CBSE 10वी 12वी निकालाची तारीख कधीही जाहीर होऊ शकते.
कधी लागणार निकाल?
परीक्षेचा निकाल जाहीर झाल्यानंतर, तो cbse.gov.in आणि cbseresults.nic.in या अधिकृत वेबसाइटवर उपलब्ध करून दिला जाईल.
येथे उत्तीर्ण होण्यासाठी विद्यार्थ्यांना प्रत्येक विषयात आणि एकूण 30 टक्के गुण आवश्यक आहेत. मात्र, एक-दोन विषयांत कमी गुण मिळाल्यास निराश होऊ नका, अशा विद्यार्थ्यांसाठी मंडळातर्फे कंपार्टमेंट पेपरचे आयोजन केले जाते. सीबीएसईच्या दहावीच्या परीक्षेत 21 लाखांहून अधिक विद्यार्थी बसले होते. CBSE लवकरच इयत्ता 10वी आणि 12वीच्या टर्म 2 परीक्षांचे निकाल जाहीर करणार आहे. दोन्ही वर्गांचे निकाल जुलैच्या अखेरीस जाहीर होतील अशी अपेक्षा आहे.
एसएमएसद्वारे निकाल पाहता येईल विद्यार्थी त्यांचे CBSE निकाल 2022 10वी आणि 12वीचे निकाल एसएमएसद्वारे देखील मिळवू शकतात. यासाठी तुमचा इयत्ता 10वी किंवा 12वीचा रोल नंबर टाका आणि हा एसएमएस 7738299899 वर पाठवा.
कोणत्या माध्यमातून तुम्ही निकाल तपासू शकता
CBSE निकाल 2022 जाहीर झाल्यानंतर अधिकृत वेबसाइट- cbse.gov.in आणि cbseresults.nic.in व्यतिरिक्त, विद्यार्थी UMANG अॅप, डिजीलॉकर आणि एसएमएसद्वारे देखील तपासू शकतात.
असा पहाल निकाल
-विद्यार्थी बोर्डाच्या अधिकृत साइट cbse.gov.in, cbresults.nic.in ला भेट देऊ शकतात. -यानंतर CBSE 10वी/12वीच्या निकालाच्या लिंकवर क्लिक करा. -आता तुमचा नोंदणी क्रमांक/रोल क्रमांक टाका. -यानंतर 10वी आणि 12वी 2022 चा निकाल स्क्रीनवर दिसेल. -विद्यार्थ्यांना यानंतर त्यांचे स्कोअरकार्ड डाउनलोड करायचे आहेत. -शेवटी निकालाची प्रिंट काढा.
आज डिजिटल तंत्रज्ञान इतके विकसित झालेले असून यामुळे अनेक क्षेत्रात आमूलाग्र बदल होत आहेत.
वाहन दंड संहिता या क्षेत्रात अग्रेसर असून आज पावती न फाडता त्या दंडाचे ई चालान पोलीस यंत्रणेकडून वाहन चालकास आकारल्या जात असून आता कित्येकदा आपणांस याविषयी कल्पना ही राहत नाही.
जेव्हा याबाबतीत नोटीस प्राप्त होते तेव्हा नक्कीच या कायदेशीर बाबींचा मनस्ताप अनेकांना होतो.
आपल्या वाहनांवर ई चालान आहे का? कसे पहायचे
याबाबतीत एक वेबसाईट असून आपण यावर आपल्या वाहनांवर ई चालान आहे का ? ते पाहू शकणार आहे. याच बरोबर अनेक RTO वाहन माहितीचे ॲण्ड्राईड अॕप ही आहेत त्यावरून सुद्धा आपण ई चालान पाहू शकता.
मुलांच्या शिक्षणाशी संबंधित गोष्टी आता महाग होणार आहेत. जीएसटी कौन्सिलने प्रिंटिंग-ड्रॉइंग शाई, पेन्सिल शार्पनर, ड्रॉइंग आणि मार्किंग उत्पादने, पेपर-कटिंग नाइफ यावरील जीएसटी दर वाढवण्याचा निर्णय घेतला आहे. या वस्तूंवर 18 टक्के जीएसटी भरावा लागणार आहे,. त्याशिवाय एटलससह नकाशा आणि चार्टवर 12 टक्के जीएसटी लागू होणार आहे.
या वस्तुही महागणार....
पाकिट बंद आणि लेबल असलेल्या खाद्य पदार्थावर जीएसटी लागू करण्यात आला आहे.
यामध्ये मासे, टेट्रा पॅकमधील दही, पनीर, लस्सी, मध, सोयाबीन, मटार आदी पदार्थांसह मुरमुरेंवर आता पाच टक्के जीएसटी लागू होणार आहे. आतापर्यंत हे पदार्थ जीएसटीबाहेर होते.
बॕकेकडून जारी करण्यात येणाऱ्या धनादेश सेवांवर 18 टक्के आणि एटलससह नकाशा आणि चार्टवर 12 टक्के जीएसटी लागू करण्यात येणार आहे. एक हजार रुपयांपेक्षा प्रति दिवस भाडे असणाऱ्या हॉटेल रुम्सवर 12 टक्के जीएसटी लागू होणार आहे. एलईडी लाइट्स आणि लॅम्पच्या किंमतीदेखील वाढवण्याची शक्यता आहे. सरकारने या वस्तूंवरील जीएसटी 12 टक्क्यांहून 18 टक्क्यांवर केली आहे.
सायकल पंप, टर्बाइन पंप आणि सबमर्सिबल पंपांवर आता 18 टक्के टॅक्स आकारला जाणार आहे. तसेच बियाणे साफ करण्यासाठी आणि वर्गीकरण करण्यासाठी वापरल्या जाणार्या मशीनवर 18 टक्के कर आकारण्यात येणार आहे. सोलर वॉटर हिटर्सवरही 12 टक्के GST आकारण्यात येणार आहे. याआधी पाच टक्के जीएसटी आकारण्यात येत होता.
आरोग्यसेवा महागणार
रुग्णालयात रुग्णांसाठींच्या 5000 रुपयांहून अधिक शुल्क असलेल्या खोल्यांसाठी 5 टक्के जीएसटी लागू करण्यात येणार आहे. त्याशिवाय, जैव-वैद्यकीय कचऱ्यावर प्रक्रिया करण्यासाठी किंवा त्याची विल्हेवाट लावण्यासाठी करण्यात येणाऱ्या प्रक्रियेच्या सुविधेवर 12 टक्के जीएसटी लागू करण्यात येणार आहे. इंडियन मेडिकल असोसिएशनने या जीएसटी विरोधात केंद्र सरकारला पत्र लिहीले आहे. हा जीएसटी तातडीने मागे घेण्याची मागणी करण्यात आली आहे.
जिल्हा परिषद शिक्षकांच्या जिल्हांतर्गत / आंतरजिल्हा बदल्यांसाठी संदर्भीय दि.०७.०४.२०२१ च्या दोन स्वतंत्र शासन निर्णयान्वये सुधारित धोरण विहित करण्यात आले आहे.
सदर धोरणातील तरतूदीनुसार आवश्यक ती कार्यवाही करण्याबाबत बदलीस पात्र असलेल्या/ विशेष संवर्ग भाग-१ मधील / विशेष संवर्ग भाग-२ मधील शिक्षकांची यादी. निव्वळ रिक्त पदांची यादी, संभाव्य रिक्त पदांची यादी, जिल्ह्यातील अवघड क्षेत्र घोषित करणे. इत्यादी) वेळोवेळी आपणास शासन स्तरावरुन निर्देश देण्यात आलेले आहेत.
तथापि, काही जिल्हा परिषदांकडून प्राप्त झालेल्या शिक्षकांच्या यादीमध्ये शिक्षकांचे आडनाव नमूद नसल्याची बाब Vinsys IT Services (I) Pvt. Ltd यांनी शासनाच्या निदर्शनास आणून दिली आहे. (प्रत सोबत)
२. जिल्हा परिषदेतील प्राथमिक शिक्षकांच्या बदलीबाबत धोरणातील तरतूदीनुसार एखाद्या संवर्गात एकापेक्षा जास्त शिक्षकांनी बदलीसाठी अर्ज केल्यास व त्यांची सेवाजेष्ठता, तसेच जन्मदिनांकही एकच असल्यास इंग्रजी आद्याक्षराप्रमाणे आडनांव प्रथम येईल, अशा शिक्षकांची प्राधान्याने बदली करण्यात येणार आहे.
त्यामुळे ऑनलाईन शिक्षक बदली प्रक्रीयेसाठी शिक्षकांचे आडनांव नमूद असणे आवश्यक आहे. सबब, सदर प्रणालीमध्ये आडनांव नमूद न केलेल्या सर्व शिक्षकांना त्यांची आडनांवे (आधार कार्ड, पॅन कार्ड, इ. मध्ये नमूद केल्याप्रमाणे) प्राथम्याने नमूद करण्याबाबत कळविण्यात यावे व त्याप्रमाणे प्राथम्याने दुरुस्ती करुन घ्यावी,
सदर प्रणालीमध्ये आडनांवे नमूद न करणान्या शिक्षकांना बदलीसाठी इंग्रजी अद्याक्षराप्रमाणे आडनांवानुसार प्राधान्यक्रम मिळाला नाही तर, त्यास संबंधित शिक्षक जबाबदार राहतील, ही बाब देखील त्यांच्या निदर्शनास आणावी, ही विनंती करण्यात आलेली आहे.
जागतिक Global पुरस्कार विजेते शिक्षक रणजितसिंह डिसले यांना ३४ महिन्यांच्या गैरहजेरीच्या कालावधीत मिळालेले वेतन त्यांनी स्वत:च मंजूर केल्याचे चौकशी अहवालातून उघड झाले आहे.
जिल्हा शिक्षण प्रशिक्षण संस्थेत प्रतिनियुक्तीवर नेमणूक होऊनही डिसले तेथे गेले नाहीत आणि मूळ नियुक्तीच्या ठिकाणी शाळेतही उपस्थित राहिले नाहीत. असे असताना शाळेच्या मुख्याध्यापक पदाचा भार बेकायदेशीरपणे स्वत:कडे ठेवून संशयास्पद आर्थिक व्यवहार केल्याचा ठपका त्यांच्यावर ठेवण्यात आला आहे.
जागतिक पुरस्कार मिळवून प्रकाशझोतात आलेले सोलापूर जिल्हा परिषदेच्या परितेवाडी (ता. माढा) येथील प्राथमिक शिक्षक डिसले हे प्रत्यक्षात ३४ महिने शाळेत किंवा प्रतिनियुक्तीवर नेमणूक झालेल्या जिल्हा प्रशिक्षण संस्थेच्या कार्यालयातही गैरहजर असल्याचे उघड झाले. या प्रकरणी करण्यात आलेल्या चौकशी अहवालात डिसलेंकडून ३४ महिन्यांचे जवळपास १७ लाख रुपये वेतन वसूल करण्याची शिफारस करण्यात आली आहे. मात्र, मुळात गैरहजर असताना डिसलेंना वेतन मिळालेच कसे, आणि ते दिले कुणी, असे प्रश्न उपस्थित झाले. डिसले यांनी या कालावधीत मुख्याध्यापक म्हणून गैरहजर असताना स्वत:चे वेतन स्वत:च मंजूर केल्याचे दिसते आहे. चौकशी समितीने नियमबाह्य आर्थिक व्यवहार केल्याचा ठपका डिसले यांच्यावर ठेवला आहे.
डिसले यांना वेळापूरच्या जिल्हा शिक्षण प्रशिक्षण संस्थेत प्रतिनियुक्तीवर हजर होण्यासाठी नियमानुसार परितेवाडी शाळेतून कार्यमुक्त करण्यात आले होते. त्यानंतर डिसले यांनी शाळेच्या मुख्याध्यापक पदाचा संपूर्ण भार तेथील सेवाज्येष्ठ शिक्षक कदम यांना दिला. परंतु आर्थिक व्यवहार डिसले स्वत:च पाहात होते. या कालावधीत त्यांनी नियमबाह्य आर्थिक व्यवहार केल्याचे दिसून येते. मुख्याध्यापक पदाचा भार बेकायदेशीरपणे स्वत:कडे ठेवून डिसले यांनी जिल्हा परिषद प्रशासनाची फसवणूक केली आहे. स्वत:च्या अधिकारात अनधिकृतपणे त्यांनी स्वत:च्या वेतनाची उचल केल्याचे दिसून आले, असे अहवालात नमूद करण्यात आले आहे.
स्वाक्षरीही वेगवेगळी ..
कालावधीत परितेवाडी जिल्हा परिषद शाळा, वेळापूरची जिल्हा शिक्षण प्रशिक्षण संस्था आणि जिल्हा परिषदेकडील शालेय अभिलेखे पाहता डिसले यांच्या स्वाक्षरीमध्ये अनेक ठिकाणी फरक असून त्यांनी वेगवेगळय़ा प्रकारची स्वाक्षरी केल्याचे दिसून येते. १३ नोव्हेंबर २०१७ ते ५ मे २०२० या कालावधीत परितेवाडी जि. प. शाळा, सोलापूर विज्ञान केंद्र, सोलापूरचे सिंहगड इन्स्टिटय़ूट आणि जिल्हा शिक्षण प्रशिक्षण संस्था यापैकी कोणत्याही ठिकाणी एन्ट्री मस्टर, उपस्थिती पत्रक, शेरे बुक इत्यादीपैकी एकही अधिकृत नोंद उपलब्ध झाली नाही. तसेच डिसले हे या कालावधीतील अधिकृत अभिलेखे सादर करू शकले नाहीत, असेही अहवालात नमूद करण्यात आले आहे.
बदल्या संदर्भात अनेक बाबतीत संभ्रम निर्माण झालेले असून यावर श्री संतोष ताठेसर यांचे संघटनात्मक नेतृत्व दृष्टीने मांडलेले हे विचार आहेत.
📣📣📣📣📣📣📣📣
*बदली अपडेट*
📣📣📣📣📣📣📣📣
*शिक्षक बदल्या होतील का ?*
🧐😇🤔
*शिक्षक संवर्ग सर्वसाधारण बदल्या २०२२*
*सर्वांना सस्नेह नमस्कार*🙏🏻🙏🏻
शिक्षक संवर्ग सर्वसाधारण बदली प्रक्रियेबाबत एक बातमी सध्या सगळीकडे स्प्रेड होताना दिसतेय की ...*राज्यसरकारी कर्मचाऱ्यांच्या बदल्यांना नोव्हेंबरपर्यंत स्थगिती...*
यावरून बऱ्याच बांधवांनी मला वैयक्तिक फोन करून विचारले की आपल्या बदल्या होतील की नाही ?
तर मी वैयक्तिक बाबतीत *९० %* पॉझिटिव्ह आहे की आपल्या बदल्या होणारच ! उर्वरित *१०% भाग* म्हणजे *५ %भाग * शैक्षणिक सत्र सुरू झाले आहे आणि *५ %भाग* राजकीय मानसिकता यांवर अवलंबून आहे !
आपण आता थोड्या नकारात्मक बाबी बघू ... त्यानंतर बदल्या होण्याची शक्यता पडताळून बघू .
नवनवीन शैक्षणिक अपडेट मिळविण्यासाठी डिजिटल youtube चॕनलला सबस्क्राईब करा...👇
*बदल्या का होणार नाहीत ?*
१} *शैक्षणिक नुकसान -* आर.टी.ई २००९ नूसार विद्यार्थ्यांचे शैक्षणिक नुकसान होऊ नये यांसाठी शिक्षक बदल्या या शैक्षणिक सत्र सुरू होण्यापूर्वी म्हणजे ३१ मे पूर्वी पूर्ण प्रक्रिया राबविण्यात यावी .
२} *नवीन मंत्रिमंडळाचा निर्णय -* नवीन मंत्रिमंडळाला जर हा धोरणात्मक वाटला नाही तर किंवा नवीन ग्रामविकासमंत्री यांना यांत काही तृटी वाटल्यास अडचणी येऊ शकतात .
३} *सॉफ्टवेअर* विन्सिट कंपनीचे सॉफ्टवेअर जर शासनाला अयोग्य वाटले किंवा त्यांच्या व्यवहारात जर कमी- जास्तपणा झाला किंवा उर्वरित रक्कम टप्पा देणे घेणे यांत काही अडचण आली तर ...याचा परिणाम होऊ शकतो .
*१} मार्च २०२२ पासून सुरू झालेली ही प्रक्रिया निरंतर संथ गतीने का होईना सुरू आहे .*
*२} मंत्रालयीन पातळीवर जी.आर - परिपत्रके काढणे,बदली समिती नेमणूक , परवानग्या घेणे, सॉफ्टवेअर निर्मिती - खरेदी - टेस्टिंग सर्व बाबी पूर्ण झालेल्या आहेत.*
*३} मंत्रालयीन पातळीवरील कामकाज पूर्ण झालेले असून फक्त प्रशासकिय कामकाज शिल्लक आहे ते व्यवस्थितपणे सुरू आहे.*
*४} ओबीसी आरक्षणामुळे ग्रामपंचायत , जि.प निवडणुकावर परिणाम झालेला असून आचारसंहिता आड येणार नाही अपवाद नगरपरिषद निवडणुका आहेत ती बाब आपणांस लागू नाही.*
*५} फेज - १ कामकाज अगदी व्यवस्थित पूर्ण झालेले असून सोशल अपील प्रमाण अगदीच नगण्य आहे.*
*६} आंतरजिल्हा बदली साठी रोस्टर कामकाज बऱ्याच अंशी पूर्ण असून जेथे अडचण तेथे जुनेच रोस्टर वापरायचे अधिकार मा.सी.ई.ओ यांना दिलेले आहेत .*
*७} बदली स्थगितीसाठी परिपत्रक काढतांना मागील शासनाने शिक्षक वगळून काढले होते तेच सध्याच्या शासनाने नोव्हेंबर २०२२ पर्यंत कंटिन्यू केलेले दिसते .*
*८} सध्याच्या सत्ताधारी शासनाने बऱ्याच अडचणींचा सामना केल्याने मागील शासनाने घेतलेले लोकप्रिय निर्णय टाळण्याचा प्रयत्न होणार नाही.*
*९} बदलीसाठी कालावधी वाढवून घेतलेला दिसून येतो.जर बदल्या होऊ द्यायच्या नसत्या तर तात्काळ रद्द झाल्या असत्या .*
*१०} मागील २०१७ मधील बदल्यांचा आढावा घेता त्या जुलै पर्यंत झाल्या होत्या ही बाब सकारात्मक आहे.*
*तरीही बदल्यांसाठी पुढील आठवडा हा निर्णायक असणार आहे.*
*मी फक्त सकारात्मक - नकारात्मक बाबी सांगितल्या आहेत यांसाठी येणारी वेळ हीच बाब महत्त्वाची आहे .*
ग्लोबल टीचर अवॉर्ड विजेते शिक्षक रणजीतसिंह डिसले यांनी जिल्हा परिषद शिक्षक पदाचा राजीनामा दिल्याचं वृत्त समोर आलं आहे. माढा तालुका प्रशासनाकडे त्यांनी राजीनामा सुपूर्द केला आहे.
प्राथमिक शिक्षण अधिकारी लोहार यांच्याकडे त्यांनी पोस्टाद्वारे आपला राजीनामा दिला आहे. अमेरिकेतील फुलब्राइट संस्थेची शिष्यवृत्ती घेऊन पुढील शिक्षणासाठी 8 ऑगस्ट रोजी रवाना होण्याआधी डिसले गुरुजींनी राजीनामा दिल्यामुळे अनेकांना धक्का बसला आहे. शिक्षक रणजीतसिंह डिसले ग्लोबल टीचर अवॉर्ड पुरस्काराने सन्मानित करण्यात आलं होतं.
डिसले सरांच्या कार्याचा गौरव ग्लोबल पुरस्कार मिळण्याआधी दीडवर्ष पुर्वी प्रकाशसिंग राजपूत यांच्या राष्ट्रीय स्तरावरील दैनिक लोकमतच्या संपादकीय पानावरील लेखात केलेला आहे.
2022 च्या जानेवारी महिन्यात शिक्षण अधिकारी किरण लोहार यांनी तब्बल 3 वर्षे डिसले गुरुजी अनुपस्थित असल्याचा आरोप केला होता.
2021 मध्ये अमेरिकन सरकारकडून स्कॉलरशिप जाहीर.. ग्लोबर टीचर अवॉर्ड विजेते सोलापुरातील जिल्हा परिषद शाळेचे शिक्षक रणजितसिंह डिसले यांना आता अमेरिकन सरकारकडून स्कॉलरशिप जाहीर झाली होती. अमेरिकन सरकारकडून दिली जाणारी प्रतिष्ठित फुलब्राईट स्कॉलरशिप रणजितसिंह डिसले यांना जाहीर झाली होती. ही प्रतिष्ठेची असलेली स्कॉलरशिप संपूर्ण जगभरातील एकूण 40 शिक्षकांना यंदा देण्यात आली होती.
लेट्स क्रॉस द बॉर्डर या उपक्रमाच्या माध्यमातून ते जगभरातील अशांत देशातील मुलांना एकत्र आणून त्यांच्यात अहिंसेच्या विचारांचा प्रसार करण्याचे काम ते करत आहेत. याच विषयावर अधिक संशोधन करण्याची संधी मिळतेय याचा आनंद आहे, असे डिसले गुरुजींनी सांगितले. पीस इन एज्युकेशन या विषयावर अमेरिकेतील विद्यापीठात अधिक संशोधन करण्यासाठी त्यांना ही स्कॉलरशिप जाहीर करण्यात आली होती.