विद्यार्थी शाळाबाह्य होऊ नयेत या करीता संबंधित पालकांशी चर्चा करून विद्यार्थी शिक्षणापासून वंचित राहू नये याकरिता प्रयत्न करणे. शाळाबाह्य विद्यार्थ्यांच्या पालकांशी चर्चा करून या विद्यार्थ्यांना पुन्हा नियमित शाळेत येण्याकरीता प्रयत्न करणे.

८. दिव्यांग बालकांना शिक्षणाच्या मुख्य प्रवाहात टिकवून ठेवण्यासाठी प्रयत्न करणे.

९. शाळेतील विदयार्थ्यांच्या शैक्षणिक प्रगतीचा आढावा घेणे. त्यांच्या अध्ययन सुविधांचे सनियंत्रण करणे व शैक्षणिक गुणवत्ता वाढविण्यासाठी प्रयत्न करणे

१०. शाळेतील प्रधानमंत्री पोषणशक्ती निर्माण योजनेचे सनियंत्रण करणे

११. शाळेचे वार्षिक उत्पन्न व खर्चलेखे तयार करणे

१२. शाळा विकास आराखड्यानुसार पायाभूत भौतिक सुविधा उपलब्ध करून देण्यासाठी प्रयत्न करणे.

१३. मुख्याध्यापकांच्या दीर्घ मुदतीच्या रजेची शिफारस करणे.

१४. निरूपयोगी साहित्य रू ५०००/- (रू. पाच हजार मात्र) किंमतीपर्यंतच्या साहित्याचा लिलाव करणे.

१५. शाळा इमारत इतर शालेय बांधकाम तसेच किरकोळ व विशेष दुरूस्त्यांवर देखरेख करणे.

१६. शिक्षकांची अनियमितता, गैरवर्तन, वारंवार अनुपस्थिती याबाबत संबंधित शिक्षकांना समक्ष चर्चा करून किंवा लेखी स्वरूपात सूचना देणे व त्यांचे वर्तनात सुधारणा न झाल्यास त्याबाबतचा अहवाल संबंधित नियंत्रण यंत्रणेस पाठविणे.

१७. विविध स्पर्धा परीक्षांमध्ये विद्यार्थी सहभागी व्हावेत यासाठी प्रयत्न करणे.

१८. वर्षातून दोन वेळा माता पालक व पिता पालक यांचा मेळावा आयोजित करणे.

१९. नवभारत साक्षरता कार्यक्रम योजनेचे शाळा स्तरावरील अंमलबजावणी कार्यावर सनियंत्रण करणे.

२०. शालेय परिसर हा तंबाखू मुक्त होण्यासाठी कार्यक्रम अंमलबजावणीवर देखरेख आणि सनियंत्रण करणे. 

२. सखी सावित्री समिती

शालेय शिक्षण व क्रीडा विभाग शासन परिपत्रक क्रमांक संकीर्ण २०२२/प्र.क्र.३९/एसडी-४ दिनांक १०.०३.२०२२ अन्वये सखी सावित्री समितीची रचना व कार्ये राहतील.

३. महिला तक्रार निवारण समिती/अंतर्गत तक्रार समिती-

   

महिला व बाल विकास विभाग शासन निर्णय क्रमांक मकचौ २००६/ प्र.क्र.१५/मकक, दिनांक १९.०९.२००६ व महिला व बाल विकास विभाग शासन निर्णय क्रमांक मकचौ २०१३/प्र.क्र.६३/मकक, दिनांक १९.०६.२०१४ व महिला व बाल विकास विभाग शासन निर्णय क्रमांक मकचौ २०१४/प्र.क्र.६३/मकक, दिनांक ११.०९.२०१४ अन्वये सदर समितीची रचना व कार्ये राहतील.

४. विद्यार्थी सुरक्षा व भौतिक सुविधा विकसन समिती -

इयत्ता १ ते १२ चे वर्ग / यापैकी वर्ग असलेल्या शाळांसाठी विद्यार्थी सुरक्षा व भौतिक सुविधा विकसन समितीची स्थापना करणे बंधनकारक आहे. सदर समिती १२ ते १६ सदस्यांची राहील.

शासन निर्णय पहा...

Read More

शिक्षकांची अशैक्षणिक कामं कमी

 अशैक्षणिक काम कमी करण्याचा निर्णय : "राज्यातील शिक्षकांची किमान ५० टक्के अशैक्षणिक कामं कमी करण्याचा निर्णय येत्या १५ दिवसातच घेण्यात येईल.

 जि.प. शाळांमधील विद्यार्थ्यांची पटसंख्या कमी होत आहे. यामुळे विद्यार्थ्यांची पटसंख्या टिकविण्याचे आव्हान आहे. यासाठी शाळांमधील गुणवत्ता सुधारण्यासाठी विविध उपक्रम राबविण्यात येणार आहे. बहुसंख्य जिल्हा परिषद शिक्षक नवीन उपक्रम राबवून गुणवत्ता वाढवीत आहेत, ते राज्यभरातील शाळांमध्ये अंमलबजावणी करु व राज्यात अशा शिक्षकांची 'आयडॉल बँक' तयार करण्याचा मानस समोर ठेवला आहे. सुट्ट्यांमध्ये जिल्हा परिषद शिक्षकांनी पालकांशी संवाद साधून नवीन उपक्रमांबाबत पालकांना माहिती द्यावी, जेणेकरून पटसंख्या वाढीत मदत होईल व जिल्हा परिषद शाळांची गुणवत्ता व पटसंख्या टिकून राहील, यासाठी सर्व शिक्षकांनी प्रयत्नशील राहावे," असं आवाहन राज्याचे शालेय शिक्षणमंत्री दादा भुसे यांनी केलं.

; font-family: "Noto Sans"; font-size: 18px; font-weight: bolder;">गुणवत्ता वाढीसाठी प्रयत्न करावे : शिक्षणाची गुणवत्ता सुधारण्यासाठी विविध नाविन्यपूर्ण निर्णय आगामी काळामध्ये घेण्यात येणार आहेत. त्यात विद्यार्थ्यांचे गणवेशाचे पैसे मे महिन्यातच वितरीत करण्यात येणार आहेत. तसेच ज्या शाळांना इमारती नाहीत, वर्ग खोल्या नाहीत अशा ठिकाणी इमारती, वर्गखोल्या उभारणीसाठी शासन प्रयत्नशील असून, यासाठी विविध सेवाभावी संस्थांचीदेखील मदत घेण्यात येणार असल्याचं दादा भुसे म्हणाले. वास्तवात सध्या जिल्हा परिषद, नगरपालिका त्याचप्रमाणे महानगरपालिकेच्या शाळांमधील विद्यार्थ्यांची संख्या कमी होत आहे. यामुळे पटसंख्या टिकविण्याचे आव्हान समोर आहे. अशा परिस्थितीत सर्व शिक्षकांनी पटसंख्या वाढविण्यासोबतच गुणवत्ता वाढीसाठी प्रयत्न करण्याचे निर्देश दादा भुसे यांनी दिलेत.

22222

Read More

संवर्ग एक व दोन मधून प्रथमत: बदली करताना सेवेची अट नसल्याबाबतचे आजचे परिपत्रक|teacher-transfer-ottmaha-शिक्षक-बदली|

संवर्ग एक व दोन मधून प्रथमत: बदली करताना सेवेची अट नसल्याबाबतचे परिपत्रक....

या विभागाच्या दि.१८.६.२०२४ रोजीच्या शासन निर्णयातील तरतुदीनुसार विशेष संवर्ग शिक्षक-भाग १ व विशेष संवर्ग शिक्षक भाग-२ अंतर्गत बदलीसाठी विनंती अर्ज सादर करण्याकरीता या विभागाचे दि.२३.११.२०२२ रोजीचे पत्र रद्द करुन, शासनाच्या दि.२१.२.२०१९ रोजीच्या परिपत्रकामधील तरतुदी कायम असल्याबाबत संदर्भ क्र.३ येथील दि.२.४.२०२५ रोजीच्या शासन पत्रान्वये आपणांस कळविण्यात आले आहे.

               

२. उपरोक्त दि.२.४.२०२५ रोजीच्या पत्रान्वये सूचित केल्यानुसार शासनाच्या दि.२१.२.२०१९ रोजीच्या परिपत्रकामधील तरतुदीनुसार विशेष संवर्ग शिक्षक-भाग १ व विशेष संवर्ग शिक्षक भाग-२ अंतर्गत बदलीसाठी प्रथमतः विनंती अर्ज सादर करण्याकरीता विद्यमान शाळेतील ३ वर्षे सेवेची अट लागू राहणार नाही.

उपरोक्त सूचनेच्या अनुषंगाने विशेष संवर्ग भाग-१ व विशेष संवर्ग भाग-२ मधील शिक्षकांना ऑनलाईन पोर्टलवर अर्ज करण्याकरीता तात्काळ सुविधा उपलब्ध करुन देण्यात यावी.

मूळ आदेश पहा...

Read More

How to make Ghibli art |create-ghibliart-chatgpt|

 घिबली (Ghibli) हा जपानी ऍनिमेशन स्टुडिओ आहे, 

ज्याची स्थापना 1985 साली प्रसिद्ध ऍनिमेटर हायाओ मियाझाकी यांनी केली. स्टुडिओ घिबलीने "स्पिरिटेड अवे," "माय नेबर तोतोरो," "प्रिंसेस मोनोनोके" आणि "हाऊल्स मूव्हिंग कॅसल" यांसारखे अनेक उत्कृष्ट ऍनिमेटेड चित्रपट तयार केले आहेत, ज्यांना जागतिक स्तरावर मान्यता मिळाली आहे.

सध्याच्या काळात, घिबली स्टुडिओच्या विशिष्ट अॅनिमेशन शैलीची लोकप्रियता वाढली आहे. कृत्रिम बुद्धिमत्ता (AI) वापरून घिबलीसारखी चित्रे तयार करणे हा एक नवीन ट्रेंड बनला आहे. उदाहरणार्थ, OpenAI च्या chatGP आणि इलॉन मस्क यांच्या Grok सारख्या AI साधनांचा वापर करून, वापरकर्ते घिबली शैलीतील चित्रे आणि मीम्स तयार करत आहेत. 

हे साधने वापरून, आपण आपल्या फोटोंना घिबलीच्या सौंदर्यशास्त्रानुसार रूपांतरित करू शकता. 

घिबली शैलीतील प्रतिमा तयार करण्यासाठी, AI साधनांमध्ये आपल्या फोटोंना अपलोड करून किंवा विशिष्ट सूचनांद्वारे आपण ही कला साध्य करू शकता. हे साधने वापरून, आपण आपल्या फोटोंना घिबलीच्या सौंदर्यशास्त्रानुसार रूपांतरित करू शकता.

घिबली स्टुडिओची कला आणि शैली जगभरातील ऍनिमेशन प्रेमींसाठी प्रेरणादायी ठरली आहे. त्यांच्या अॅनिमेशनमधील सौंदर्य, तपशीलवार पार्श्वभूमी, आणि हळुवार कथा सांगण्याची पद्धत ही घिबलीची खासियत आहे.

How to make ghibli art 

घिबली फोटो कसे तयार करायचे...

 

घिबली शैलीतील फोटो तयार करण्यासाठी विविध AI साधने उपलब्ध आहेत. खालील पर्यायांचा विचार करू शकता:

1. ChatGPT आणि DALL·E:

ChatGPT Plus, Pro, किंवा Team सदस्यत्व असल्यास, DALL·E च्या मदतीने घिबली शैलीतील प्रतिमा तयार करू शकता.

प्रक्रिया:

ChatGPT उघडा.

फोटो अपलोड करा ज्याला घिबली शैलीत रूपांतरित करायचे आहे.

प्रॉम्प्ट द्या: "हा फोटो स्टुडिओ घिबली-शैलीतील अॅनिमेशनमध्ये रूपांतरित करा."

तयार झालेली प्रतिमा डाउनलोड करा. 

2. OpenArt.ai:

हे साधन AI च्या मदतीने विविध कला शैलींमध्ये, विशेषतः स्टुडिओ घिबलीच्या शैलीत, चित्रे तयार करण्यास उपयुक्त आहे.

Read More

शाळा १५ जूनलाच सुरू |zpschool-educational-news-schooladmission-rte-admission|

 

शाळा १५ जूनलाच सुरू होणार ! 

५ ते २५ एप्रिलपर्यंत परीक्षा अन्‌ उन्हाळा सुट्ट्यांमुळे १ एप्रिलपासून शैक्षणिक वर्ष अशक्य; ‘CBSE’च्या शाळा मात्र १ एप्रिलपासून       

१ एप्रिलपासून शैक्षणिक वर्ष सुरू करण्यासंदर्भात शासन स्तरावरून अद्याप निर्णय झालेला नसून तसा आदेशही प्राप्त नाही. अंतिम सत्र परीक्षा संपल्यावर शाळांना १४ जूनपर्यंत उन्हाळा सुट्या असतील आणि त्यानंतर १५ जूनपासूनच शाळा सुरू होतील.

राज्य शैक्षणिक संशोधन व प्रशिक्षण परिषदेने दिलेल्या वेळापत्रकानुसार राज्य मंडळाच्या सर्वच शाळांमधील इयत्ता पहिली ते नववीच्या विद्यार्थ्यांची अंतिम सत्र परीक्षा ८ ते २५ एप्रिलपर्यंत चालणार आहेत. त्यांचा निकाल १ मे रोजी जाहीर होईल आणि पहिलीच्या विद्यार्थ्यांचे प्रवेश २ मेपासून सुरू होतील. चालू शैक्षणिक वर्षातील नियोजित उन्हाळा सुट्या देखील द्याव्या लागणार आहेत. त्यामुळे २०२५-२६ चे शैक्षणिक वर्ष १५ जूनपासूनच सुरू होईल, 

नवीन राष्ट्रीय शैक्षणिक धोरणानुसार राज्य मंडळाचे शैक्षणिक वर्ष देखील १ एप्रिलपासून सुरू होणार आहे, पण त्यासाठी आणखी एक वर्ष वाट पहावी लागणार आहे. तत्पूर्वी, २०२५-२६ या शैक्षणिक वर्षात पहिली व दुसरीपर्यंतचा अभ्यासक्रम बदलणार आहे. शाळा १ एप्रिलपासून सुरू करण्यासाठी अगोदर विद्यार्थ्यांच्या उन्हाळा, दिवाळी सुट्या निश्चित कराव्या लागतील.

शैक्षणिक वर्षातील किमान २२० दिवस अध्यापन होणे आवश्यक आहे. त्याअनुषंगाने सार्वजनिक सुट्या आणि परीक्षांचे नियोजन करावे लागणार आहे. त्यासंबंधीची कार्यवाही अजून पूर्ण झालेली नाही. त्यातच राज्य शैक्षणिक संशोधन व प्रशिक्षण परिषदेने परीक्षेच्या संदर्भात स्वतंत्र आदेश काढले आहेत. त्यामुळे आगामी शैक्षणिक वर्ष १ एप्रिलपासून शक्य नसून पालक व विद्यार्थ्यांनी मनातील संभ्रम काढून टाकावा, असे आवाहन शिक्षणाधिकाऱ्यांनी केले आहे.

शैक्षणिक वर्ष १५ जूनपासूनच

१ एप्रिलपासून शैक्षणिक वर्ष सुरू करण्यासंदर्भात शासन स्तरावरून अद्याप निर्णय झालेला नसून तसा आदेशही प्राप्त नाही. अंतिम सत्र परीक्षा संपल्यावर शाळांना १४ जूनपर्यंत उन्हाळा सुट्या असतील आणि त्यानंतर १५ जूनपासूनच शाळा सुरू होतील. गुढीपाडव्यानंतर शिक्षक प्रवेशासाठी पालकांच्या गाठीभेटी सुरू करतात. १ मे रोजी निकाल जाहीर झाल्यावर पहिलीच्या वर्गाचे प्रवेश सुरू होतात.

     Nps /Gps पेन्शन स्कीम संदर्भात पहा...          

‘सीबीएसई’च्या शाळा १ एप्रिलपासून भरणार

केंद्रीय माध्यमिक शिक्षण मंडळाच्या (सीबीएसई) शाळा दरवर्षीप्रमाणे यंदाही १ एप्रिलपासून सुरू होणार आहेत. पण, राज्य मंडळाच्या शाळा १ एप्रिलपासून सुरू करण्यासंदर्भातील राज्य शासनाचा निर्णय अजून झालेला नाही. 

Read More