शिक्षक परीक्षा बाबत विभागीय आयुक्त व संघटना चर्चा

 *📝मराठवाड्यातील शिक्षकांसह केंद्रप्रमुख ते शिक्षणाधिकारीही देणार ऐच्छिक परिक्षा!*

*😍शिक्षक संघटनांना राजी करण्यात विभागीय आयुक्तांचे यश!*

            _समाजमाध्यमे व दूरदर्शन वाहिनीद्वारे  शिक्षकांच्या होणाऱ्या परीक्षांवरील चर्चेनंतर शिक्षक सेनेच्या वतीने प्रांताध्यक्ष मा. ज.मो.अभ्यंकर साहेब यांच्या निवेदनातील अभ्यासपूर्ण प्रश्नांच्या सरबत्तीनंतर व शिक्षक सेनेच्या निर्भीड व थेट भूमिकेनंतर शिक्षकांचे मतपरिवर्तन व्हावे व परीक्षेचा हेतू विशद करावा, यासाठी मा.विभागीय आयुक्त श्री.सुनीलजी केंद्रेकर साहेब यांनी मराठवाडा विभागातील शिक्षण उपसंचालक, सर्व आठ जिल्ह्यांचे प्राथमिक व माध्यमिक शिक्षणाधिकारी , सर्व जिल्हा शिक्षण व प्रशिक्षण संस्थेचे प्राचार्य व सर्व शिक्षक संघटनांचे प्रमुख पदाधिकाऱ्यांची काल मंगळवारी आयुक्तालयाच्या मुख्य सभागृहात बैठक बोलावली होती. 

               _या बैठकीत आयुक्त मा.केंद्रेकर साहेब यांनी तब्बल दोन तास अधिकारी-पदाधिकाऱ्यांशी या उपक्रमाबाबत अत्यंत सकारात्मकपणे मनोदय व्यक्त केला. शिक्षकांचा अवमान अथवा उपमर्द न करता आपला हेतू स्वच्छ भावनेतून असल्याचे तपशीलवार मनोगत मांडल्यानंतर  केवळ शिक्षकांच्या घेतल्या जाणाऱ्या परीक्षेला विरोध करण्याची मानसिकता म्यान करून जवळपास सर्वच शिक्षक संघटनांनी या निर्णयास पाठिंबा दिला. त्यामुळे शिक्षकांच्या परीक्षा होणारच मात्र त्या 'दडपणातील परीक्षा' या स्वरूपात न होता ज्ञानवर्धक स्पर्धा परीक्षेच्या रूपाने ऐच्छिक स्वरूपात घेतल्या जाणार आहेत. विशेष म्हणजे या उपक्रमाला 'परीक्षा' हे नावच देऊ नये,अशी संघटनांनी एकमुखाने मागणी केल्यानंतर ती ही मागणी मान्य करत साहेबांनी एखादं समर्पक नाव देण्याचे मान्य केले._

*📝असे राहील स्वरूप-*

 _या परीक्षा तीन गटांमध्ये होणार असून पहिली ते पाचवी वर्गाला शिकवणारे, सहावी ते आठवी वर्गाला शिकवणारे व नववी-दहावी या वर्गाला शिकवणारे असे तीन गटांत वेगवेगळ्या स्तरावरील परीक्षा होणार आहे.ही परीक्षा पूर्णतः ऐच्छिक स्वरूपाची राहणार असून यात सहभागी होणे किंवा न होणे याचे स्वातंत्र्य दिले जाणार आहे. विशेष म्हणजे शिक्षक सेनेच्या मागणीचा परिणाम म्हणून गुणवत्तेस केवळ शिक्षकच जबाबदार नसल्याने शिक्षकांच्या सोबतच अधिकाऱ्यांच्याही ज्ञानाच्या कक्षा रुंदावण्यासाठी व ज्ञानाचे अद्ययवतीकरण करण्यासाठी केंद्रप्रमुख ते शिक्षणाधिकारी या शिक्षण विभागाच्या यंत्रणेतील अधिकाऱ्यांनाही परीक्षेला सामोरे जावे लागणार आहे._

*📑लवकरच परिपत्रक निघणार...!*

_या परीक्षेबाबत विभागीय आयुक्त कार्यालयाकडून लवकरच विशेष परिपत्रक निघणार असून त्यातूनच चाचणीचे सर्व स्वरूप समोर येणार आहे._

वाबळेवाडीकरांचा नवा नारा....

*🚩शिक्षकांच्या व शाळांच्या समस्याही ऐकल्या...!👍🏻*

_जिल्हा परिषद शाळांना अपुरे शिक्षक, रखडलेल्या पदोन्नत्या, अपुरा निधी, भौतिक सुविधांचा अभाव, अशैक्षणिक कामांचा व नवनवीन उपक्रमांचा, टपालांचा भडीमार अशा इतर समस्याही विभागीय आयुक्तांनी जाणून घेत त्याही लवकरच सोडवण्यासाठी कृती कार्यक्रम हाती घेण्याचे सूतोवाच केले._

*🚩ते निलंबन होणार रद्द...!🤝🏻*

_मा.विभागीय आयुक्तांनी गेल्या महिन्यात कन्नड तालुक्यातील हतनुर प्रशालेला भेट दिल्यानंतर तेथील काही अनियमितता समोर आली होती. त्यानंतर मा.विभागीय आयुक्तांनी कमालीची नाराजी व्यक्त करत शिक्षण विभागाचे वाभाडे काढले होते. त्यानंतर जिल्हा परिषदेकडून हतनुर प्रशालेचे प्रभारी मुख्याध्यापक व केंद्राचे प्रभारी केंद्रप्रमुख यांचे निलंबन केले होते. प्रभारी काम पाहत असताना देखील झालेल्या कारवाईवर आक्षेप घेत शिक्षक सेनेच्या आवाहनानंतर बहुतांश तालुक्यातील प्रभारी केंद्रप्रमुखांनी पदभार सोडत असल्याचे पत्र दिले होते. त्यामुळे यावर खूप चर्चा झाली होती. अखेरीस मा.विभागीय आयुक्तांनी याच बैठकीत शिक्षणाधिकाऱ्यांना अशी कार्यवाही मला अपेक्षित नसून मारून-दडपून शिक्षण व्यवस्था सुधारणार नसून मनोधैर्य वाढवल्याने व सकारात्मक मार्गानेच हे काम होऊ शकते. त्यामुळे हे निलंबन रद्द करण्याच्या सूचना दिल्या. या निर्णयामुळे शिक्षकांनी समाधान व्यक्त केले._